2 EEHAMBA 20:3 - Ombibeli Iyapuki

³ “Akutu Omwene, dimbulukwa nhumbi nda kala nokweenda koshipala shoye moudiinini nomutima aushe, ndele nda ninga osho sha wapalela omesho oye.” Ndele Hiskia okwa lila unene.

2 EEHAMBA 20:3 ပူးပေါင်းရင်းမြစ်များ

GENESIS 17:1

Omido daAbram eshi da ninga omilongo omugoi nomugoi, Omwene okwe mu lihololela ndele te mu lombwele ta ti: “Aame Kalunga Omunaenghono adishe! Kala nokweenda koshipala shange, opo u kale omuyuki.

GENESIS 5:22

Ndele Henok eshi a dala Metusala okwa li ha ende pamwe naKalunga omido omafele atatu. Ndele ye okwa dala ovana ovamati noukadona.

GENESIS 5:24

Ndele Henok okwa enda pamwe naKalunga. Ndele ye ina monika vali, osheshi Kalunga okwe mu kufa po.

GENESIS 8:1

Ndele Kalunga okwa dimbulukwa Noa noifitukuti aishe noimuna aishe ei ya li pamwe naye mongulu yomomeva. Ndele Kalunga okwa pepifa omhepo kombada yedu opo omeva a oholoke,

1 EEHAMBA 11:4

Ndele Salomo eshi a kulupa, ovalikadi vaye va hongaula omutima waye okushikula oikalunga imwe, onghee omutima waye aushe inau kala nOmwene Kalunga kaye ngaashi omutima waxe David.

1 EEHAMBA 15:14

Ndelenee oikulundu yokuyambela inai hanaunwa po. Ndelenee omutima waAsa wa li shili we liyandja kOmwene, fimbo ye a kala nomwenyo.

1 EEHAMBA 2:4

Omwene opo a wanife ondjovo yaye, Ye a lombwela nge, nokutya: Ovana voye ovamati ngeenge tava pashukile ondjila yavo mokudiinina okweenda koshipala shange nomitima davo adishe neemwenyo davo adishe, opo nee omulumenhu ita ka pumba ou ta ka kala omutumba kolukalwapangelo laIsrael.

1 EEHAMBA 3:6

Ndele Salomo okwa nyamukula Kalunga: “Ove wa fila tate David onghenda inene ngaashi ye a kala nokweenda koshipala shoye moudiinini nomouyuki nomutima wa yuka. Ndele we mu ulikila ohole ihe nexulilo, eshi wa tula omona kolukalwapangelo laye, ngaashi shi li nena eli.

1 EEHAMBA 8:23

ndele ta ti: “Omwene Kalunga kaIsrael, meulu nokombada yedu alishe kakuna ou e ku fa, ou to diinine ehangano nouwanghenda kovapiya voye ovo hava ende koshipala shoye nomutima wavo aushe,

1 EEHAMBA 8:61

Ndele liyandjeni nee neemwenyo adishe kOmwene, Kalunga keni nokweenda pamalombwelo aye nokudiinina oipango yaye ngaashi paife yo.”

1 EEHAMBA 9:4

Ndele ove ngeenge ho ende koshipala shange ngaashi xo David a enda nomutima aushe nomouyuki okuninga ngaashi Ame nde ku lombwela ndele ho diinine eenghedimhango dange nomalombwelo ange,

2 EEHAMBA 20:2

Opo nee Hiskia a pungululila oshipala shaye kekuma, ndele ta indile, ta ti:

2 EEHAMBA 20:4

Ndele Jesaja fimbo ina dja mo natango mehale lopokati, ondjovo yOmwene ye uya kuye ndele tai ti:

2 OMAFIMBO 16:9

Osheshi omesho Omwene taa tale edu alishe, opo a kwafe neenghono ovo have liameke kuye nomutima aushe. Moshinima eshi wa ninga oushima, osheshi okudja paife tapa ka kala oita naave.”

NEHEMIA 13:14

Omolwaashi, dimbulukwe nge, Kalunga kange, ndele ino dima po oilonga yange iwa, oyo nde i ningila ongulu yaKalunga kange noilonga yayo.

NEHEMIA 13:22

Ame nda lombwela vali Ovalevi, nokutya ve nokuliyelifa nokuuya va nangele oivelo opo efiku lEshabata li yapulwe. Dimbulukwe nge molwoshinima eshi yo, Kalunga kange, u file nge onghenda omolwouwanghenda woye uhapu.

NEHEMIA 13:31

nosho yo omafiku oo ve na okutyava oikuni nooshipe yo. Kalunga kange, dimbulukwe nge ndi mone ouwa!

NEHEMIA 5:19

Kalunga kange, dimbulukwa ashishe osho nda ningila ovanhu ava, shi etele nge ouwa.

