2 EEHAMBA 17:7 - Ombibeli Iyapuki

⁷ Osheshi ovana vaIsrael va nyona kOmwene Kalunga kavo, ou e va pitifa mo medu laEgipiti mepangelo laFarao, ohamba yaEgipiti. Ndele vo ova tila oikalunga imwe.

2 EEHAMBA 17:7 ပူးပေါင်းရင်းမြစ်များ

1 EEHAMBA 11:4

Ndele Salomo eshi a kulupa, ovalikadi vaye va hongaula omutima waye okushikula oikalunga imwe, onghee omutima waye aushe inau kala nOmwene Kalunga kaye ngaashi omutima waxe David.

1 EEHAMBA 15:3

Ndele ye okwa enda noulunde aushe waxe, ou e mu kala komesho, nokunyona. Nomutima waye inau kalela shili Omwene Kalunga kaye ngaashi omutima waxe David.

2 EEHAMBA 16:2

Omido daAhas da li omilongo mbali, ye eshi a ninga ohamba, nokwa pangela omido omulongo nahamano muJerusalem, ndele ina ninga osho sha yuka momesho Omwene Kalunga kaye, ngaashi xe David,

2 EEHAMBA 17:35

Ndelenee Omwene okwa ninga ehangano navo ndele e va lombwela, ta ti: “Inamu li ningila oikalunga imwe ile okulinyongamena kuyo ile oku i longela ile oku i yambela,

1 OMAFIMBO 5:25

Ndelenee ve liteeka Kalunga kooxe, ndele moluhaelo va shikula oikalunga yoiwana yomedu olo, oyo Kalunga e i taataa komesho yavo.

2 OMAFIMBO 36:5

Omido daJehoiakim da li omilongo mbali nanhano, ye eshi a ninga ohamba, nokwa pangela omido omulongo naumwe muJerusalem. Nokwa ninga osho inashi wapala momesho Omwene Kalunga kaye.

NEHEMIA 9:26

Ndele inava dulika vo ve ku twila ondubo nova ekela omhango yoye kombuda yavo. Novaxunganeki voye ovo ve va londwela, ve va alulile kwoove, ve va dipaa ndele va ninga oinima inene yoixuna yokusheka Kalunga.

OMAPSALOME 78:12

Okwa li a longa oilonga yoixuna monhanaisho yooxe momahenene aSoan, moshilongo shaEgipiti.

EXODUS 20:2

“Aame Omwene Kalunga koye, ou nde ku pitifa mo medu laEgipiti, meumbo loupika.

JESAJA 57:5

Onye tuu ava mwe lipupyalekifa pomiandi, koshi yomuti keshe mutalala; onye ava hamu dipaele ovana veni momalufilu momakololo omamanya.

JEREMIA 10:5

Oyo i li ngaashi ekumbeti moshikunino shomatanga, lihe shii kupopya; yo oi nokuhumbatwa, osheshi ihai shiiva okweenda. Inamu i tila, osheshi itai dulu okulonga owii, ndelenee kai neenghono okuninga ouwa yo.”

HESEKIEL 39:24

Panyata yavo nopamatauluko avo Ame nde va ningila nonde va holekela oshipala shange.”

HOSEA 12:14

Efraim okwe mu handukifa nehandu lilula. Onghee Omwene waye ta ka alulila omatimba aye kombada yaye, heeno, oilonga yaye yohoni te ke i mu alulila.

HOSEA 4:12

Oshiwana shange tashi pula koshiti shasho, nonhaili yasho tai shi nyamukula. Osheshi omhepo yoluhaelo tai pukifa, nomokuhaela kwavo va efa okuuda Kalunga kavo.

HOSEA 4:13

Ohava yambe keexulo deemhunda, ndele hava xwikile omayambo koikulundudu momyandi nomomipopel nomomikwiyu, osheshi omidile dado odiwa. Onghee ovana veni oukadona otava ningi ovahaelwa noitenya yeni tai ningi ovatei vohombo.

DEUTERONOMION 31:29

Osheshi ame ndi shi shii nokutya, konima yefyo lange nye otamu ka yapuka mo mondjila nde i mu lombwela, opo omupya tau ke mu hanga pexulilo lomafiku, shaashi nye otamu ka ninga osho shii momesho Omwene, eshi tamu mu handukifa noilonga yomake eni.”

JOSUA 23:16

Nye ngeenge tamu teya po ehangano lOmwene Kalunga keni, Ye e li mu lombwela ndele tamu i mu ka longele oikalunga imwe ndele tamu linyongamene kuyo, opo nee ehandu lOmwene tali ke mu xwamena ndele tamu ka nyonwa po diva medu eli liwa Ye e li mu pa.”

OVATOKOLIPANGELI 6:10

Naame onde mu lombwela: ‘Aame Omwene Kalunga keni. Inamu tila oikalunga yOvaamori mu li moshilongo shavo. Ndelenee nye inamu pwilikina ondaka yange.’ ”