2 EEHAMBA 7:6 - Ombibeli Iyapuki

⁶ Osheshi Omwene a udififa omatanga Ovaarami embuyaano lomatemba oita, nembuyaano leenghambe nembuyaano lomatanga ovakwaita vahapu. Onghee hano venya va lombwelafana, tava ti: “Taleni, ohamba yaIsrael ya futa eehamba dOvaheti neehamba dOvaegipiti di tu homone noku tu kwata.”

2 EEHAMBA 7:6 ပူးပေါင်းရင်းမြစ်များ

2 SAMUEL 10:6

Ovana vaAmmoni eshi va mona nokutya, ve litondifa kuDavid, ovana vaAmmoni va tuma kOvaarami vomuBet-Rehob nOvaarami vomuSoba va futa ovakwaita vokolupadi omayovi omilongo mbali, ndele kohamba yaMaaka ovalumenhu eyovi limwe, novalumenhu vaTob omayovi omulongo naavali.

2 SAMUEL 5:24

Ndele ove ngeenge to udu oikukulo yeemhadi membolongodjo lomiti domitaku, tota hano, osheshi Omwene te ku tetekele komesho a ka denge omatanga Ovafilisti.”

1 EEHAMBA 10:29

nolomatemba oita okudja kuEgipiti. Vo ova landifa eenghambe nomatemba oita keehamba dOvaheti nodOvaarami eesekeli doshisiliveli omafele ahamano metemba nefele nomilongo nhano monghambe.

1 EEHAMBA 20:20

Ndele keshe umwe okwa dipaa omulumenhu umwe, onghee Ovaarami va ya onhapo, nOvaisraeli ve va shikula. Ndelenee Benhadad, ohamba yaAram ye lixupifa ya ya onhapo pamwe novalondi veenghambe ya londa konghambe.

2 EEHAMBA 19:7

Tala, Ame ohandi ke mu pa omhepo, nokutya ta udu eenghundana, ndele ta shuna koshilongo shaye, ndele Ame ohandi ke mu dipaa neongamukonda moshilongo shaye.’ ”

2 EEHAMBA 7:5

Vo ova fikama onguloshi yoshiwiwili va ye monhanda yOvaarami. Ndelenee eshi ve uya popepi nonhanda yOvaarami, inava mona mo nande umwe.

JOB 15:21

Eendaka dehalwifo di li momatwi aye. Mokati kefimbo lombili omuhanauni te mu nhukile.

OMAPSALOME 14:5

Opo va kwatwa kehalukotilifo, osheshi Kalunga a ama koludi lovayuki.

JESAJA 31:1

Woo ava, tava i kuEgipiti va ka konge ekwafo, ndele have lineekele eenghambe, ve lineekela omatemba olwoodi, osheshi oo omahapu, novalondi veenghambe, shaashi ovahapu, ndelenee itava tala kOmuyapuki waIsrael, ndele ihava kongo Omwene.

JESAJA 36:9

Oto dulu ngahelipi okukandula po etotelo lelenga nande limwe, omalenga manini e dulike kumakwao aa omwene wange? Ndelenee ove ho lineekele kuEgipiti u mone ko, vati, omatemba oita novalondi veenghambe.

JEREMIA 46:21

Nosho yo ovakwaita vondjabi ve li mokati kavo ngaashi eenhana da ondoka, otava pilamene ko tava i onhapo avesheveshe, inava kanghama, osheshi efiku lavo lomupya nefimbo loku va handukila ole va hanga.

HESEKIEL 1:24

Ndele yo eshi ya enda, ame nda uda epopolo lomavava ayo ngaashi epopolo lomeva mahapu, ngaashi engungumo lOmunaenghono adishe, epopolo ngaashi euyaano lomatanga oita. Eshi ya kala ofika, oya endjelelifa omavava ayo.

HESEKIEL 10:5

Ndele epopolo lomavava ovakerubi ola udika fiyo okomukala wopondje, ngaashi ondaka yaKalunga Omunaenghono adishe, Ye ngeenge ta popi.

EHOLOLO 9:9

Ndele osha li shi noipakotolwa ya fa yoivela, noshihomo shomavava asho osha fa ekolokoto lomatemba oita, neenghambe tadi tondoka oita.

OVATOKOLIPANGELI 7:21

Ndele vo ova kanghama va kala ofika keshe umwe ponhele yaye keembinga adishe donhanda. Opo nee onhanda aishe ya dongakana, va mbuyaana nokuya onhapo.

1 SAMUEL 14:15

Opo nee ehaluko la kwata onhanda yovakwaita naava va li pondje yonhanda nomomatanga aeshe ovakwaita. Etanga lenangelo nongudu yovakwati voinima nayo yo ya haluka, heeno, edu la kakama, ehalukifo la dja muKalunga.

1 SAMUEL 26:6

Ndele David okwa pula Ahimelek, Omuheti naAbisai yaSeruja, omumwaina waJoab ndele ta ti: “Olyelye ta i pamwe naame kuSaul monhanda?” Ndele Abisai okwa nyamukula ta ti: “Ame ohandi ka ya pamwe naave.”