2 EEHAMBA 7:5 - Ombibeli Iyapuki

⁵ Vo ova fikama onguloshi yoshiwiwili va ye monhanda yOvaarami. Ndelenee eshi ve uya popepi nonhanda yOvaarami, inava mona mo nande umwe.

2 EEHAMBA 7:5 ပူးပေါင်းရင်းမြစ်များ

2 EEHAMBA 7:4

Ngeenge hatu ti: “Tu yeni moshilando, moshilando omu nondjala, ohatu ka fila mo nongeenge ohatu kala omutumba apa, ohatu ka fila mo: Tu yeni hano konhanda yOvaarami. Vo ngeenge tave tu efa tu kale nomwenyo, ohatu ka kala nomwenyo. Ndelenee ngeenge tave tu dipaa, fye hatu fi.”

2 EEHAMBA 7:6

Osheshi Omwene a udififa omatanga Ovaarami embuyaano lomatemba oita, nembuyaano leenghambe nembuyaano lomatanga ovakwaita vahapu. Onghee hano venya va lombwelafana, tava ti: “Taleni, ohamba yaIsrael ya futa eehamba dOvaheti neehamba dOvaegipiti di tu homone noku tu kwata.”

HESEKIEL 12:12

Ndele omupangeli ou e li mokati keni ota ka humbata oinima kepepe, momulaulu fokofoko, ndele ta ka pita mo ye ota ka fa ombululu mekuma a shiive okupita mo. Ye ota ka uvika oshipala shaye, aha mone nomesho aye oshilongo.

LEVITIKUS 27:26

“Ndelenee oiveli yoimuna oyOmwene ngaashi oiveli oyaye mwene, nande umwe e i yapule, osho ngeenge ongobe ile odi, osheshi shOmwene.

LEVITIKUS 27:8

Ndelenee ye ngeenge ohepele, ta nyengwa okufuta ondado, e nokutwalwa komupristeli, opo omupristeli a shiive okuyeleka ondado yaye. Omupristeli na yeleke ondado yaye paenghono dokufuta kwaye.

DEUTERONOMION 28:7

“Omwene te ke ku taataela ovatondadi voye tave ku homona. Tave ku homona nondjila imwe, ndelenee tava ka ya onhapo neendjila heyali.

DEUTERONOMION 32:25

Eongamukonda tali dipaa pondje nomeendjuwo domeni omahaluhalu, ovamati ovanyasha noukadona, okahanana kokomavele pamwe neenghwakutoka.

DEUTERONOMION 32:30

Umwe ta dulu ngahelipi okutaataa eyovi ndele vavali okutaataa omayovi omulongo, ongeenge emanya lavo inali va landifa po nOmwene ngeenge ine va efa po.

1 SAMUEL 30:17

Ndele David okwe va taataa okudja koshiwiwili shonguloshi fiyo onguloshi yefiku la shikula, inapa xupifwa nande umwe ponho yovamati omafele ane, ava va londa eengamelo ndele va ya onhapo.