2 EEHAMBA 17:16 - Ombibeli Iyapuki

¹⁶ Ndele va efa oipango aishe yOmwene Kalunga kavo, ndele ve li ningila omafano a telekwa, eenhana mbali doshivela, heeno, nolupwelele laAsera ve li ningila, ndele ve linyongamena keengudu adishe dokeulu nokulongela Baal.

2 EEHAMBA 17:16 ပူးပေါင်းရင်းမြစ်များ

1 EEHAMBA 12:28

Onghee hano ohamba, eshi ya diladila oshinima eshi, ya ninga eenhana mbali doshingoldo ndele tai ti kovanhu: “Efimbo lile nokuli mwa ile kuJerusalem, ndele taleni, Ovaisraeli, oikalunga yeni oyei, ye mu pitifa mo medu laEgipiti!”

1 EEHAMBA 14:15

Omwene ta ka denga Israel, ndele sho otashi ka ninga ngaashi enenge tali linyenge mefuta. Ndele Ye ota ka duda mo Israel moshilongo eshi shiwa, osho e shi pa ooxe, ndele te va halakanifa kombada yomulonga waEufrat, vo eshi ve li ningila omiti domalupwelele daAsera. Nosho va handukifa Omwene.

1 EEHAMBA 14:23

Ndele vo ve litungila yo oikulundu yeealtari neengudi domamanya nomiti domalupwelele daAsera koshikulundu keshe shile nopomuti keshe mutalala.

1 EEHAMBA 15:13

Heeno nokuli naina Maaka, okwe mu kufa mouhamba, ye eshi a dikila Asera oshififahoni. Ndele Asa okwa hanauna po oshififahoni nokwe shi xwika po mefilu laKidron.

1 EEHAMBA 16:31

Ndele sha li inashi mu wanena osho eshi a enda nondjila yaJerobeam yaNebat, ndelenee okwa hombola Isabel, omona waEtbaal, ohamba yaSidon nokwa fimaneka Baal nokwe shi linyongamena,

1 EEHAMBA 16:33

Ahab okwa ninga yo omuti wolupwelele laAsera, ndele Ahab okwa longa owii uhapu unene nokwa handukifa Omwene, Kalunga kaIsrael, e dule eehamba adishe de mu tetekela.

1 EEHAMBA 22:53

Nokwa longela Baal ndele te linyongamene kusho nokwa handukifa Omwene, Kalunga kaIsrael, ngaashi xe a ningile.

2 EEHAMBA 1:2

Ndele Ahasia okwa wa mombululu yekende lomondjuwo yaye yopombada muSamaria ndele ta vele. Opo nee ta tumu ovatumwa ndele ta ti kuvo: “Indeni mu ka pule Baal-Sebub, oshikalunga shaEkron, ngeenge handi ka veluka tuu koudu tuu ou?”

2 EEHAMBA 11:18

Ovanhu aveshe va ya motembeli yaBaal, ndele tave i ngumauna po, nova tataula po oaltari noiyelekelafano, nova dipaela Mattan, omupristeli waBaal, komesho yoaltari. Omupristeli Jehoiada okwa tula vali ovanangeli pongulu yOmwene.

2 EEHAMBA 16:3

ndelenee okwa enda nondjila yeehamba daIsrael. Heeno, ye mwene okwa endifila omona waye momundilo paififahoni yoiwana oyo Omwene e i taataa komesho yaIsrael.

2 EEHAMBA 17:10

Ndele ve lidikila eengudi domamanya nomalupwelele aAsera koshikulundu keshe shile nopomuti keshe mutalala.

2 EEHAMBA 18:6

Heeno, okwa kanyatela mOmwene, ina kanduka mo muye ndele a diinina oipango yaye, oyo Omwene e i lombwela Moses.

2 EEHAMBA 21:3

Ye okwa tungulula vali oikulundu inya, xe Hiskia a ngumauna po. Nokwa dikila Baal eealtari, nokwa ninga olupwelele laAsera ngaashi Ahab, ohamba yaIsrael, a ninga, ndele te linyongamene koshipala sheengudu adishe dokeulu ndele te di fimaneke.

EXODUS 32:4

Ndele ye okwe a tambula momake avo nokwe a longifa noshilongifo nokwa ninga nao oshitelekwanhana. Opo nee vo otava ti: “Oyo kalunga koye, Israel, e ku pitifa mo medu laEgipiti.”

EXODUS 32:8

Ndele vo ova kanduka mo mondjila oyo nde i va lombwela; vo ove li ningila oshitelekwanhana nokulinyongamena poshi moipafi yayo noku i yambela ndele tava ti: Israel, oyo kalunga koye, e ku pitifa mo medu laEgipiti.”

JESAJA 2:8

Edu lavo oli yadi oikalunga, ndele vo ohave linyongamene oshilonga shomake avo, eshi sha hongwa kominwe davo.

JEREMIA 19:13

Neengulu domuJerusalem neengulu deehamba daJuda otadi ningi ngaashi onhele yaTofet, nokutya keenduda deengulu odo adishe ova yambela ongudu yeulu nova tilila oikalunga oikunwayambo.

JEREMIA 44:17

Ndelenee fye ohatu ka wanifa eudaneko letu keshe olo la dja momakanya etu, fye tu xwikile ohamba omwalikadi yomeulu omayambo notu i tilile oikunwayambo ngaashi twa ninga, fye nootate, neehamba detu novakulunhu vetu moilando yaJuda nomomapandavanda aJerusalem, opo nee fye otwa li twa kuta omungome notwa li tu udite ouwa nongaashi inatu mona nande oshiponga.

JEREMIA 8:2

ndele taa ka nyanekwa koshipala shetango nokoshipala shohani nokoshipala shongudu aishe yomeulu (eenyofi) va li ve i hole nove i longela, ndele ve i shikula ndele tave i kongo ndele tave i linyongamene. Omakipa oo itaa ongelwa vali noitaa pakwa vali, otaa ningi oushosho womedu.

HESEKIEL 23:8

Ndelenee ye ina efa okuhaelwa kwaye, kwa hovela muEgipiti. Osheshi venya ova li va nangala naye mounyasha waye, ndele vo ova umbatela eenhulo daye doukadona nova tilashi kombada yaye oihole yavo.

LEVITIKUS 26:1

“Inamu li ningila oikalunga. Ndele inamu lidikila oshihongwafano ile ongudimanya, ndele inamu dika moshilongo sheni emanya mulo mwa pandelwa omafano opo mu li nyongamene kulo. Osheshi Aame Omwene Kalunga keni.

DEUTERONOMION 16:21

“Ino lidikila omalupwelele ile oiti yoshikalunga Asera ponho yoaltari yOmwene Kalunga koye.

DEUTERONOMION 4:19

Ove uha yelule omesho oye keulu, ove ngeenge to mono etango nohani neenyofi, eengudu adishe dokeulu, uha pukifwe u linyongamene kudo noku di longela, oinima Omwene Kalunga koye okwe i tukulila oiwana aishe koshi yeulu alishe.