2 EEHAMBA 15:5 - Ombibeli Iyapuki

⁵ NOmwene okwa denga ohamba, onghee yo ya li omunashilundu fiyo okefiku lefyo layo. Yo ya kala mongulu ye likalela, fimbo Jotam, omona wohamba a pangela eumbo lohamba ndele a tokola eendjovo dovanhu vomoshilongo.

2 EEHAMBA 15:5 ပူးပေါင်းရင်းမြစ်များ

2 SAMUEL 3:29

Nali wile komutwe waJoab nokombada yepata laye alishe, ndele meumbo laJoab mu nokukala omunhu ou e na eshisho lomaxu ile oudu woshilundu ile ou ta endele keemhani ile ou ta dipawa keongamukonda ile ou a hepa omungome.

2 SAMUEL 8:15

Ndele David okwa pangela Israel alishe, nokwa ningila oshiwana shaye ashishe osho sha yuka nosha wapala.

1 EEHAMBA 3:28

Ndele Ovaisraeli aveshe va uda nhumbi ohamba ya tokola eendjovo odo, ndele va tila ohamba. Osheshi va mona nokutya, muye omu neendunge daKalunga okutokola pauyuki.

1 EEHAMBA 3:9

Pa hano omupiya woye omutima u neduliko ndi shiive okupangela pauyuki ovanhu voye, nokutongola ouwa nowii, osheshi olyelye ta dulu okupangela oshiwana eshi shinene shoye shi fike apa?”

2 EEHAMBA 15:32

Momudo omutivali waPeka yaRemalja, ohamba yaIsrael, Jotam yaUssia, ohamba yaJuda, okwa ninga ohamba.

2 EEHAMBA 15:6

Noinima imwe tai hepaulula Asaria naaishe e i ninga, inai shangelwa mbela membo lomafimbo eehamba daJuda?

2 EEHAMBA 5:27

Onghee hano, oudu woshilundu waNaeman tau ka kanyatela mwoove nomoludalo loye fiyo alushe.” Nokwa dja po puye omunashilundu a toka tootoo.

2 EEHAMBA 7:3

Ndelenee poshivelo pa li ovalumenhu vane ovanashilundu. Vo ova popyafana tava ti: “Omolwashike hatu kala apa fiyo hatu fi?”

1 OMAFIMBO 3:12

Nomona waye omumati okwa li Amasia. Nomona waye omumati Asaria. Nomona waye omumati okwa li Jotam.

1 OMAFIMBO 5:17

Vo aveshe ova shangelwa membo leshikulafano lomapata pomafiku aJotam, ohamba yaJuda, nopomafiku aJerobeam, ohamba yaIsrael.

JOB 34:19

Oye iha popile ovakulunhu voshilongo ndele ita tula omukengeli komesho yomukwanaluhepo, osheshi vo aveshe oshilonga shomake aye.

OMAPSALOME 72:1

Akutu Kalunga, yandja kohamba onghedi yokutokola kwoye, nokomona wohamba ouyuki woye,

HOSEA 1:1

Ondjovo yOmwene oye uya kuHosea, omona waBeeri, momafiku eehamba daJuda Ussia, Jotam, Ahas naHiskia nomomafiku aJerobeam yaJoas, ohamba yaIsrael.

LEVITIKUS 13:46

Ye ta kala ina yela, fimbo oudu u li muye. Ye omunashilundu. E nokulikalela. Ye e nokulikalela pondje yonhanda.

MIKA 1:1

Ondjovo yOmwene oyo ya hanga Mika Omumoreset, pomafiku eehamba daJuda Jotam, Ahas naHiskia, ei okwe i monenene Samaria naJerusalem.

NUMERI 12:10

Oshilemo eshi sha li she litumba sha dja petwali, tala, Mirjam okwa hangika koudu woshilundu, a toka ngaashi omongwa. Ndele Aron eshi e mu tala, okwe mu mona, ye omunashilundu.

NUMERI 12:14

Opo nee Omwene okwa lombwela Moses: “Xe ngeenge e mu fiila omate momesho aye, ye ina kala ngeno ta fi ohoni omafiku aheyali? Ye na kale hano pondje yonhanda omafiku aheyali, opo nee ye na aluke mo.”

DEUTERONOMION 24:8

“Lungameni oudu woshilundu, ove u diinine shili nokuwanifa omapukululo aeshe tamu longwa kovapristeli Ovalevi. Ame ngaashi nde va lombwela, nye mu noku shi diinina shili.