2 EEHAMBA 7:20 - Ombibeli Iyapuki

²⁰ Nosho la ningwa. Ovanhu ve li lyataula moshivelo, onghee ola fya.

2 EEHAMBA 7:20 ပူးပေါင်းရင်းမြစ်များ

2 EEHAMBA 7:19

Elenga la nyamukula omulumenhu waKalunga ndele tali ti: “Omwene nande a ninge eembuluvelo meulu, osho tashi ka ningwa ngahelipi?” Ndele ye ta ti: “Tala, ove oto ke shi mona nomesho oye, ndelenee ito ka lya kuyo.”

2 EEHAMBA 8:1

Ndele Elisa okwa lombwela omwalikadi winya, omona waye ye e mu pa omwenyo, ndele ta ti: “Fikama, u ye pamwe neumbo loye u kale ngaashi omunailongo apa to dulu okukala, osheshi Omwene a ifana ondjala. Yo ye uya yo moshilongo ya ninga omido heyali.”

2 OMAFIMBO 20:20

Va fikama ongula inene ndele va ya mombuwa yaTekoa. Ndele fimbo tava fikama Josafat a kala ofika ndele ta ti: “Pwilikinei nge, nye Ovajuda noonakukala muJerusalem! Itaveleni Omwene, Kalunga keni, opo nee tamu ka kala mwa pama. Itaveleni ovaxunganeki vaye, opo nee tamu ka kala nelao.”

JOB 20:23

Ye eshi ta yadifa edimo laye, Kalunga ota tumu kombada yaye oupyuhandu waye, Ye ote u mu lokifile eendja daye.

JESAJA 44:26

Aame ou, handi wanifa ondjovo yomupiya wange ndele handi wanifa eenghundafana dovatumwa vange. Aame ou, handi lombwele Jerusalem: Ou na okunangekwa! Noilando yaJuda: Omu na okutungululwa! Ndele Ame handi ka tungulula omakulukuma asho.

JESAJA 7:9

ndele omutwe waEfraim oSamaria, nomutwe waSamaria oye omona waRemalja. Ngeenge itamu itavele, itamu kala po.”

JEREMIA 28:17

Ndele omuxunganeki Hanania okwa fya momudo tuu oo mohani onhiheyali.

NUMERI 20:12

Opo nee Omwene okwa lombwela Moses naAron, ndee ta ti: “Nye eshi inamu itavela nge opo mu yapule nge moipafi yovana vaIsrael, onghee hano nye itamu ka twala eongalo eli medu linya nde li mu pa.”