2 EEHAMBA 2:8 - Ombibeli Iyapuki

⁸ Opo nee Elia a kufa elwakani laye, e li tonya ndele ta denge momeva. Nomeva a tukauka kombinga nombinga, ndele vo aveshe vavali va enda va tauluka omulonga poukukutu.

2 EEHAMBA 2:8 ပူးပေါင်းရင်းမြစ်များ

1 EEHAMBA 19:13

Ndele Elia eshi e ka uda, okwe liuvikila oshipala shaye noshikutu shaye, okwa dja mo ndele ta i moshivelo shekololo, ondaka ye mu popifa ndele tai ti: “Oto ningi shike apa, Elia?”

1 EEHAMBA 19:19

Nokwa dja po, ta i ndele ta shakene naElisa yaSafat, fimbo ta pulula neengobe deendjoko omulongo nambali, de mu pitila komesho, ye mwene a kala pwaado dondjoko onhimulongo nonhivali. Ndele Elia okwa enda po nokwa ekela oshikutu shaye kombada yaElisa.

2 EEHAMBA 2:14

Nokwa kufa elwakani laElia le mu wa, ndele ta denge nalo omeva ndele ta ti: “Omwene Kalunga kaElia oku li peni?” Ye eshi a denga momeva, oo a tukuka kombinga nombinga, ndele Elisa okwa tauluka.

EXODUS 14:29

Ndelenee Ovaisraeli va enda poukukutu va taulula efuta. Nomeva a li ekuma kombinga yokolulyo lavo nokombinga yokolumosho lavo.

JESAJA 11:15

Ndele Omwene ota ka hanauna po oshikololo shefuta laEgipiti, neke laye ote li yedele Eufrat oku u denga nomhepo yaye ipyu, ndele te u tukaula u ninge omilonga heyali, opo u kale tau endwa neenghaku itadi tutu.

OVAHEBERI 11:29

Meitavelo va tokola Efuta Litilyana va fa va enda poukukutu, fimbo Ovaegipiti eshi ve shi hetekela, va fila mo.

OVAHEBERI 11:37

va dipawa nomamanya, va shaaxwa nokutetwa, va hepekwa nai, va dipawa nomaongamukonda. Va tembauka nova djala oikafa yeedi noyoikombo; va fya oluhepo, va fininikwa nova monifwa oixuna,

EHOLOLO 16:12

Nomutihamano okwa tilashi oshiyaxa shaye kombada yomulonga munene waEufrat, nomeva ao a pwiinina mo, opo pa longekidwe ondjila yeehamba dokoushilo.

1 SAMUEL 28:14

Ye te mu pula: “Oye a tya ngahelipi?” Ndele ye ta nyamukula: “Omuxungu a djala oshikutu shokombada, ta mbaduka.” Opo nee Saul eshi a dimbulukwa nokutya, winya oSamuel, ye okwe linyongamena poshi nokwa wila eombe.