2 EEHAMBA 2:23 - Ombibeli Iyapuki

²³ Ndele ye okwa dja ko ta i kuBetel, ndele mokweenda kwaye nondjila, ovamati vanini va dja koshilando ndele ve mu sheka ndele tava ti kuye: “Londa, ila oku omutwe wongwala! Londa, ila oku omutwe wongwala!”

2 EEHAMBA 2:23 ပူးပေါင်းရင်းမြစ်များ

GENESIS 21:9

Opo nee Sara okwa mona nhumbi omona waHagar, omupika omukainhu Omuegipiti ou a dalela Abraham, ta sheke Isak.

2 EEHAMBA 2:11

Vo eshi tava ende nokukundafana, tala, divadiva etemba lomundilo neenghambe domundilo da holoka, ndele de va tukaula kumwe. Ndele Elia okwa ya keulu momhepo inene.

2 EEHAMBA 2:2

Ndele Elia okwa lombwela Elisa: “Kala apa, osheshi Omwene okwa tuma nge fiyo okuBetel.” Ndelenee Elisa okwa nyamukula: “Oshili, ngaashi Omwene e nomwenyo, noshili ngaashi ove u nomwenyo, itandi ku fii po.” Ndele va ya kuBetel.

2 EEHAMBA 2:22

Opo nee omeva a ninga mawa fiyo onena eli pandjovo ya popiwa kuElisa.

2 OMAFIMBO 36:16

Ndelenee va yola ovatumwa vaKalunga, ndele va dina eendjovo daye, ndele va sheka ovaxunganeki vaye, fiyo oupyuhandu wOmwene wa xwamena ovanhu vaye ndele inapa monika vali eveluko.

JOB 19:18

Ovamati vanini tava dini nge. Ame eshi handi penduka, otava sheke nge.

JOB 30:1

“Ndele paife ovanyasha ovo ndi va dule omido, ohava yolo nge, ooxe nde va dina, ndi va tule ngeno keembwa doimuna yange.

OMAPSALOME 31:17

Omwene, ino efa nge ndi lengaifwe, Oove handi ifana. Ava vehe na ko nasha naave, ovo nava lengaifwe, ndele eshi va tomhwa, nava ye moshovafi!

OMAPSALOME 31:18

Omilungu doipupulu ngeno di mwenekwe, edi tadi tongo omuyuki mowii nomelinenepeko nomokudina.

OMAPSALOME 35:15

Ndele paife, ame eshi nda punduka, otashi va hafifa, ndele tave liongelele nge, ve lipaka kumwe ngaashi ovakalakali ava ndihe va shii, navo otava shashaula nge, itava fuda po nande.

OMAYELETUMBULO 20:11

Nokamati take liholola nokuli pakukala kwako, oilonga yako ngeenge ya yela noya yuka.

OMAYELETUMBULO 22:15

Oulai owa kanyatela momutima wokaana, ndelenee outekushiti tau u taataa mo.

OMAYELETUMBULO 22:6

Omona woye omumati, mu ikifa ondjila yaye ya yuka, opo nee ita ka yapuka muyo, eshi a kula.

OMUUDIFI 11:10

Ndele taataa mo oluhodi momwenyo woye, ndele kandula po omauyehame molutu loye, osheshi ehafo nounyasha yo oyongahoelela.

JESAJA 1:4

Woo, oshiwana shovalunde, ovanhu vomatimba mahapu, noludalo laava ihava udu ko, ounona ovanyoni. Ova efa Omwene, va dina Omuyapuki waIsrael ndele ve mu pilamena.

JESAJA 3:5

Ndele ovanhu otava ka hepekafana, omunhu nomunhu, omukwao nomukwao; okaana otaka tu ondubo nomukulunhu weenghwakutoka, omufyoona ota tu ondubo nomutumbalekwa.

JEREMIA 20:7

Omwene, Ove wa heka nge, naame onda dimina, Ove owa kwata nge, ndele wa dula nge eenghono. Ame onda ninga oshiyolifa omutenya aushe, aveshe tava sheke nge.

JEREMIA 20:8

Osheshi keshe efiku ame ondi nokupopya, ame ndi nokukwena nokwiingida enyeko nehanauno, osheshi ondjovo yOmwene oya tukifa nge noya shekifa nge omutenya aushe.

JEREMIA 7:18

Ovana ohava tyava oikuni, ooxe ohava tema omundilo, ovakainhu ohava pilula ondobo, va yofele ohamba yomukainhu yomeulu omingome, ndele hava yambele oikalunga oikunwayambo, va handukife nge.

HOSEA 10:15

Eshi tashi mu ningilwa kuBetel omolwoulunde weni muhapu. Pokutenda kweluwa ohamba yaIsrael tai nyonwa po.

HOSEA 10:5

Oonakukalamo muSamaria tava ka tila molwonhana yomuBet-Aven. Osheshi omolwonhana ovanhu vasho tava ka nyika oufiye, novapristeli vasho tava ka kakama omolwefimano lasho eli tali kufwa po.

HOSEA 4:15

Israel, ove nande ho haele, Juda nashi kale shihe litule mokunyona. Inamu ya kuGilgal, ndele inamu ka londa kuBet-Aven, ndele nye inamu ana: “Oshilishili, ngaashi Omwene e nomwenyo.”

LEVITIKUS 13:40

Ndele omutwe womulumenhu ngeenge tau duduka eexwiki, ye omutwe wongwala, oye a yela.

AMOS 3:14

nokutya, Ame mefiku olo handi handukile omatauluko aIsrael, ohandi handukile yo eealtari domuBetel, opo eembinga doaltari tadi ka teywa po ndele tadi wile poshi.

AMOS 4:4

“Ileni kuBetel mu ka nyone! NokuGilgal mu hapupalife owii! Ndele eteni omatomenoyambo eni ongula keshe, noshitimulongo sheni mefiku keshe etitatu.

AMOS 5:5

Ndelenee inamu kala nokukonga Betel, ndele inamu uya kuGilgal, noinamu ya kuBerseba. Osheshi Gilgal otashi ka ya shili moukwatwa, ndele Betel tashi ka manwa po sheke.”

AMOS 7:13

Ndelenee muBetel ito xunganeke vali, osheshi osho onhele iyapuki youhamba notembeli yoshilongo.”

OVAGALATI 4:29

Ndelenee ngaashi momafiku enya, omudalwa pambelela a taataa winya omudalwa paMhepo, osho nonena yo.

OVAHEBERI 11:36

Vamwe vali va dengwa nova shekwa, ndele va mangwa nomalyenge nova idililwa modolongo,