2 EEHAMBA 16:3 - Ombibeli Iyapuki

³ ndelenee okwa enda nondjila yeehamba daIsrael. Heeno, ye mwene okwa endifila omona waye momundilo paififahoni yoiwana oyo Omwene e i taataa komesho yaIsrael.

2 EEHAMBA 16:3 ပူးပေါင်းရင်းမြစ်များ

1 EEHAMBA 14:24

Noko kwa li ku na ovalumenhu ve li moumbwada meenhele domamenghulilo ovapaani. Ovajuda ova shikula oilonga aishe yoixuna yoiwana yovapaani, inya Omwene a taataa komesho yOvaisraeli.

2 EEHAMBA 17:16

Ndele va efa oipango aishe yOmwene Kalunga kavo, ndele ve li ningila omafano a telekwa, eenhana mbali doshivela, heeno, nolupwelele laAsera ve li ningila, ndele ve linyongamena keengudu adishe dokeulu nokulongela Baal.

2 EEHAMBA 17:17

Ndele va endifila momundilo ovana vavo ovamati noukadona, ndele va li noundudu ndele va fatulula omadidiliko ndele ve lilandifa po mokuninga osho inashi yuka momesho Omwene, opo ve mu handukifa.

2 EEHAMBA 17:19

Ndele Ovajuda yo inava diinina oipango yOmwene Kalunga kavo, ndelenee va enda peenghedimhango daIsrael, vo ve di ninga.

2 EEHAMBA 17:8

Ndele va enda paenghedimhango doiwana inya Omwene e i taataa komesho yovana vaIsrael, ndele va ninga ngaashi eehamba daIsrael.

2 EEHAMBA 21:11

“Shaashi Manasse, ohamba yaJuda, ya ninga oixuna oyo, i dule aishe oyo Ovaamori ava ve i tetekela, va ninga, ndele ya hongaula yo Juda okunyona molwoikalunga,

2 EEHAMBA 21:2

Ndele ye okwa ninga osho inashi wapala momesho Omwene paixuna yoiwana inya, Omwene e i taataa komesho yovana vaIsrael.

2 EEHAMBA 21:6

Novana vaye e va endifila yo momundilo nokwa li e noundudu wokunyanekela nokufatulula omadidiliko nokwa tula po ovanhu hava ifana eemhepo dovafi novamonikokule. Nokwa ninga shihapu osho inashi yuka momesho Omwene, nokwe mu handukifa.

2 EEHAMBA 21:9

Ndelenee vo inava pwilikina. Ndele Manasse okwe va hongaula okuninga owii u dule woiwana, Omwene e i taataa komesho yovana vaIsrael.

2 EEHAMBA 23:10

Yo oya nyatekifa yo Tofet, sho sha li mefilu lovana vaHinnom, paha kale nande umwe ta endifile Molek ovana vaye ovamati ile oukadona momundilo.

2 EEHAMBA 8:18

Ndele ye okwa enda nondjila yeehamba daIsrael, ngaashi epata laAhab la ninga. Osheshi omwalikadi waye okwa li omona okakadona kaAhab, nokwa ninga osho inashi yuka momesho Omwene.

2 OMAFIMBO 22:3

Naye yo okwa enda neendjila depata laAhab, osheshi ina okwe mu pukifa, e mu twala mouhenakonashanakalunga.

2 OMAFIMBO 33:2

Nokwa ninga osho inashi yuka momesho Omwene paixuna yoiwana oyo ya tewa kOmwene momesho Ovaisraeli.

2 OMAFIMBO 33:6

Naye mwene yo okwa endifa ovana vaye ovamati momundilo mefilu lomona waHinnom. Nokwa xunganeka omadidiliko ndele ta nyanekele nokwa tula po ovo hava pula keemhepo dovafi ndele tava mono kokule. Okwa ninga shihapu osho inashi yuka momesho Omwene, a handukifa Omwene.

OMAPSALOME 106:35

Ndelenee ova lumbakana mumwe novapaani, ndele tave liikifa eenghedi davo.

JESAJA 57:5

Onye tuu ava mwe lipupyalekifa pomiandi, koshi yomuti keshe mutalala; onye ava hamu dipaele ovana veni momalufilu momakololo omamanya.

JEREMIA 32:35

Ndele va tungila Baal omitunda molufilu laBen-Hinnom, va xwikila Molek ovana ovamati noukadona omayambo, nande Ame inandi shi va lombwela noinandi shi diladila momutima wange, oixuna i fike apa i longwe ngeno; ove i hongaulifa Juda, a nyone.

HESEKIEL 16:21

ove eshi wa dipaa ovana vange, ndele we va yandjela ngaashi eyambo kuwo okuxwikwa po momundilo.

HESEKIEL 16:47

Ndelenee nye inamu enda neendjila davo ndele inamu longa oixuna yavo. Okafimbo kaxupi ndele nye mwe va dula meenghedi dii ngaashi vo meendjila davo adishe.

HESEKIEL 20:26

Ndele Ame onde va nyatekifa molwomayambo avo, osheshi vo va yambela omundilo oiveli aishe ei tai yeulula oshidalelo shaina, opo Ame ndi shiive oku va nyona po, vo va shiive nokutya, Aame Omwene.

HESEKIEL 20:31

Heeno, nye omwe linyateka noikalunga yeni aishe fiyo onena eli, eshi tamu eta omayambo eni notamu yambele omundilo ovana veni ovamati: Ame ndi itavele ngeno ndi pulwe ounongo kunye, eumbo laIsrael? Oshili, ngaashi ndi nomwenyo, Omwene Kalunga ta ti, Ame ihandi shi itavele nye mu pule nge ounongo.

LEVITIKUS 18:21

Ino yandja ovana voye exwikiloyambo kuMolek, opo uha fife edina laKalunga koye ohoni. Aame Omwene.

LEVITIKUS 20:2

“Keshe umwe womovana vaIsrael nowomovanailongo hava kala muIsrael, ou ta yandje kuMolek ounona vaye, ye e nokufya shili. Ovanhu vomoshilongo nave mu dipae nomamanya.

MIKA 6:7

Omwene ota ka hokwa mbela eedi omayovi nomilonga domaadi omayovi omilongo? Ndi yandje ngeno oshiveli shange omolwomatauluko ange, oshiimati sholutu lange ndi shi yandjele omatimba omwenyo wange?

DEUTERONOMION 12:31

Hano ino shi hetekela mokulongela Omwene Kalunga koye. Osheshi ashishe eshi oixuna koshipala shOmwene, naashi Ye te shi tondo, venya ova longa mokulongela oikalunga. Heeno, ovana vavo ovamati noukadona vo ove va xwikila momundilo oikalunga yavo.

DEUTERONOMION 18:10

Mokati keni muha kale nande umwe, ou ta endifa omona waye omumati ile okakadona momundilo, ile ou ha diinine oundudu ile enyanekelo ile ta xunganeke omadidiliko ile ta pulike