2 EEHAMBA 2:1 - Ombibeli Iyapuki

¹ Omwene eshi okwa li e nokukufa Elia momhepo inene e mu twale keulu, Elia naElisa va enda pamwe va dja kuGilgal.

2 EEHAMBA 2:1 ပူးပေါင်းရင်းမြစ်များ

GENESIS 5:24

Ndele Henok okwa enda pamwe naKalunga. Ndele ye ina monika vali, osheshi Kalunga okwe mu kufa po.

1 EEHAMBA 18:12

Kandi shii apa Omhepo yOmwene tai ku twala ngeenge handi di po pwoove, ndele ngeenge handi i ndi hepaululile Ahab, ndele ye ite ku mono, opo nee ta dipaa nge. Ndele omupiya woye okwa kala ha tila Omwene okudja kounyasha waye.

1 EEHAMBA 19:11

Ndele Ye ta ti: “Inda pondje, u kale ofika komhunda koshipala shOmwene.” Ndele tala, Omwene okwa enda po, fimbo omhepo inene i neenghono ya teyaula eemhunda ndele tai tatula omamanya. NOmwene ina kala momhepo. NOmhepo ya shikulwa kekakamo ledu. Ndelenee Omwene ina kala mekakamo ledu.

1 EEHAMBA 19:4

Ndelenee ye mwene okwa ya kombuwa ondjila yefiku limwe ndele ta kala omutumba momudile woshixwa sheno nokwe lihalela efyo, ndele ta ti: “Sha wana. Omwene, kufa omwenyo wange, osheshi ame ndihe dule ootate.”

2 EEHAMBA 1:18

Noinima imwe tai hepaulula Ahasia, ye eshi a ninga, inai shangelwa mbela membo lefimbo leehamba daIsrael?

2 EEHAMBA 2:11

Vo eshi tava ende nokukundafana, tala, divadiva etemba lomundilo neenghambe domundilo da holoka, ndele de va tukaula kumwe. Ndele Elia okwa ya keulu momhepo inene.

2 EEHAMBA 4:38

Elisa okwe uya vali kuGilgal, ndele moshilongo mwa li ondjala. Ndele fimbo ovalongwa vomuxunganeki va li omutumba moipafi yaye, ye ta ti komupiya waye: “Tula po ombiya inene ndele telekela ovalongwa vomuxunganeki.”

JOB 38:1

Opo nee Omwene a nyamukula Job mokafudaela ndele ta ti:

LUKAS 9:51

Ndelenee opa ningwa, omafiku okuyelulwa kwaye kombada eshi a li pokufika, Ye okwa tokola shili okuyuka kuJerusalem,

OILONGA YOVAYAPOSTOLI 1:9

Opo nee eshi a tonga eendjovo edi, okwa yelulwa pombada moipafi yavo, noshilemo she mu kufa po momesho avo.

OVAHEBERI 11:5

Meitavelo Henok okwa kufwa po aha mone efyo, ye ina monika, osheshi Kalunga e mu kufa po. Osheshi fimbo ina kufwa po, okwa pewa ehepaululo nokutya, Kalunga e mu hokwa.

JOSUA 4:19

Ndele mefiku etimulongo lohani yotete ovanhu ova dja mo muJordan, ndele va onga onhanda muGilgal pongaba yaJeriko yokoushilo.

JOSUA 5:9

Opo nee Omwene okwa lombwela Josua ndele ta ti: “Nena eli Ame nda kandula po punye okushekwa kwaEgipiti.” Onghee hano va luka onhele oyo Gilgal fiyo onena eli.

EHOLOLO 11:12

Ndele vo ova uda ondaka inene ya dja meulu ya tya kuvo: “Ileni oku pombada!” Ndele vo ova londa meulu moshilemo, novatondi vavo ove va tala.