2 EEHAMBA 24:2 - Ombibeli Iyapuki

² Opo nee Omwene ta tumu eemwiila dOvakaldea neemwiila dOvaarami neemwiila dOvamoab neemwiila dOvaammoni, di mu lwife Ye okwe di tuma okulwifa Juda, di shi hanaune po pandjovo yOmwene e i popififa ovapiya vaye ovaxunganeki.

2 EEHAMBA 24:2 ပူးပေါင်းရင်းမြစ်များ

2 EEHAMBA 20:17

Tala, omafiku tae uya, opo nee aishe oyo i li mongulu yoye naayo ooxo ve i ongela fiyo onena eli, tai ka twalwa kuBabilon. Itapa ka xupa nande sha, Omwene osho ta ti.

2 EEHAMBA 22:16

Omwene ta ti ngaha: “Tala, Ame ohandi tumine onhele ei noonakukalamo omupya, heeno, eendjovo adishe domembo, ohamba yaJuda ye li lesha.

2 EEHAMBA 23:27

NOmwene okwa tile: “Ame ohandi ka ekelashi Juda ngaashi nda ekelashi Israel koshipala shange. Naame ohandi ka ekelashi oshilando eshi Jerusalem nde shi hoolola, nongulu oyo nde i popya: Edina lange tali ka kala muyo.”

2 EEHAMBA 6:23

Ndele okwe va telekela oitelekela inene. Ndele vo eshi va lya ndele va nwa, okwe va lekela va ye. Ndele va ya komwene wavo. NOvaarami inava ninga vali eemwiila koshilongo shaIsrael.

2 OMAFIMBO 33:11

Onghee hano Omwene a tuma ovakulunhu vomatanga novakwaita vohamba yaAsiria, ve va lwife. Ndele vo ova kwata Manasse neengona ndele ve mu manga nomalyenge oshikushu ndele ve mu twala kuBabilon.

JOB 1:17

Fimbo ta popi, umwe okwe uya vali ndele ta ti: “Ovakaldea va li meengudu nhatu va tanda ombinga ndele va nhukila eengamelo ndele ve di kwata oixuulwa, ndelenee ovapiya ve va dipaa neongamukonda. Naame andike nda xupa po ndi shi ku shiivifile.”

JESAJA 13:5

Ovo tava di kedu lokokule, okominghulo deulu, Omwene noilongifo youpyuhandu waye yokuhanauna po edu alishe.

JESAJA 28:19

Shamha tuu tali tondoka, nye tali mu kwata, shaashi otali tondoka ongula nongula, tali uya oufiku nomutenya. Ndele oshili, elongo leudifo eli tali eta ehaluko.

JESAJA 7:17

“Ndelenee Omwene ota dimine kombada yoye nokombada yoshiwana shoye nokombada yeumbo laxo omafiku oo a li inae uya fimbo Efraim ina efa Juda e uye. Ta dimine ohamba yaAsiria e uye.”

JEREMIA 12:9

Efyuululo lange inali ninga tuu odila yomavala, ya kondekwa keenhwa? Fikameni ka shiveni oifitukuti aishe nai uye keendja.

JEREMIA 25:1

Ondjovo ya hanga Jeremia, tai tongo oshiwana ashishe shaJuda, momudo omutine wepangelo laJehoiakim yaJosia, ohamba yaJuda, momudo wotete wepangelo laNebukadnesar, ohamba yaBabilon,

JEREMIA 25:9

onghee ohandi ifana ko nohandi ka eta ko oiwana aishe yokoumbangalanhu, Omwene ta ti, nomupiya wange Nebukadnesar, ohamba yaBabilon, ndele handi ke va pumifila moshilongo eshi noonakukalamo, noiwana aishe yomoushiinda. Ndele handi ke va yandja kokufingwa ndele tava ningi oshitilifa shongaho noiyolifa nonduba yomakulukuma fiyo alushe.

JEREMIA 26:20

Ndelenee okwa li yo omulumenhu umwe Uria yaShemaia, Omukiriat-Jearim. Ye okwa xunganeka medina lOmwene ta popi okuhandukilwa kwoshilando eshi nedu eli ngaashi Jeremia.

JEREMIA 26:6

opo nee handi ka ninga otembeli ei ngaashi nda ninga Silo noshilando eshi ohandi shi ningi ondjovo yefingo koiwana aishe yokombada yedu.’ ”

JEREMIA 32:28

Onghee Omwene ota ti ngaha: Tala, oshilando eshi ohandi shi yandje momake Ovakaldea nomomake aNebukadnesar, ohamba yaBabilon, ndele ye ote shi nangala.

JEREMIA 35:11

Ndelenee opa ningwa, Nebukadnesar, ohamba yaBabilon, eshi a homona oshilongo, otwa popya ndele hatu ti: Fikameni, tu yeni kuJerusalem, fye tu ye oita yOvakaldea noita yOvaarami onhapo. Osho ngaha fye otwa kala muJerusalem.

JEREMIA 52:28

Ovanhu ovo ava Nebukadnesar e va twala moupika: Momudo omutiheyali Ovajuda omayovi atatu nomilongo mbali navatatu,

OMAIMBILOKEMO 1:17

Sion ta yelulile ko omake aye, ye ke nomuhekeleki. Omwene okwa shivila Jakob ovatondi vaye keembinga adishe. Jerusalem osha ninga oixuna yongaho mokati kovanamwenyo.

HESEKIEL 19:8

Opo nee oiwana keembinga neembinga oya fikama oku i lwifa, ndele ya yala kombada yayo ondjadja yayo. Mekelo lavo yo oya kwatwa.

HESEKIEL 23:23

Ovababiloni nOvakaldea aveshe. Pekod naSoa naKoa Ovaasiria aveshe pamwe navo, ovalumenhu ovanyasha vawa, vo aveshe ovapangeli nomalenga, ovakulunhu vovakwaita novanhu va fimana, vo aveshe ovalondi veenghambe.

MIKA 3:12

Onghee hano Sion tashi ka pululwa epya molweni naJerusalem tashi ka ninga onduba yomamanya, nomhunda yotembeli otai ka shituka oshikulundudu shi noixwa.

HABAKUK 1:6

Osheshi tala, ohandi ka pendula Ovakaldea, oshiwana osho shidjuu shihe nolukeno, tashi taulula oumbwalangadja wedu, ndele tashi nyeka eenhele deenghalelo dihe fi dasho.