2 EEHAMBA 8:1 - Ombibeli Iyapuki

¹ Ndele Elisa okwa lombwela omwalikadi winya, omona waye ye e mu pa omwenyo, ndele ta ti: “Fikama, u ye pamwe neumbo loye u kale ngaashi omunailongo apa to dulu okukala, osheshi Omwene a ifana ondjala. Yo ye uya yo moshilongo ya ninga omido heyali.”

2 EEHAMBA 8:1 ပူးပေါင်းရင်းမြစ်များ

GENESIS 12:10

Ndele moshilongo omwa holoka ondjala, opo Abram okwa ya medu laEgipiti, a kale ngaashi omunailongo, osheshi ondjala oya li inene moshilongo.

GENESIS 26:1

Oshilongo osha hangika kondjala ya shikula ondjala inya yopomafiku aAbraham. Onghee Isak okwa tembuka, a ya kuAbimelek, ohamba yOvafilisti, kuGerar.

GENESIS 41:25

Opo nee Josef okwa tya kuFarao: “Eendjodi daFarao ode lifa. Kalunga okwa shiivifila Farao, eshi Ye a hala okuninga.

GENESIS 41:32

Naashi Farao a tuulula ondjodi luvali, otashi ti: oshinima eshi osha pama sha pangelwa kuKalunga ndele Kalunga ote ke shi wanifa diva.

GENESIS 41:54

nomido heyali dondjala oda hovela, ngaashi Josef a tile. Ndele moilongo aishe omwa li ondjala, ndelenee moshilongo ashishe shaEgipiti omwa li eendja.

GENESIS 47:4

Natango vo ova lombwela Farao tava ti: “Fye otwe uya tu kale manga ngaashi ovanailongo moshilongo, osheshi kwinya kaku na oulifilo weedi dovapiya voye, shaashi ondjala idjuu oi li medu laKaanan. Itavela, fye ovapiya voye, tu tule moshikandjo Gosen.”

2 SAMUEL 21:1

Ndele pomafiku aDavid eshi pa li omido nhatu dondjala, omudo nomudo, David okwa konga oshipala shOmwene. NOmwene e mu lombwela: “OmolwaSaul nomolwepata laye li netimba lohonde, ye eshi a dipaa Ovagibeon.”

2 SAMUEL 24:13

Opo nee Gad e uya kuDavid ndele e mu shiivifila ondjovo yOmwene, ndele ta pula ta ti: “Shilipipo wa hala? Omido nhatu dondjala, ile eehani nhatu okuya onhapo ovafininiki voye eshi tave ku taataa, ile omafiku atatu eongamukonda lOmwene, nokutya, oudu wolutapo moshilongo? Shi diladila hano paife, ove u pe nge enyamukulo eli hai twala kOmwene.”

1 EEHAMBA 17:1

Ndele Elia, Omutisbi, wokuTisbe shomuGilead, okwa lombwela Ahab, ta ti: “Oshili, ngaashi Omwene Kalunga kaIsrael e nomwenyo naame handi kala ofika koshipala shaye, momido edi itamu ka kala nande omume ile odula, ame ngeenge inandi shi tonga.”

1 EEHAMBA 18:2

Ndele Elia okwa ya a ka monike kuAhab. Nondjala ya li idjuu muSamaria.

2 EEHAMBA 4:18

Ndelenee okaana eshi ka kula, oka ya efiku limwe kuxe, ou a li povatei voilya,

2 EEHAMBA 4:36

Opo nee a ifana Gehasi ndele ta ti: “Ifana omwalikadi Omushunemi.” Ye eshi e mu ifana, ndele winya e uya kuye, Elisa ta ti: “Kufa po okaana koye!”

2 EEHAMBA 4:38

Elisa okwe uya vali kuGilgal, ndele moshilongo mwa li ondjala. Ndele fimbo ovalongwa vomuxunganeki va li omutumba moipafi yaye, ye ta ti komupiya waye: “Tula po ombiya inene ndele telekela ovalongwa vomuxunganeki.”

2 EEHAMBA 7:20

Nosho la ningwa. Ovanhu ve li lyataula moshivelo, onghee ola fya.

2 EEHAMBA 8:2

Omwalikadi a fikama a ninga paendjovo domulumenhu waKalunga: okwa ya pamwe neumbo laye ndele a kala ngaashi omunailongo omido heyali moshilongo shOvafilisti.

OMAPSALOME 105:16

Opo nee eshi kwa li a undulila oilongo ondjala, nokwa kufa mo oshishipo keshe sheendja,

OMAPSALOME 107:34

edilopya okwe li ninga edu loshimongwa, omolwoulunde wovanhu ava ve li mo.

JEREMIA 25:29

Osheshi tala, ehanauno ohandi li hovele moshilando eshi sha lukilwa edina lange; nye otamu kala ngeno inamu handukilwa? Onye itamu kala itamu handukilwa, osheshi kombada yoonakukala aveshe kedu ohandi ifana eongamukonda, osho Omwene womatanga ovakwaita ta popi.

LEVITIKUS 26:26

Ame ngeenge handi kufa po ekwafelo lomungome, ovalikadi tava ka teleka omungome weni moshikololo shefiya limwe noku mu alulila omungome weni pashiyelekifo. Ndele nye otamu ka lya ndelenee itamu ka kuta.

AMOS 4:6

“Nosho yo nde mu pa okukusha kwomayoo moilando yeni aishe noluhepo lomungome meenhele deni adishe. Nande ngaha nye inamu aluka kwaame, Omwene ta ti.

HAGGAI 1:11

Ndele oshilongo neemhunda noilya nomaviinyu nomaadi naashishe eshi edu tali menifa novanhu noinamwenyo noilonga aishe yomake onde i ifanena oshikukuta.”

LUKAS 21:11

ndele otapa ka kala keenhele neenhele omakakamo madjuu edu neendjala noudu wolutapo, nomamoniko omahalwifo, nomadidiliko manene meulu.

LUKAS 21:22

Osheshi omafiku oo oehandu, opo aishe ei ya shangwa i wanifwe.

LUKAS 4:25

Ndelenee shimwe ashike handi mu lombwele moshili, ovafiyekadi vahapu va li muIsrael pomafiku aElia, eulu eshi la li la idilwa po omido nhatu neehani hamano nondjala inene ye ile moshilongo ashishe.

OILONGA YOVAYAPOSTOLI 11:28

Ndele umwe womuvo, edina laye Agabus, okwa fikama ndele ta xunganeke mOmhepo Iyapuki, ondjala idjuu tai ke uya kombada yedu alishe; osho ye uya yo mounyuni womukesari Klaudius.

RUT 1:1

Mefimbo linya ovatokolipangeli va pangela, ondjala ye uya moshilongo. Onghee hano omulumenhu umwe womuBetlehem shomuJuda a dja po a ka kale ngaashi omunailongo medu laMoab; ye nomwalikadi waye novana vaye ovamati vavali.