2 EEHAMBA 22:2 - Ombibeli Iyapuki

² Nokwa ninga osho sha yuka momesho Omwene, ndele ta ende moinima aishe nondjila yaxe David, ndele ina kanduka mo nande kolulyo ile kolumosho.

2 EEHAMBA 22:2 ပူးပေါင်းရင်းမြစ်များ

1 EEHAMBA 11:38

Ndele ngeenge to pwilikine adishe odo Ame handi ku lombwele ndele ho ende neendjila dange, ndele to ningi eshi sha yuka momesho ange mokudiinina eenghedimhango dange noipango yange ngaashi omupiya wange David a ninga, opo nee Ame ohandi ka kala naave noku ku dikila ongulu tai kalelele, ngaashi nda dikila David, ndele handi ku pe Israel.

1 EEHAMBA 15:11

Ndele Asa okwa ninga osho sha yuka momesho Omwene, ngaashi xe David.

1 EEHAMBA 15:5

osheshi David a ninga osho sha yuka momesho Omwene ndele ina yapuka mo mwaashishe Ye e mu lombwela momafiku aeshe omokukala kwaye, moshinima shimwe ashike nokutya, shaUria, Omuheti.

1 EEHAMBA 3:6

Ndele Salomo okwa nyamukula Kalunga: “Ove wa fila tate David onghenda inene ngaashi ye a kala nokweenda koshipala shoye moudiinini nomouyuki nomutima wa yuka. Ndele we mu ulikila ohole ihe nexulilo, eshi wa tula omona kolukalwapangelo laye, ngaashi shi li nena eli.

2 EEHAMBA 12:3

Ashike, oikulundu yokuyambela inai hanaunwa po. Ovanhu va yamba natango ndele va twimina koikulundu.

2 EEHAMBA 14:3

Nokwa ninga osho sha yuka momesho Omwene, ndelenee hangaashi xe David. Ndelenee ngaashi xe Joas a ninga, osho yo ye a ninga.

2 EEHAMBA 16:2

Omido daAhas da li omilongo mbali, ye eshi a ninga ohamba, nokwa pangela omido omulongo nahamano muJerusalem, ndele ina ninga osho sha yuka momesho Omwene Kalunga kaye, ngaashi xe David,

2 EEHAMBA 18:3

Ndele ye okwa ninga osho sha yuka momesho Omwene ngaashi xe David a ninga.

2 OMAFIMBO 17:3

NOmwene okwa kala naJosafat, shaashi a enda neendjila diwa donale daxe David. Ndele ina konga ooBaal.

2 OMAFIMBO 29:2

Nokwa ninga osho sha yuka moipafi yOmwene ngaashi xe David a ninga.

2 OMAFIMBO 31:20

Osho ngaha Hiskia a ninga muJuda ashishe. Ye okwa ninga osho sha wapala nosha yuka noshoudiinini koshipala shOmwene, Kalunga kaye.

2 OMAFIMBO 34:1

Omido daJosia da li hetatu, ye eshi a ninga ohamba. Nokwa pangela omido omilongo nhatu naumwe muJerusalem.

OMAYELETUMBULO 20:11

Nokamati take liholola nokuli pakukala kwako, oilonga yako ngeenge ya yela noya yuka.

OMAYELETUMBULO 4:27

Ino kanduka ko kolulyo ile kolumosho. Omhadi yoye i kaleka kokule nowii.

SEFANIA 1:1

Ondjovo yOmwene ya hanga Sefania yaKus yaGedalja yaAmarja yaHiskia pomafiku aJosia yaAmon, ohamba yaJuda:

DEUTERONOMION 5:32

“Kala hano u noshisho nye mu ninge ngaashi Omwene Kalunga keni e mu lombwela. Inamu yapukila kolulyo ile kolumosho.

JOSUA 1:7

Kala ashike wa pama nokunyatipala ndele wanifa naanaa omhango aishe, Moses, omupiya wange, e i ku lombwela. Ino yapuka mo muyo nande okolulyo ile kolumosho, opo u kale u nelao keshe apa to i.