2 EEHAMBA 18:4 - Ombibeli Iyapuki

⁴ Nokwa hanauna po oikulundu yokuyambela nokwa tataula eengudi domamanya, nokwa ka po omalupwelele aAsera neyoka loshikushu, Moses e li ningile, ye e li teyaula po, shaashi ovana vaIsrael ve li twiminina. Nokwe li ifana Nehustan.

2 EEHAMBA 18:4 ပူးပေါင်းရင်းမြစ်များ

1 EEHAMBA 22:43

Nokwa enda mwaaishe nondjila yaxe Asa, ina yapuka mo nande muyo, nokwa ninga osho sha yuka momesho Omwene. Ashike oikulundu yeealtari inai ngumauna po. Ovanhu va yamba natango koikulundu nokutwimina ko.

2 EEHAMBA 10:26

ndele va eta pondje eengudi domotembeli yaBaal ndele ve di xwika po,

2 EEHAMBA 11:18

Ovanhu aveshe va ya motembeli yaBaal, ndele tave i ngumauna po, nova tataula po oaltari noiyelekelafano, nova dipaela Mattan, omupristeli waBaal, komesho yoaltari. Omupristeli Jehoiada okwa tula vali ovanangeli pongulu yOmwene.

2 EEHAMBA 12:3

Ashike, oikulundu yokuyambela inai hanaunwa po. Ovanhu va yamba natango ndele va twimina koikulundu.

2 EEHAMBA 14:4

Ashike oikulundu yokuyambela inai efuwa. Ovanhu va yamba ndele tava twimine natango koikulundu.

2 EEHAMBA 15:35

Ashike oikulundu yokuyambela ine i hanauna po. Ovanhu va yamba natango nokutwimina koikulundu. Oye a tunga oshivelo shoketumbo ledu shongulu yOmwene.

2 EEHAMBA 15:4

Ndelenee oikulundu yokuyambela ine i hanauna po. Ovanhu va yamba nokutwimina natango koikulundu.

2 EEHAMBA 16:15

Nohamba Ahas ya lombwela omupristeli Uria ndele tai ti: “Xwikila moaltari inene exwikiloyambo longula neendjayambo donguloshi nexwikiloyambo lohamba neendjayambo dayo nexwikiloyambo loshiwana ashishe shoshilongo neendjayambo dasho, noikunwayambo yasho. Nohonde aishe yomatomenoyambo i tila kusho. Ndelenee handi ka diladila nhumbi oaltari yoshikushu tai ka ningwa.”

2 EEHAMBA 18:22

Ndelenee nye ngeenge tamu ti kwaame: “Fye hatu lineekele Omwene, Kalunga ketu,” haye ou, oikulundu yaye neealtari daye Hiskia a hanauna po, eshi a lombwela Juda naJerusalem: “Koaltari ei yomuJerusalem mu nokulinyongamena”?

2 EEHAMBA 21:3

Ye okwa tungulula vali oikulundu inya, xe Hiskia a ngumauna po. Nokwa dikila Baal eealtari, nokwa ninga olupwelele laAsera ngaashi Ahab, ohamba yaIsrael, a ninga, ndele te linyongamene koshipala sheengudu adishe dokeulu ndele te di fimaneke.

2 EEHAMBA 23:14

Ndele yo oya teyaula eengudi domamanya ndele tai ke omiti domalupwelele daAsera neenhele dao yo ye di yadifa nomakipa ovanhu.

2 EEHAMBA 23:4

Opo nee ohamba tai lombwele omupristeli omukulunhu Hilkia novapristeli ve mu shikula novanangeli vopoivelo, va kufe mo motembeli oinima aishe ya ningilwa Baal naAsera neengudu adishe dokeulu. Ndele ve i xwika po pondje yaJerusalem kepumbu laKidron ndele omute wayo ve u twala kuBetel.

2 OMAFIMBO 19:3

Ndele mwoove mwa monika oinima iwa, osheshi wa hanauna po omiti domalupwelele moshilongo ndele wa ameka omutima woye okukonga Kalunga.”

2 OMAFIMBO 31:1

Ndele ashishe osho eshi sha xula po, Ovaisraeli aveshe ava va li po, va ya koilando yaJuda ndele va tataula po omiti neengudimanya, omalupwelele aAsera ve a ka po, noikulundu neealtari muJuda ashishe nomuBenjamin nomuEfraim nomuManasse ve i ngumauna po fiyo ve i hanauna po sheke. Opo nee ovana aveshe vaIsrael va shuna, keshe umwe, koshilongo shavo nokoshilando shavo.

2 OMAFIMBO 33:3

Nokwa tungulula vali oikulundu, oyo ya ngumaunwa po kuxe Hiskia, nokwa dikila Baal eealtari nomiti omalupwelele ndele te linyongamene moipafi yeengudu adishe dokeulu noku di fimaneka.

OMAPSALOME 78:58

Otave mu handukifa momiulu davo, omo va fiyawila, ndele tave mu shindifa oikalunga yavo.

EXODUS 23:24

Ino linyongamena moipafi yoikalunga yavo noino i longela, ino ninga ngaashi venya hava ningi, ndelenee i teya po sheke u teyaule po eengudimanya dayo.

EXODUS 34:13

ndelenee eealtari davo mu noku di ngumauna po, neengudi davo domamanya mu noku di tatula, nomiti davo domalupwelele daAsera u noku di ka po.

JESAJA 36:7

Ndelenee ngeenge ove to ti kwaame: “Fye ohatu lineekele Omwene Kalunga ketu,” haye ou, Hiskia a ngumauna po oikulundu yaye neealtari daye, eshi a lombwela Juda naJerusalem, ta ti: “Omu nokulinyongamena poaltari ei”?

LEVITIKUS 26:30

Ndele Ame ohandi ka tokeka oikulundu yeni yomayambelo nokuteya po eengudi deni detango, noimhu yeni ohandi ke i ekela kombada yoimhu yoikalunga yeni. Nomwenyo wange otau ke mu nyonyodola.

DEUTERONOMION 5:5

pefimbo linya ame nda kala ofika pokati keni nOmwene, opo ndi mu shiivifile ondjovo yOmwene, osheshi nye omwa li mwa tila omundilo, ndele inamu londa komhunda. Ndele Ye okwa tile:

DEUTERONOMION 7:5

Ndelenee nye mu noku va ninga ngaha: eealtari davo mu noku di ngumauna po neengudimanya davo mu noku di teyaula po nokuka po omiti davo daAsera nokuxwika po nomundilo oihongwafano yavo.

OVATOKOLIPANGELI 6:25

Ndele oufiku tuu winya Omwene okwe mu lombwela ta ti: “Kufa ongobe yomhedi yaxo, nongobe imwe yomido heyali, ndele ngumauna po oaltari yaBaal, xo e i na, ka po olupwelele loshikalunga Asera olo li li pomunghulo washo;

OVATOKOLIPANGELI 6:28

Novalumenhu vomoshilando eshi va penduka ongula inene, oaltari yaBaal oya ngumaunwa po nolupwelele laAsera olo la li momunghulo wayo la kewa po nongobe onhivali ya yambwa koaltari, oyo ya tungwa ko.