2 EEHAMBA 8:12 - Ombibeli Iyapuki

¹² Opo nee Hasael ta ti: “Omolwashike omwene wange ta lili?” Ndele ye ta nyamukula: “Osheshi ame ndi shi shii owii u fike peni ove oto ka ningila ovana vaIsrael. Ove oto ka xwika po eehotengulu davo nokudipaa ovamati vavo neongamukonda nokutyanghaula ounona vavo vanini nokutanda ovalikadi vafimba.”

2 EEHAMBA 8:12 ပူးပေါင်းရင်းမြစ်များ

1 EEHAMBA 18:13

Omwene wange ino shi hepaululilwa mbela osho nde shi ninga, Isabel eshi a dipaa ovaxunganeki vOmwene: Omwene, nhumbi nda holeka ovaxunganeki omilongo nhano na vavali omilongo nhano mekololo, ndele nde va palulifa omungome nomeva?

1 EEHAMBA 19:17

Ndele ou ta i onhapo eongamukonda laHasael, ota ka dipawa kuJehu. Ndele ou ta i onhapo eongamukonda laJehu, ota ka dipawa kuElisa.

2 EEHAMBA 12:17

Pomafiku enya Hasael, ohamba yaAram, ya fikama tai lwifa Gat ndele tai shi nangala. Opo nee Hasael a hovela okuhomona Jerusalem.

2 EEHAMBA 12:18

Opo nee Joas, ohamba yaJuda, ya kufa eeshali adishe diyapuki odo da yapulwa kooxe Josafat naJehoram naAhasia, eehamba daJuda, pamwe neeshali daye mwene noshingoldo ashishe osho sha monika momalimba emona lohamba ndele te di tumine Hasael, ohamba yaAram. Opo nee winya a dja po puJerusalem.

2 EEHAMBA 13:22

Ndele Hasael, ohamba yaAram, ya fininika Israel omafiku aeshe aJoahas.

2 EEHAMBA 13:3

Onghee hano ehandu lOmwene la xwamena Israel, Ye e va yandja momake aHasael, ohamba yaAram, nomomake aBenhadad yaHasael, momafiku aye aeshe.

2 EEHAMBA 13:7

Ndele Ye ina xupifila Joahas omatanga ovakwaita, ashike ovalondi veenghambe omilongo nhano, nomatemba oita omulongo umwe, novakwaita vokolupadi omayovi omulongo. Osheshi ohamba yaAram ye va kondekela noku va ninga ngaashi olungu lomoshipale.

2 EEHAMBA 15:16

Opo nee Menahem a hanauna po Tifsak naaveshe va kala mo, nosho yo oshitukulwalongo shasho okudja kuTirsa. Shaashi inave mu yeululila oshivelo. Okwe shi hanauna po, nokwa tandifa ovafimba aveshe.

2 EEHAMBA 4:28

Ndele ye ta ti: “Ame nda indila ngeno okaana okamati komwene wange? Inandi tya, ino fufya nge ngaho?”

JESAJA 13:16

Ndele ounona vavo vanini otava nyanyaulwa moipafi yavo, nomaumbo avo taa tinhwa po, novakainhu vavo otava haelwa.

JESAJA 13:18

Ndelenee omauta otaa tetaula ovamati, ndele vo itava ka fila onghenda ounona vomomadimo noitava file ounona onghenda.

HOSEA 10:14

Embuyaano loita otali ka penduka movanhu voye. Neehotengulu doye adishe tadi ka hanaunwa po, ngaashi Salmon a hanauna po Bet-Arbel pomafiku oita: Ovadalakadi novana vavo otava ka nyanyaulilwa mumwe.

HOSEA 13:16

Vo otava ka fya keongamukonda, ounona vavo tava ka nyanyaulwa, novalikadi vavo vafimba otava ka tandwa omadimo.

HOSEA 14:1

Israel, alukila kOmwene Kalunga koye, osheshi wa pundukifwa komanyonauno oye.

AMOS 1:13

Omwene osho ta ti: “Omolwomatauluko atatu, naane ovana vaAmmoni, Ame ihandi ka alula ehandukilo. Osheshi ova tanda ovakainhu ovafimba vomuGilead, opo va tandavelife oshilongo shavo.

NAHUM 3:10

Nasho sha ya moupika, moukwatwa. Ovana vasho va nyanyaulilwa pomatukaukilo omapandavanda aeshe, novanenenhu vasho ova nyanekwa novakulunhu vasho aveshe ova mangwa nomalyenge.