2 EEHAMBA 2:3 - Ombibeli Iyapuki

³ Opo nee ovalongwa vomuxunganeki vomuBetel ve uya kuElisa ndele tava ti kuye: “U shi shii tuu nokutya, onena eli Omwene ta ka kufa po omwene woye kombada yomutwe woye?” Ye okwa nyamukula: “Heeno, ondi shi shii. Mweneni.”

2 EEHAMBA 2:3 ပူးပေါင်းရင်းမြစ်များ

1 EEHAMBA 18:4

Osheshi Isabel, eshi a dipaa ovaxunganeki vOmwene, Obadja okwa kufa ovaxunganeki efele limwe nokwe va holeka mo, ovalumenhu omilongo nhano mekololo limwe, novakwao omilongo nhano mekololo li lili, nokwe va xupififa omungome nomeva.

1 EEHAMBA 20:35

Opo nee omulumenhu umwe womovalongwa vovaxunganeki e mu lombwela pandjovo yOmwene: “Denge nge!” Ndelenee omulumenhu a anya oku mu denga.

2 EEHAMBA 2:15

Ovalongwa vomuxunganeki ovo va dja kuJeriko, ve shi tala pomunghulo, vo tava ti: “Omhepo yaElia ya kulukila muElisa.” Opo nee ve uya ve mu shakeneka ndele ve linyongamena kuye.

2 EEHAMBA 2:5

Opo nee ovalongwa vomuxunganeki vomuJeriko ve uya kuElisa ndele tava ti kuye: “U shi shii tuu nokutya, onena eli Omwene ta kufa po omwene woye kombada yomutwe woye?” Ye okwa nyamukula: “Heeno, ondi shi shii. Mweneni!”

2 EEHAMBA 2:7

Ndelenee ovalongwa vomuxunganeki va fikama va ya naavo, ve fike povalumenhu omilongo nhano, ndele va ehena kokule naavo kanini, vo vavali eshi va kanghama puJordan.

2 EEHAMBA 4:1

Ndele omukainhu umwe, omwalikadi womulongwa womuxunganeki okwa lombwela Elisa, ta ti: “Omulumenhu wange, omupiya woye, okwa fya, ndele u shi shii nokutya, omupiya woye kwa li omulumenhu ha tila Kalunga. Paife nakulilwa oikolo te uya okukufa po ovana vange vavali, va ninge ovapika vaye.”

2 EEHAMBA 4:38

Elisa okwe uya vali kuGilgal, ndele moshilongo mwa li ondjala. Ndele fimbo ovalongwa vomuxunganeki va li omutumba moipafi yaye, ye ta ti komupiya waye: “Tula po ombiya inene ndele telekela ovalongwa vomuxunganeki.”

2 EEHAMBA 5:22

Nokwa nyamukula: “Heeno, onawa! Omwene wange a tuma nge ndi tye: ‘Tala, ovamati vavali, ovalongwa vomuxunganeki ve uya paife kwaame va dja keemhunda daEfraim. Va pa oshitalenti shimwe shoshisiliveli noikutu ivali.’ ”

2 EEHAMBA 6:1

Novalongwa vomuxunganeki va lombwela Elisa: “Tala, onhele ei tu li po koshipala shoye, oya finana.

2 EEHAMBA 9:1

Opo nee Elisa a ifana umwe womovalongwa vomuxunganeki ndele ta ti kuye: “Limanga moshiya, kufa oshanga ei yomaadi meke loye, ndele inda kuRamot shomuGilead.

JESAJA 8:18

Ofye novamwange ava Omwene e va pa nge, ofye omadidiliko noikumwifa yaKalunga muIsrael, oyaKalunga komatanga ovakwaita, ou ha kala komhunda yaSion.

AMOS 7:14

Opo nee Amos okwa nyamukula Amasia ndele ta ti: “Ame nghi fi omuxunganeki ile omona womuxunganeki, ndelenee aame omufita weedi nomutwiki womikwiyu domombuwa.

OILONGA YOVAYAPOSTOLI 22:3

“Aame Omujuda, nda dalelwa muTarso shomuKilikia, ndele ame onda tekulwa omu, moshilando eshi opeemhadi daGamaliel, nda longwa okushiiva shili omhango yootate, nonda li handi kondjele Kalunga ngaashi nanye yo osho mu li nena.

DEUTERONOMION 33:3

Heeno, Ye e hole omapata. Ovayapuki vaye aveshe ove li meke laye, ndele vo va li va onga onhanda peemhadi doye. Keshe umwe okwa pewa sha shomeendjovo doye.

1 SAMUEL 10:5

Opo nee to uya komhunda yaKalunga, oko ku na onhanda yovakwaita Ovafilisti. Ndele ove eshi to uya moshilando to ka shakeneka ongudu yovaxunganeki ava tava di koshikulundu shokuyambela, tava tetekelwa komesho keenyalilo nouxumbafeta noungoma noushandje, fimbo voovene tava xunganeke.

1 SAMUEL 19:20

Opo nee Saul a tuma ovatumwa va ka tale ko David. Ndelenee vo eshi va mona ongudu yovaxunganeki tava xunganeke, Samuel e va kwata komesho, Omhepo yaKalunga ya hanga ovatumwa vaSaul, navo yo va xunganeka.