2 EEHAMBA 13:7 - Ombibeli Iyapuki

⁷ Ndele Ye ina xupifila Joahas omatanga ovakwaita, ashike ovalondi veenghambe omilongo nhano, nomatemba oita omulongo umwe, novakwaita vokolupadi omayovi omulongo. Osheshi ohamba yaAram ye va kondekela noku va ninga ngaashi olungu lomoshipale.

2 EEHAMBA 13:7 ပူးပေါင်းရင်းမြစ်များ

2 SAMUEL 22:43

Opo nee ame nde va nyanyaula ngaashi ondwi yedu, ngaashi ondova yomomapandavanda nde va lyataula, nde va nyanyaula.

1 EEHAMBA 20:15

Opo nee ye a ongela ovapiya vomalenga omomikunda. Vo va li omafele avali nomilongo nhatu navavali. Konima a ongela ovakwaita aveshe, ovana vaIsrael: omayovi aheyali.

1 EEHAMBA 20:27

Novana vaIsrael ova ongelwa yo, ndele va tukulilwa onghuta, ndele va ya okushakena navo. Novana vaIsrael va onga onhanda yavo ya shaama navo, ngaashi oungudu vavali vanini voikombo, ndelenee Ovaarami va yadifa edu.

2 EEHAMBA 10:32

Pomafiku enya Omwene okwa hovela okutaula Israel, ndele Hasael okwe va taataa moshilongo ashishe shaIsrael:

2 EEHAMBA 13:8

Noinima imwe tai hepaulula Joahas naaishe e i ninga, noilonga yaye yeenghono, inai shangelwa mbela membo lomafimbo leehamba daIsrael?

2 EEHAMBA 8:12

Opo nee Hasael ta ti: “Omolwashike omwene wange ta lili?” Ndele ye ta nyamukula: “Osheshi ame ndi shi shii owii u fike peni ove oto ka ningila ovana vaIsrael. Ove oto ka xwika po eehotengulu davo nokudipaa ovamati vavo neongamukonda nokutyanghaula ounona vavo vanini nokutanda ovalikadi vafimba.”

OMAPSALOME 18:42

Onde va lyataula va fa ondwi tai i omhepo, nongaashi oushosho tau kombwa momaluvanda.

JESAJA 36:8

Heeno, tweni hano eemhata nomwene wange, ohamba yaAsiria, ame ohandi ku pe eenghambe omayovi avali ngeenge ove to dulu oku di kongela ovalondi.

JESAJA 41:2

Olyelye a andula medu lokoushilo ou ta shikulwa moshikoti shaye keshe kouyuki? Olyelye ta yandje oiwana mepangelo laye, ndele ta lyataula eehamba koshi yeemhadi daye? Omaonga avo olyelye te a ningi ngaashi ondwi, nomauta avo ngaashi oimbodi tai i omhepo?

JOEL 3:14

Eemhunga, eemhunga mefilu letokolo. Osheshi efiku lOmwene oli li popepi mefilu letokolo.

LEVITIKUS 26:17

Ndele oshipala shange Ame ohandi ke shi mu taalelifila nehandu, opo nye mu tewatewe kovatondadi veni. Novatondadi veni tave ke mu pangela, ndele nye otamu ke litwala onhapo nande pehe na ou te mu taataa.

AMOS 1:3

Omwene ota ti ngaha: “Omolwomatauluko atatu, naane aDamaskus, Ame ihandi ka alula ehandukilo. Osheshi vo ova xwifa Gilead noixwifo yoivela.

AMOS 4:10

“Ame nde mu tumina oudu wolutapo ngaashi muEgipiti. Ame nda dipaa ovamati veni neongamukonda, neenghambe deni da kwatwa. Ndele edimba lii lomeenhanda deni nde li fikifa fiyo okomayulu eni. Ndele nande ongaha, nye inamu alukila kwaame, Omwene ta ti.

1 SAMUEL 13:15

Opo nee Samuel okwa fikama, a dja muGilgal ndele ta i kuGibea shomuBenjamin. Ndele Saul okwa talatala ovakwaita vaye ava va li puye, ve fike ngeno pomafele ahamano.