2 EEHAMBA 2:9 - Ombibeli Iyapuki

⁹ Vo eshi va tauluka, Elia okwa lombwela Elisa: “Indile nge ndi ku ningile ouwa washa, fimbo inandi kufwa po pwoove.” Elisa ta ti: “Nandi mone omhepo yomwoove luvali.”

2 EEHAMBA 2:9 ပူးပေါင်းရင်းမြစ်များ

1 EEHAMBA 19:16

Ndele Jehu yaNimsi, u noku mu vaeka ohamba yOvaisraeli. Ndele Elisa yaSafat wokuAbel-Mehola, u noku mu vaeka omuxunganeki ponhele yoye.

1 EEHAMBA 3:9

Pa hano omupiya woye omutima u neduliko ndi shiive okupangela pauyuki ovanhu voye, nokutongola ouwa nowii, osheshi olyelye ta dulu okupangela oshiwana eshi shinene shoye shi fike apa?”

OMAPSALOME 72:1

Akutu Kalunga, yandja kohamba onghedi yokutokola kwoye, nokomona wohamba ouyuki woye,

OMAPSALOME 72:20

Apa opo opa xulila omailikano aDavid, omona waIsai.

SAKARIA 12:8

Mefiku tuu olo Omwene ota ka amena oonakukalamo muJerusalem. Nomupunduki mokati kavo ta ka kala mefiku tuu olo ngaashi David, neumbo laDavid tali ka kala ngaashi omukwaulu, ngaashi omweengeli wOmwene komesho yavo.

SAKARIA 9:12

Shuneni kohotengulu, nye eenghwate, mu neteelelo! Onena eli Ame ohandi mu udifile yo, nokutya ohandi ke mu alulila luvali.

NUMERI 11:17

Opo nee Ame ohandi ka kolokela ko nokupopya naave. Ndele omhepo ei i li kombada yoye, Ame ohandi ke i tukula noku i tula kombada yavo. Ndele vo otave ke ku kwafa nokuhumbata oudjuu woshiwana, opo oove auke iho pumbwa oku u humbata.

NUMERI 11:25

Opo nee Omwene okwa kolokela ko moshilemo ndee ta popi naye. Ndele Ye okwa tukula mo mOmhepo ei ya li kombada yaye ndele Ye e i tula kombada yovakulunhu omilongo heyali. Ndele fimbo omhepo ya kala kombada yavo, vo ova xunganeka. Ndelenee hakomesho vali.

JOHANNES 16:7

Ndelenee ohandi mu lombwele oshili: okuya kwange otaku mu kwafa, osheshi ngeenge itandi i ko, Omupopili ite uya kunye, ndele ngeenge handi i ko, ohandi mu tumu kunye.

OILONGA YOVAYAPOSTOLI 1:8

ndelenee nye otamu pewa eenghono, Omhepo Iyapuki ngeenge tai uya munye, ndele tamu ka ninga eendobwedi dange muJerusalem nomuJudea ashishe nomuSamaria nofiyo okominghulo dounyuni.”

OILONGA YOVAYAPOSTOLI 8:17

Ndele ava eshi ve va tenheka omake avo, vo ova pewa Omhepo Iyapuki.

1 OVAKORINTO 12:31

Ndelenee lalakaneneni eeshalinghenda dinene odo di dule dikwao. Ndele handi mu ulikile vali ondjila iwa unene.

DEUTERONOMION 21:17

ahowe, oshiveli shaau ehe holike, oye e noku shi yukifila noku shi pa oitukulwa ivali yomoinima yaye aishe, osheshi sho oshiveli sheenghono daye. Oushiveli owasho.

DEUTERONOMION 34:9

Ndele Josua yaNun okwa li a yada omhepo younongo, osheshi Moses e mu tenheka omake aye. Novana vaIsrael ova dulika kuye ndele va ninga ngaashi Omwene a lombwela Moses.

1 TIMOTEUS 5:17

Ovakulunhu ava hava lele nawa, ove lilongela okufimanekwa shili, unene ava ve li moshilonga shondjovo ndele tava longo.