JOB 1:1

Moshilongo shaUs mwa li mu nomulumenhu edina laye Job. Nomulumenhu ou kwa li ehe noshipo nomuyuki ta tila Kalunga ndele ta kukuma owii.

JOB 1:8

NOmwene ta pula Satana: “Ove wa didilika tuu omupiya wange Job? Osheshi kombada yedu kaku na nande umwe ngaashi ye: omulumenhu ehe noshipo, nomuyuki ndele ta tila Kalunga ndele ta kukuma owii.”

JOB 16:20

Ookaume kange hava sheke nge, ndelenee omesho ange e nomahodi taa taalele Kalunga,

JOB 4:6

Etilokalunga loye kali fi elineekelo loye, nokweenda kwoye mouyuki kaku fi eteelelo loye?

OMAPSALOME 102:9

Osheshi ohandi li omute ngaashi omungome hau liwa, nomoshikunwa shange ohandi shishifile mo omahodi

OMAPSALOME 119:26

Onde ku hololela okweenda kwange, nhumbi ndi li, Ove oho udu nge; longe nge eenghedimhango doye.

OMAPSALOME 119:49

Dimbulukila omupiya woye ondjovo yoye, ei wa udanekela nge.

OMAPSALOME 145:18

Omwene oku li popepi naaveshe, have mu ifana, aveshe ava have mu ifana moshili.

OMAPSALOME 25:7

Omatimba omounyasha, nomanyono ange, nowii wange ino u dimbulukwa. Dimbulukwe nge panghenda nomolwouwa woye, Omwene.

OMAPSALOME 26:1

Omwene, ningile nge eshi sha yuka, osheshi mokweenda kwange nda enda moukoshoki, onda kala nde lineekela Omwene, inandi tengauka.

OMAPSALOME 26:3

osheshi ounamutimanghenda woye ou li komesho yange, nohandi ende moshili yoye.

OMAPSALOME 32:2

Omulumenhu omunelao oye ou Omwene ite mu valulile owii waye, nomomhepo yaye ngeenge kamu na ekonda.

OMAPSALOME 39:13

Efa okutongolola nge, opo ndi hafifwe, fimbo inandi dja po noitandi kala po vali.

OMAPSALOME 6:6

Onda loloka molwomanyemato ange aeshe; keshe oufiku ohandi tutike omutala wange, nomulele wange ohandi u talaleke nomahodi ange.

OMAPSALOME 6:7

Omesho ange okwa twiyala koluhodi nokwa kulupifwa molwovayelani vange aveshe.

OMAPSALOME 89:47

Omwene, dimbulukwa omafiku ange nhumba maxupi, novanhu aveshe, nhumba we va shita ihava kalele kuxula po.

OMAPSALOME 89:50

Omwene, dimbulukwa odino yovapiya voye, ame eshi ndi li po handi humbata meni lange omasheko oiwana yoilongo, apa i fike.

JESAJA 38:14

Ngaashi okahanameva nongaashi ewanye ohandi lili, nohandi kwena ngaashi onghuti; omesho ange a leda molwokutala keulu: Omwene, popile nge, osheshi ame ohandi fininikwa.

JESAJA 63:11

Opo ovanhu vaye ova dimbulukwa omafiku avo onale aMoses, ou e va endifa mefuta. Oku li peni pamwe novafita woshuunda shaye? Ou a tula muye Omhepo yaye Iyapuki, oku li peni?

JEREMIA 4:2

Opo nee ove to ka ana moshili nomouyuki nomouyapuki, to ti: “Oshili, ngaashi Omwene e nomwenyo!” Noiwana aishe otai linangeke noupuna muye, ndele tai lifimanekele muye.

AMOS 5:4

Osheshi Omwene ota ti keumbo laIsrael: “Kongeni nge, opo nee tamu ka kala nomwenyo!

LUKAS 1:6

Ndele vo aveshe vavali ova li ovayuki koshipala shaKalunga nokweenda moipango aishe nomeenghedi dOmwene, ndele va li vehe na oshipo.

JOHANNES 1:47

Opo nee Jesus okwa mona Natanael te uya kuye, ndele e mu tonga ta ti: “Tala, Omuisraeli washili ehe nekoto.”

2 OVAKORINTO 1:12

Osheshi elitango letu oleli: Ehepaululo leliudo letu oleli kutya, fye otwa enda mounyuni naunene mokati keni, mouyapuki nomoukoshoki waKalunga, hamounongo wopambelela, ndele mefilonghenda laKalunga.

OVAHEBERI 5:7

Jesus a yandja pomafiku aye omombelela omayambo omaindilo nomailikano nokukuwa pombada nomahodi kwaau ta dulu oku mu xupifa mefyo, nokwa udika omolwetilokalunga.