2 EEHAMBA 23:3 - Ombibeli Iyapuki

³ Nohamba ya kala ofika pongudi ndele tai ningi ehangano nOmwene koshipala shOmwene, nokutya vo ve nokudiinina nomutima aushe nomwenyo aushe oipango yaye neendobwedi daye neenghedimhango daye, opo va diinine eendjovo odo da shangelwa membo olo. Novanhu aveshe ve uya mehangano olo.

2 EEHAMBA 23:3 ပူးပေါင်းရင်းမြစ်များ

2 EEHAMBA 11:14

Ye eshi a mona ohamba tai kala ofika pongudi panghedi yoshilongo, pamwe novakulunhu novashiki vomanghuma pohamba, fimbo ovanhu aveshe vomoshilongo va hafa ndele va shika ouxumba, Atalia okwa pombaula oikutu yaye ndele ta ti: “Ekengelelo! Ekengelelo!”

2 EEHAMBA 11:17

Ndele Jehoiada okwa ninga ehangano pokati kOmwene nohamba novanhu, vo va ninge oshiwana shOmwene. Nosho yo pokati kohamba noshiwana.

2 OMAFIMBO 15:15

NOvajuda aveshe va shambukwa keemwenyo omolweano, osheshi va ana nomitima davo adishe ndele va konga Omwene nehalo lavo alishe. Ndele Ye okwe ve lihololela, nOmwene e va pa etulumuko keembinga adishe.

2 OMAFIMBO 23:13

Ndele eshi a mona ohamba tai kala ofika monhele ya tumba poshivelo, novakulunhu novashiki vomanghuma va kala ofika pohamba, novanhu aveshe vomoshilongo va hafa ndele tava shiki omanghuma, novaimbi noishikomwa, fimbo tava wilike eimbilo lehambelelo, Atalia ta pombaula oikutu yaye ndele ta ti: “Ekengelelo! Ekengelelo!”

2 OMAFIMBO 23:16

Ndele Jehoiada okwa ninga ehangano pokati kaye mwene novanhu aveshe nokutya, vo va ninge ovanhu vOmwene.

2 OMAFIMBO 29:10

Paife ndi nediladilo momutima wange: okuninga ehangano nOmwene, Kalunga kaIsrael, opo ehandu laye li kanduke po pufye.

ESRA 10:3

Natu ningeni hano paife ehangano naKalunga ketu, tu lekele ovalikadi aveshe naava twa dala navo, papukululo lomwene wange naava hava kakama omolwoshipango shaKalunga ketu. Ndele napa ningwe pamhango.

NEHEMIA 10:1

Ndele momishangwa da hakwa ava va shanga ovava: Omupangeli Nehemia yaHakalja, naSedekia,

NEHEMIA 5:13

Ndele nda tukumuna yo oshikutu shange ndele handi ti: “Kalunga na tukumune omulumenhu keshe ou ita wanifa ondjovo tuu ei, meumbo laye nomwaashi e shi kwete. Ndele na tukumunwe ngaha a kale ehe na sha!” Opo nee oshiongalele ashishe tashi ti: “Amen!” Ndele va hambelela Omwene, novanhu va ninga pandjovo ei.

NEHEMIA 9:38

Ndelenee molwoinima aishe ei ohatu ningi ehangano la pama ndele hatu li pameke mokushanga omadina etu. Momushangwa wa hakwa ovakulunhu vetu nOvalevi vetu novapristeli vetu va shanga.

EXODUS 24:3

Ndele Moses e uya nokwa hepaululila ovanhu eendjovo adishe dOmwene neenghedimhango adishe daye. Opo nee ovanhu aveshe va nyamukula nondaka imwe, ndele tava ti: “Eendjovo adishe da popiwa kOmwene ohatu ke di wanifa.”

OMUUDIFI 8:2

Ame ohandi ti: Diinina oshipango shohamba, unene molweano we li anena Kalunga.

JEREMIA 34:15

Ndelenee paife nye omwe lidilulula nomwa longa eshi sha wapala momesho ange, eshi mwa mangulula keshe umwe omupika waye, ndele mwa ninga ehangano koshipala shange motembeli ya lukilwa edina lange.

JEREMIA 34:8

Ondjovo yOmwene oya hanga Jeremia, ohamba Sedekia eshi a ninga ehangano novanhu vaye aveshe vomuJerusalem, nokwe va ingidila emangululo,

JEREMIA 4:2

Opo nee ove to ka ana moshili nomouyuki nomouyapuki, to ti: “Oshili, ngaashi Omwene e nomwenyo!” Noiwana aishe otai linangeke noupuna muye, ndele tai lifimanekele muye.

JEREMIA 50:5

Otava ka pula Sion, mondjila yavo otava ka taalelifa oipala yavo kusho: otave uya. Tava hangana nOmwene nehangano laalushe, olo itali ka dimbuwa.

DEUTERONOMION 10:12

“Ndele paife Israel, Omwene Kalunga koye ote ku pula shike shimwe ngeno, ashike ove u kale nokutila Omwene Kalunga koye, u ende alushe neendjila daye, ndele u mu hole nokulongela Omwene Kalunga koye nomutima woye aushe nomwenyo woye aushe.

DEUTERONOMION 11:13

Hano nye ngeenge tamu pwilikine nawa oipango yange ei ame handi mu lombwele nena eli, mu kale nokuhola Omwene Kalunga keni noku mu longela nomutima weni aushe nomwenyo weni aushe,

DEUTERONOMION 13:4

Nye mu nokushikula Omwene Kalunga keni noku mu tila nokudiinina oipango yaye, nokupwilikina ondaka yaye noku mu longela nokukanyatela muye.

DEUTERONOMION 29:1

Eendjovo dehangano, Omwene e di lombwela Moses e li ninge nOvaisraeli medu laMoab ponho yehangano olo Ye a ninga navo puHoreb.

DEUTERONOMION 4:45

Odo eendobwedi neenghedimhango nomalombwelo, Moses e a lombwela ovana vaIsrael mokudja kwavo muEgipiti,

DEUTERONOMION 6:1

“Ei oyo hano omhango neenghedimhango nomalombwelo Omwene Kalunga keni a lombwela nge ndi i mu longe, opo mu shiive oku i wanifa medu olo tamu i mo, mu li nangale,

DEUTERONOMION 6:5

Ndele ove hola Omwene Kalunga koye nomutima woye aushe, nomwenyo woye aushe, neenghono doye adishe.

DEUTERONOMION 8:19

“Ndelenee ove ngeenge ho dimbwa Omwene Kalunga koye ndele to tondokele koikalunga imwe ndele to i longele ndele to i linyongamene, opo nee ame ohandi mu lombwele shili nena eli nokutya, nye otamu ka kombwa po sheke.

OVAHEBERI 12:24

nokuJesus, Omupokati wehangano lipe nokohonde yeshamino tai tongo oinima iwa i dule inya yaAbel.

OVAHEBERI 13:20

Ndelenee Kalunga kombili, ou a alula mefyo omufita omukulunhu weedi omolwohonde yehangano laalushe, Omwene wetu Jesus,