2 EEHAMBA 21:2 - Ombibeli Iyapuki

² Ndele ye okwa ninga osho inashi wapala momesho Omwene paixuna yoiwana inya, Omwene e i taataa komesho yovana vaIsrael.

2 EEHAMBA 21:2 ပူးပေါင်းရင်းမြစ်များ

2 EEHAMBA 17:2

Ndele ye a ninga osho inashi yuka momesho Omwene. Ndelenee hangaashi eehamba daIsrael de mu tetekelela.

2 EEHAMBA 21:11

“Shaashi Manasse, ohamba yaJuda, ya ninga oixuna oyo, i dule aishe oyo Ovaamori ava ve i tetekela, va ninga, ndele ya hongaula yo Juda okunyona molwoikalunga,

2 EEHAMBA 21:16

Ndele Manasse okwa tilashi ohonde ihapu unene ihe netimba, fiyo a yadifa Jerusalem nayo, ponho yomatimba aye, ye eshi a hongaula Juda okunyona nokuninga osho inashi yuka momesho Omwene.

2 EEHAMBA 21:20

Nokwa ninga osho inashi yuka momesho Omwene ngaashi xe Manasse a ninga.

2 EEHAMBA 21:21

Nokwa enda nomutima aushe nondjila nayo xe a enda, nokwa fimaneka oikalunga oyo ya fimanekwa kuxe nokwe linyongamena kuyo.

2 EEHAMBA 21:7

Nokwa hongifa yo oshihongwafano shaAsera, ndele te shi tula motembeli, oyo Omwene e i lombwela David nomona waye Salomo nokutya: “Ame ohandi ka tula edina lange li kale mo fiyo alushe mongulu tuu ei nomuJerusalem osho nde shi hoolola moiwana aishe yaIsrael.

2 EEHAMBA 22:17

Shaashi ve liteeka nge ndele va twimina oikalunga imwe, va handukifa nge noilonga aishe yomake avo. Onghee hano oupyuhandu wange tau ka xwamena onhele ei, ndele itau ka dima.

2 EEHAMBA 23:32

Ndele ye okwa ninga osho inashi yuka momesho Omwene ngaashi ooxe va ninga.

2 EEHAMBA 24:9

Nokwa ninga osho inashi yuka momesho Omwene, ngaashi ooxe va ninga.

2 OMAFIMBO 36:14

Novakulunhu yo vomovapristeli novanhu ve liteeka, ndele va longa paixuna aishe yovapaani, ndele va nyateka ongulu yOmwene oyo ye e i yapula muJerusalem.

OMUUDIFI 9:18

Ounongo u dule oilwifo yomoita, ndelenee omulunde ta nyono po oinima ihapu iwa.

JESAJA 66:4

hano osho ngaha naame yo ohandi ke va hoololela omupya, ndele handi va efele eshi tave shi tila, osheshi Ame nda ifana, ndele inapa itavela nande umwe, Ame nda popya, ndele vo inava uda ko, ndelenee vo va longa eshi inashi yuka momesho ange; nove lihoololela eshi inashi wapalela nge.

JEREMIA 15:4

Ame onda hala ndi va ninge oshihalukifo shoixuna koilongo aishe yomounyuni, omolwaManasse yaHiskia, ohamba yaJuda, molwaasho ashishe ye e shi ningila muJerusalem.

HESEKIEL 11:12

Ndele nye otamu ka shiiva nokutya, Aame Omwene, nye ava inamu enda paenghedimhango dange ndele inamu diinina omalombwelo ange, ndelenee mwa longa pamalombwelo oiwana ei tai mu dingilile.”

HESEKIEL 16:51

Samaria mokunyona ina fika nande ketata loulunde woye. Ove wa hapupalifa oixuna yoye, u va dule, ndele ove noixuna yoye aishe we i longa, wa yukipalifa ovamwanyoko ovakainhu.

HESEKIEL 22:3

u tye: Omwene Kalunga ta ti ngaha: Oshilando omu tamu tilwashi ohonde opo efimbo lasho li uye, ndele tashi liningile oikalunga, opo shi linyateke!

DEUTERONOMION 12:31

Hano ino shi hetekela mokulongela Omwene Kalunga koye. Osheshi ashishe eshi oixuna koshipala shOmwene, naashi Ye te shi tondo, venya ova longa mokulongela oikalunga. Heeno, ovana vavo ovamati noukadona vo ove va xwikila momundilo oikalunga yavo.