2 EEHAMBA 3:12 - Ombibeli Iyapuki

¹² Josafat ta ti: “Ye e nondjovo yOmwene.” Opo nee ohamba yaIsrael naJosafat nohamba yaEdom, da ya kuye.

2 EEHAMBA 3:12 ပူးပေါင်းရင်းမြစ်များ

2 EEHAMBA 2:21

Opo nee ye a ya kofifiya yomeva nokwa ekela mo omongwa ndele ta ti: “Omwene ta ti ngaha: ‘Ame nda wapaleka omeva aa. Oo itaa eta vali efyo neehele.’ ”

2 EEHAMBA 3:11

Ndelenee Josafat okwa tya: “Apa kape nomuxunganeki wOmwene tu mu pule epukululo lokOmwene?” Opo nee umwe womovapiya vohamba yaIsrael okwa nyamukula, ta ti: “Elisa yaSafat, ou a tila omeva komake aElia, opo e li.”

2 EEHAMBA 3:13

Ndele Elisa okwa lombwela ohamba yaIsrael: “Ame ndi na shike naave? Inda kovaxunganeki vaxo novanyoko.” Ohamba yaIsrael ye mu lombwela: “Hangaha! Osheshi Omwene okwa ongela eehamba edi nhatu, Ye e di yandje momake Ovamoab.”

2 EEHAMBA 5:15

Opo nee ye naaveshe ava ve mu shikula, ova piluka va ya komulumenhu waKalunga, nokwa ya mo ndele ta kala ofika koshipala shaye ndele ta ti: “Tala, paife ndi shi shii nokutya, kombada yedu alishe kape na Kalunga kamwe, omuIsrael amuke. Tambula hano oshali komupiya woye.”

JESAJA 49:23

Ndele eehamba otadi ningi ovayakuli voye, ovapangeli ovambada vavo otave ke va nyamifa. Otave linyongamene koshipala shoye, ndele tava lafa ondwi keemhadi doye. Ove to ka shiiva nge, Aame Omwene, ndele ava tava teelele nge, itava fifwa ohoni.

JESAJA 60:14

Ndele ovana ovamati vovahepeki voye, otave ke uya kwoove tava ende va petama, naaveshe ava ve ku dina otava wile eombe keemhadi doye, ndele tave ku ifana: “Sion, oshilando shOmwene shOmuyapuki waIsrael!”

JEREMIA 37:17

ohamba Sedekia okwa tuma ko ndele te mu ifana. Ohamba oye mu pula mongulu yayo meholeko ndele tai ti: “Ope neendjovo dOmwene?” Jeremia okwa tya: “Heeno, ope na, nokwa tya: Ove oto ka yandjwa momake ohamba yaBabilon.”

EHOLOLO 3:9

Tala, ohandi ku pe vamwe vomongudu yaSatana, ovo have liti, ovo Ovajuda, ndele havo, ohava fufya ashike. Tala, ohandi ke va ninga, ve ke uye kwoove, ndele tave linyongamene keemhadi doye, ndele tava ka shiiva, nokutya, ondi ku hole.