2 EEHAMBA 7:1 - Ombibeli Iyapuki

¹ Opo nee Elisa ta ti: “Uda ondjovo yOmwene. Omwene ta ti ngaha: Mongula pefimbo tuu eli eekilograma nhatu doufila wa nakwa tadi ka landwa nosekeli imwe, neekilograma hamano doilya osekeli imwe poshivelo shaSamaria.”

2 EEHAMBA 7:1 ပူးပေါင်းရင်းမြစ်များ

1 EEHAMBA 22:19

Mikaia ta ti vali: “Pwilikina ondjovo yOmwene: Ame nda mona Omwene e li omutumba kolukalwapangelo laye meulu, novaengeli aveshe va kala ofika puye.

2 EEHAMBA 20:16

Ndele Jesaja ta ti kuHiskia: “Uda ondjovo yOmwene:

2 EEHAMBA 4:42

Nomulumenhu umwe womuBaal-Salisa e uya ndele ta etele omulumenhu waKalunga omingome doilya ipe; omingome omilongo mbali domufimbaxwa, noilya ya fengwa moshimbaba, ndele Elisa ta ti: “Yandja kovanhu va lye!”

2 EEHAMBA 6:25

Ndele muSamaria mwa li ondjala idjuu, osheshi venya ve shi kondekela efimbo lile fiyo omutwe wondongi tau landifwa neesekeli omilongo hetatu doisiliveli neegrama omafele atatu domatudi eenghuti tadi landwa neesekeli nhano doshisiliveli.

2 EEHAMBA 6:33

Fimbo ye ta popi naavo, ohamba ye uya kuye, ndele ta ti: “Tala, omupya ou tau di kOmwene. Omolwashike ndi teelele vali Omwene?”

2 EEHAMBA 7:16

Opo nee ovanhu va pita mo va ya va ka tinhe onhanda yOvaarami. Neekilograma nhatu doufila wa nakwa wa landwa nosekeli imwe, neekilograma hamano doilya ya landwa nosekeli imwe paendjovo dOmwene.

OMAPSALOME 46:5

Kalunga omo e li musho, onghee itashi tengauka, Kalunga ote ke shi kwafa metendo leluwa.

EXODUS 14:13

Ndelenee Moses okwa nyamukula ovanhu, ndele ta ti: “Inamu tila nande! Kaleni mu neyombamo mu tale exupifo li fike peni Omwene te li mu ningile nena eli. Osheshi ngaashi tamu mono ko Ovaegipiti nena eli, itamu ke va mona ko vali fiyo alushe.

EXODUS 16:12

“Ame nda uda ko eenhangu dOvaisraeli. Va lombwela u tye: Onguloshi yonena otamu ka mona ko ombelela yokulya, nongula inene otamu ka kutifwa komungome, ndele tamu ka shiiva nokutya, Aame Omwene Kalunga keni.”

EXODUS 8:23

Ndele Ame ohandi tula etongoko pokati koshiwana shange noshiwana shoye. Omadidiliko aa otaa ningwa mongula.’ ”

JESAJA 1:10

Pwilikineni ondjovo yOmwene, onye ovakulunhu vaSodom! Tuleni momatwi omhango yaKalunga ketu, nye ovanhu vaGomorra!

HESEKIEL 37:4

Opo nee Ye okwa lombwela nge ta ti: “Xunganekela oipongolo ei u i lombwele: Oipongolo ikukutu, udeni ondjovo yOmwene!

JOHANNES 6:9

“Ope nokamati ke nomingome nhano doilya neeshi mbali, ndelenee edi tadi kwafa shike kwaava ve fike apa.”

JOSUA 3:5

Josua okwa lombwela vali oshiwana ndele ta ti: “Liyapuleni, osheshi mongula Omwene ta ka longa oikumwifa mokati keni.”

EHOLOLO 6:6

Ndele nda uda sha sha fa ondaka mokati koinamwenyo ei ine ya tya: “Olita yoilya otai i odenari imwe, neelita nhatu doilyavala otava i odenari imwe, ndelenee omaadi nomaviinyu ino a hepifa.”

1 SAMUEL 11:9

Ndele va lombwela ovatumwa ovo ve uya ndee tava ti: “Lombweleni ovalumenhu vaJabes muGilead, tamu ti: ‘Mongula moshanga shomutenya nye otamu ka mona ekwafo.’ ” Ovatumwa eshi va ya mo ndele ve shi lombwela ovalumenhu vomuJabes, vo ova hafa.

1 SAMUEL 15:1

Opo nee Samuel ta ti kuSaul: “Omwene okwa tuma nge ndi ku vaeke u ninge ohamba yoshiwana shaye shOvaisraeli. Pwilikina hano paife eendjovo dOmwene.