2 EEHAMBA 5:16 - Ombibeli Iyapuki

¹⁶ Ndelenee ye ta ti: “Oshili, ngaashi Omwene e nomwenyo koshipala shaye ame handi kala ofika, itandi i tambula!” Ndele winya okwa diinina e i tambule, ndele ye okwa anya.

2 EEHAMBA 5:16 ပူးပေါင်းရင်းမြစ်များ

1 EEHAMBA 13:8

Ndelenee omulumenhu waKalunga ta ti kohamba: “Nande u pe nge etata leumbo loye, ame itandi i pamwe naave, ndele itandi li omungome noitandi nu omeva monhele ei.

1 EEHAMBA 17:1

Ndele Elia, Omutisbi, wokuTisbe shomuGilead, okwa lombwela Ahab, ta ti: “Oshili, ngaashi Omwene Kalunga kaIsrael e nomwenyo naame handi kala ofika koshipala shaye, momido edi itamu ka kala nande omume ile odula, ame ngeenge inandi shi tonga.”

1 EEHAMBA 18:15

Ndelenee Elia ta ti: “Oshili, ngaashi Omwene womatanga ovakwaita e nomwenyo, koshipala shaye ame handi kala ofika, onena eli handi ke mu lihololela.”

2 EEHAMBA 3:14

Elisa ta ti: “Oshili, ngaashi Omwene womatanga ovakwaita e nomwenyo koshipala shaau handi kala ofika: ngeno inandi hala oku wapalela Josafat, ohamba yaJuda, ngeno itandi ku tale nande noihandi ku mono.

2 EEHAMBA 5:20

Gehasi, omupiya waElisa, omulumenhu waKalunga, te lipopile ta ti: “Tala, omwene wange okwa tala ashike ngaho Naeman, Omuaram, ina tambula sha shomeke laye, osho e shi eta. Oshili, ngaashi Omwene e nomwenyo, oshili, ame ohandi ke mu shikula ndi ka pewe sha.”

2 EEHAMBA 5:26

Ndelenee ye ta ti kuye: “Omutima wange inau enda pamwe naave, eshi omulumenhu umwe a dja metemba laye nokwa piluka e ku shakeneke? Efimbo olo tuu lokukufa oisiliveli noikutu nokukufa oikokola yomalumono noyomiviinyu needi neengobe novapika?

DANIEL 5:17

Opo Daniel a nyamukula, ndele ta ti moipafi yohamba: “Kala noinima yoye, neeshali doye di pa omunhu umwe. Ndele ame onda hala ndi leshele ohamba eshangelo eli nondi tomonene eendunge dalo.

MATEUS 10:8

Veluleni ovanaudu, nyumuneni ovafi, yelifeni ovanashilundu, teni mo eendemoni. Onye mwa tambula oshali, yandjeni yo oshali.

1 OVAKORINTO 6:12

“Ame inandi dilikwa sha,” ndele haaishe i nekwafo. “Ame inandi dilikwa sha,” ndelenee nghi nokupangelwa kusha.

2 OVAKORINTO 12:14

Taleni, olutitatu onde lilongekida okuuya kunye, ndele itandi ke mu etela oudjuu, osheshi itandi kongo oinima yeni, ndelenee onye vene. Ndishi ovana ihava kongele ovakulunhu vavo oinima, ndelenee ovakulunhu ohava kongele ovana vavo.