2 EEHAMBA 24:1 - Ombibeli Iyapuki

¹ Pomafiku aJehoiakim, Nebukadnesar, ohamba yaBabilon, ya fikama i lwe, ndele Jehoiakim okwa ninga omupiya wayo omido nhatu. Eshi da pita, ye okwe i liteeka.

2 EEHAMBA 24:1 ပူးပေါင်းရင်းမြစ်များ

2 EEHAMBA 17:5

Nohamba yaAsiria ya homona oshilongo ashishe ndele ya homona Samaria ndele tai shi kondeke omido nhatu.

2 EEHAMBA 24:20

Osheshi omolwehandu lOmwene, eshi sha hanga Jerusalem naJuda, fiyo Ye e va ekelashi koshipala shaye. Ndele Sedekia okwe liteeka ohamba yaBabilon.

2 OMAFIMBO 36:1

Novanhu vomoshilongo va kufa Joahas yaJosia, ndele ve mu ninga ohamba ponhele yaxe muJerusalem.

ESRA 4:12

“Ohamba tai shiivifilwa nokutya, Ovajuda, ovo va dja kwoove, ve uya kufye, ova fika kuJerusalem. Vo otava tungulula oshilando shii noshi nondubo. Otava tungulula eehotekuma ndele tava vandeke ekanghameno.

JESAJA 36:5

Ame ohandi ti: Eendjovo dongaho odo eendunge neenghono dokulwa? Olyelye ou we mu lineekela, eshi wa twa ondubo naame?

JEREMIA 25:1

Ondjovo ya hanga Jeremia, tai tongo oshiwana ashishe shaJuda, momudo omutine wepangelo laJehoiakim yaJosia, ohamba yaJuda, momudo wotete wepangelo laNebukadnesar, ohamba yaBabilon,

JEREMIA 25:9

onghee ohandi ifana ko nohandi ka eta ko oiwana aishe yokoumbangalanhu, Omwene ta ti, nomupiya wange Nebukadnesar, ohamba yaBabilon, ndele handi ke va pumifila moshilongo eshi noonakukalamo, noiwana aishe yomoushiinda. Ndele handi ke va yandja kokufingwa ndele tava ningi oshitilifa shongaho noiyolifa nonduba yomakulukuma fiyo alushe.

JEREMIA 35:1

Pomafiku aJehoiakim yaJosia, ohamba yaJuda, ondjovo ya dja kOmwene, oya hanga Jeremia, tai ti:

JEREMIA 35:11

Ndelenee opa ningwa, Nebukadnesar, ohamba yaBabilon, eshi a homona oshilongo, otwa popya ndele hatu ti: Fikameni, tu yeni kuJerusalem, fye tu ye oita yOvakaldea noita yOvaarami onhapo. Osho ngaha fye otwa kala muJerusalem.

JEREMIA 36:1

Ndele momudo omutine waJehoiakim yaJosia, ohamba yaJuda, ondjovo ei oya dja kOmwene oya hanga Jeremia, tai ti:

JEREMIA 45:1

Ondjovo oyo omuxunganeki Jeremia e i lombwela Baruk yaNeria ye eshi e di shangela momushangwatonywa da tongwa kokanya kaJeremia momudo omutine waJehoiakim yaJosia, ohamba yaJuda, tai ti:

JEREMIA 46:2

Egipiti tashi popiwa: Oita yaFarao Neko, ohamba yaEgipiti, ei ya li pomulonga waEufrat kuKarkemis, ya tewa kuNebukadnesar, ohamba yaBabilon momudo omutine waJehoiakim yaJosia, ohamba yaJuda.

JEREMIA 50:17

Israel ya fa odi ya fadukifwa po keenghoshi. Tete ohamba yaAsiria e i lya po nokwa shikulwa kuNebukadnesar, ohamba yaBabilon, a kunya omakipa ayo.

HESEKIEL 19:8

Opo nee oiwana keembinga neembinga oya fikama oku i lwifa, ndele ya yala kombada yayo ondjadja yayo. Mekelo lavo yo oya kwatwa.

HESEKIEL 21:14

“Ndele ove, kaana komunhu, xunganeka u denge kumwe omake, opo eongamukonda li ninge avali, atatu nokuli, olo eongamukonda lovadipawa, heeno, edipaelomukonda tali dipaa ovanenenhu ndele tali va dingilile.

DANIEL 1:1

Momudo omutitatu wepangelo laJehoiakim, ohamba yaJuda, Nebukadnesar, ohamba yaBabilon, oye uya kuJerusalem, ndele tai shi kondeke.

DANIEL 1:2

Ndele Omwene okwa yandja Jehoiakim, ohamba yaJuda, momake aye pamwe nombinga imwe yomoiyuma yomotembeli yaKalunga, ndele ye okwe i twala kedu laSinear motembeli yakalunga kaye, noiyuma okwe i tuvikila melimba lemona lakalunga kaye.

HABAKUK 1:6

Osheshi tala, ohandi ka pendula Ovakaldea, oshiwana osho shidjuu shihe nolukeno, tashi taulula oumbwalangadja wedu, ndele tashi nyeka eenhele deenghalelo dihe fi dasho.