2 EEHAMBA 5:20 - Ombibeli Iyapuki

²⁰ Gehasi, omupiya waElisa, omulumenhu waKalunga, te lipopile ta ti: “Tala, omwene wange okwa tala ashike ngaho Naeman, Omuaram, ina tambula sha shomeke laye, osho e shi eta. Oshili, ngaashi Omwene e nomwenyo, oshili, ame ohandi ke mu shikula ndi ka pewe sha.”

2 EEHAMBA 5:20 ပူးပေါင်းရင်းမြစ်များ

1 EEHAMBA 17:1

Ndele Elia, Omutisbi, wokuTisbe shomuGilead, okwa lombwela Ahab, ta ti: “Oshili, ngaashi Omwene Kalunga kaIsrael e nomwenyo naame handi kala ofika koshipala shaye, momido edi itamu ka kala nande omume ile odula, ame ngeenge inandi shi tonga.”

2 EEHAMBA 13:19

Opo nee omulumenhu waKalunga a handuka ndele ta ti kuyo: “Ngeno wa dengele lutano ile luhamano, ngeno wa taataa sheke Ovaarami. Ndelenee paife to taataa Ovaarami lutatu aluke.”

2 EEHAMBA 4:12

ndele ta ti komupiya waye Gehasi: “Ifana omwalikadi Omushunemi.” Winya eshi a ifanwa ndele ta kala ofika koshipala shaye.

2 EEHAMBA 4:25

Ye okwa ya ndele te uya komulumenhu waKalunga komhunda yaKarmel. Omulumenhu waKalunga eshi e mu monena kokule, ta ti komupiya waye Gehasi: “Tala, omwalikadi Omushunemi ota di kwinya.”

2 EEHAMBA 4:31

Ndele Gehasi okwe va pitila komesho nokwa tula onhaili poshipala shokaana okamati, ndelenee inapa udika ondaka ile omufudo. Opo nee ye a shuna ndele te mu shakeneke ndele te mu lombwele ta ti: “Okaana okamati inaka penduka.”

2 EEHAMBA 4:36

Opo nee a ifana Gehasi ndele ta ti: “Ifana omwalikadi Omushunemi.” Ye eshi e mu ifana, ndele winya e uya kuye, Elisa ta ti: “Kufa po okaana koye!”

2 EEHAMBA 5:16

Ndelenee ye ta ti: “Oshili, ngaashi Omwene e nomwenyo koshipala shaye ame handi kala ofika, itandi i tambula!” Ndele winya okwa diinina e i tambule, ndele ye okwa anya.

2 EEHAMBA 5:21

Opo nee Gehasi okwa shikula Naeman nokweendelela. Ndele Naeman, eshi a mona umwe ta tondoka, okwa nhuka mo metemba ndele te mu shakeneke, ndele ta ti: “Onawa tuu?”

2 EEHAMBA 6:31

Ndele yo tai ti: “Kalunga na ningile nge shonhumba noshongadi, ngeenge omutwe waElisa yaSafat tau ka kala kumwe nofingo nena.”

2 EEHAMBA 8:4

Ohamba ya hangika tai kundafana naGehasi, omupiya womulumenhu waKalunga, ndele tai ti: “Hepaululile nge oinima aishe inene Elisa e i ninga.”

2 EEHAMBA 8:7

Ndele Elisa okwe uya kuDamaskus, fimbo Benhadad, ohamba yaAram, tai vele. Ndele ve i shiivifila tava ti: “Omulumenhu waKalunga okwe uya.”

OMAPSALOME 10:3

Osheshi omukehenakalunga ote litadele oiningwa yokahalu kaye; ndele omunalwisho ta sheke Omwene.

EXODUS 20:17

“Ino haluka eumbo lamukweni. Ino haluka omwalikadi womukweni, ile omupiya waye omulumenhu ile omukainhu ile ongobe yaye ile ondongi yaye ile keshe eshi shamukweni.”

EXODUS 20:7

“Edina lOmwene Kalunga koye, ino li tumbulila ongaho, osheshi Omwene ita efa ina handukila ou ta tumbulile edina laye hamungaho.

OMAYELETUMBULO 26:16

Omundede ye omunongo momesho aye mwene, e dule vaheyali ava hava nyamukula neendunge.

JESAJA 48:1

Udeni, onye vomeumbo laJakob, onye ava mwe lilukila edina laIsrael nomwa dja momeva aJuda, onye ava hamu ane medina lOmwene, ndele tamu pitifa Kalunga kaIsrael momakanya eni, ndele inamu shi ninga moshili nomouyuki,

JEREMIA 22:17

Ndelenee omesho oye nomutima woye itau kongo shimwe shi lili, eliko tuu loye mwene nokutilashi ohonde ihe netimba nokuhepeka nokunyeka.

HABAKUK 2:9

Woo ou, ta nyekele eumbo laye emona loulunde, opo a tungile pombada oshihadi shaye, e lixupife ye mwene meke lomupya.

MATEUS 10:4

Simon omuladi naJudas Iskariot, oye tuu ou e mu kengelela.

MATEUS 26:9

Ngeno a landifwa po, ngeno oimaliwa ihapu, i yandjelwe eehepele.”

LUKAS 12:15

Ndele Ye okwe va lombwela: “Pashukeni nye mu lungame keshe tuu olwisho, osheshi omwenyo womunhu ihau xupifwa kouhapu weliko laye.”

LUKAS 16:8

Omwene okwa pandula omukeleli ehe fi omuyuki molwaashi e neendunge. Osheshi ovana vounyuni ou ove na omakeko mokukalafana kwavo ve dule ovana vouyelele.”

JOHANNES 13:2

Ndele pouvalelo Satana eshi a tula momutima waJudas Iskariot omona waSimon, e mu kengelele,

JOHANNES 6:70

Jesus okwe va nyamukula: “Haame nde mu hoolola, nye omulongo navavali? Ndelenee umwe womunye omudiaboli.”

OILONGA YOVAYAPOSTOLI 5:2

omulumenhu okwa holeka po oimaliwa imwe, nomukainhu waye e i shii, noshitukulwa shimwe shayo okwe shi tula keemhadi dovayapostoli.

2 TIMOTEUS 4:10

Osheshi Demas mokuhola ounyuni ou wopaife, okwa fiya nge po, ndele ta i kuTessalonika, Kreskens okwa ya kuGalatia, Titus okuDalmatia.

TITUS 1:7

Osheshi omufitaongalo oku nokukala ehe noshipo ngaashi sha wapalela elenga laKalunga, hanakulihola mwene, hamuhandunhu, hangholwe, hamukolokoshi, hamukongi weliko loulunde,

1 PETRUS 5:2

Lifeni oufita waKalunga mwe u pewa, hakefininiko, ndelenee omehalo liwa; hamolweliko la kaka, ndelenee okehalo liwa lokomwenyo pahalo laKalunga,

1 SAMUEL 14:39

Osheshi oshili Omwene ngaashi e nomwenyo, ou a xupifa Ovaisraeli, nande omumwange Jonatan a nyona, ye e nokufya shili!” Ndelenee nande umwe womovakwaita e mu nyamukula.