2 EEHAMBA 17:8 - Ombibeli Iyapuki

⁸ Ndele va enda paenghedimhango doiwana inya Omwene e i taataa komesho yovana vaIsrael, ndele va ninga ngaashi eehamba daIsrael.

2 EEHAMBA 17:8 ပူးပေါင်းရင်းမြစ်များ

1 EEHAMBA 12:28

Onghee hano ohamba, eshi ya diladila oshinima eshi, ya ninga eenhana mbali doshingoldo ndele tai ti kovanhu: “Efimbo lile nokuli mwa ile kuJerusalem, ndele taleni, Ovaisraeli, oikalunga yeni oyei, ye mu pitifa mo medu laEgipiti!”

1 EEHAMBA 21:26

Ye okwa ninga shili oixuna, eshi a ka shikula oihongwakalunga, ngaashi Ovaamori va ninga, ovo va tewa kOmwene komesho yOvaisraeli.

2 EEHAMBA 16:10

Opo nee Ahas a ya kuDamaskus a ka shakene naTiglat-Pileser, ohamba yaAsiria. Ndele eshi a mona oaltari ya li muDamaskus, ohamba Ahas ya tuma kuUria, omupristeli, efano noshihongwafano shoaltari pakuyeleka kwayo.

2 EEHAMBA 16:3

ndelenee okwa enda nondjila yeehamba daIsrael. Heeno, ye mwene okwa endifila omona waye momundilo paififahoni yoiwana oyo Omwene e i taataa komesho yaIsrael.

2 EEHAMBA 17:19

Ndele Ovajuda yo inava diinina oipango yOmwene Kalunga kavo, ndelenee va enda peenghedimhango daIsrael, vo ve di ninga.

2 EEHAMBA 17:40

Ndele vo inava uda ko, ndelenee va longa panghedi yavo yonale.

2 EEHAMBA 21:2

Ndele ye okwa ninga osho inashi wapala momesho Omwene paixuna yoiwana inya, Omwene e i taataa komesho yovana vaIsrael.

OMAPSALOME 106:35

Ndelenee ova lumbakana mumwe novapaani, ndele tave liikifa eenghedi davo.

EXODUS 23:24

Ino linyongamena moipafi yoikalunga yavo noino i longela, ino ninga ngaashi venya hava ningi, ndelenee i teya po sheke u teyaule po eengudimanya dayo.

JEREMIA 10:2

Omwene ota ti ngaha: “Inamu liikifa eenghedi dovapaani, nye inamu tila omadidiliko okeulu, osheshi ovapaani have a tila.

HESEKIEL 5:6

Ndelenee mokuninga ondubo nomaufo ange, ouhenakalunga washo u dule woiwana yovapaani nomokuninga ondubo neemhango dange shi dule oilongo ye shi dingilila. Osheshi ova ekelashi eemhango dange ndele inava enda meemhango dange.

HOSEA 5:11

Efraim e li mofina nokwa teywa metokolo, osheshi a hokwa okushikula oinima yongaho.

LEVITIKUS 18:3

Inamu ninga ngaashi tashi ningwa medu laEgipiti, omo nye mwa kala mo, no inamu ninga ngaashi tashi longwa medu laKaanan, oko handi mu twala. Inamu enda paenghedimhango davo.

LEVITIKUS 26:1

“Inamu li ningila oikalunga. Ndele inamu lidikila oshihongwafano ile ongudimanya, ndele inamu dika moshilongo sheni emanya mulo mwa pandelwa omafano opo mu li nyongamene kulo. Osheshi Aame Omwene Kalunga keni.

MIKA 6:16

Osheshi omayukifo aOmri noilonga aishe yomeumbo laAhab otai diininwa. Ndele va kala nokweenda pamhangela yavo, opo ndi ku ninge eputu noonakukalamo esheko. Nye otamu ka humbata esheko loshiwana shange.”

DEUTERONOMION 18:9

“Ove ngeenge wa fiki moshilongo, to ka pewa kOmwene Kalunga koye, ino shikula u longe oixuna yoiwana inya.