2 EEHAMBA 11:12 - Ombibeli Iyapuki

¹² Opo nee Jehoiada okwa eta Joas pondje, nde te mu dike oshishani nokwe mu pa embo lomhango youhamba. Ndele ve mu vaeka, nove mu ninga ohamba. Ndele ovanhu ova pandula nomake avo ndele tava ti: “Ohamba nai kale nomwenyo!”

2 EEHAMBA 11:12 ပူးပေါင်းရင်းမြစ်များ

2 SAMUEL 1:10

Ndele ame nda ya kuye ndele nde mu dipaa, osheshi ndi mu wete, ita dulu vali okukala nomwenyo, eshi a wila po. Ndele oshishani shaye osho sha li komutwe waye noshivela shoshingoldo shokokwooko kwaye nde i kufa ko ndele nde i eta oku komwene wange.”

2 SAMUEL 12:30

Ndele ye okwa kufa oshishani shokomutwe wohamba yavo. Oudjuu washo eekilograma omilongo nhatu nanhano yoshingoldo, ndele musho mwa li okamanya ke nondilo. Ndele sha tulwa komutwe waDavid. Ndele va kufa mo moshilando oixuulwa ihapu.

2 SAMUEL 16:16

Ndele Husai, Omuarki, kaume kaDavid, eshi e uya kuAbsalom, Husai ta ti kuAbsalom: “Ohamba nai kale nomwenyo! Ohamba nai kale nomwenyo!”

2 SAMUEL 2:4

Opo nee ovalumenhu Ovajuda ve uya ndele va vaeka David a ninge ohamba yepata laJuda. Eshi va shiivifila David nokutya, ovalumenhu ovaJabes muGilead va paka Saul,

2 SAMUEL 2:7

Ndele paife kaleni mwa nyatipala ovalumenhweelela. Nande omwene weni Saul a fya, epata laJuda la vaeka nge ndi ninge ohamba yalo.”

2 SAMUEL 5:3

Osho ngaha hano ovakulunhu aveshe vaIsrael ve uya kohamba muHebron. Nohamba David ya ninga ehangano navo muHebron koshipala shOmwene. Ndele va vaeka David a ninga ehangano navo muHebron koshipala shOmwene. Ndele va vaeka David a ninga ohamba yOvaisraeli.

1 EEHAMBA 1:25

Osheshi ye a ya nena a ka tome eengobe neemhunya da ondoka needi dihapu, nokwa ifana ko ovana aveshe ovamati vohamba novakulunhu vovakwaita nomupristeli Abjatar, ndele tala, otava li notava nu moipafi yaye, ndele tava ti: ‘Ohamba Adonia na kale nomwenyo!’

1 EEHAMBA 1:34

Nomupristeli Sadok nomuxunganeki Natan nave mu vaeke a ninge ohamba yaIsrael. Ndele nye mu nokushika enghuma nokutya: ‘Ohamba Salomo nai kale nomwenyo!’

1 EEHAMBA 1:39

Nomupristeli Sadok okwa kufa oshanga yomaadi metwali ndele ta vaeke Salomo, ndele va shika enghuma novanhu aveshe va tya: “Ohamba Salomo nai kale nomwenyo!”

1 EEHAMBA 2:44

Ohamba ya lombwela vali Simei, tai ti: “Ove mwene wa shiiva owii aushe womomutima woye, wa ningila tate David, onghee hano Omwene ta alulile komutwe woye mwene owii woye.

2 EEHAMBA 11:11

Novakwaita ovananhapo, keshe umwe noiti meke laye, va kala ofika okudja kombinga yokoumbuwanhu wongulu, fiyo okombinga yokoumbangalanhu wongulu koaltari nokongulu, va dingilila ohamba.

2 EEHAMBA 11:2

Ndelenee Joseba, omona okakadona kohamba Jehoram, omumwaina waAhasia, okwa kufa Joas, okaana okamati kaAhasia nokwe ka kufa mo movana ovamati vohamba, ava va li ve nokudipawa, nokwe ka twala nomunyamifi wako mondjuwo yokunangala. Osho ngaha ve ka holeka Atalia, onghee ko inaka dipawa.

2 EEHAMBA 11:4

Ndelenee momudo omutiheyali Jehoiada okwa ifana kuye mongulu yOmwene ovanefele vOvakari naavo vovakwaita ovananhapo, ndele ta ningi ehangano navo pakwaana mongulu yOmwene, nokwe va ulikila okaana okamati kohamba.

2 EEHAMBA 9:13

Opo nee va kufa diva, keshe umwe, oshikutu shaye ndele ve i yala peemhadi daye meendodo. Ndele va shika enghuma ndele tava ti: “Jehu oye ohamba!”

2 EEHAMBA 9:3

Kufa hano oshanga yomaadi u a tile komutwe waye ndele to ti: ‘Omwene osho ta ti: Ame ohandi ku vaeke, u ninge ohamba yaIsrael.’ Opo nee to yeulula oshivelo ndele to faduka po, ino ongaonga.”

2 OMAFIMBO 23:11

Opo nee Jehoiada okwa eta Joas pondje, nde te mu dike oshishani nokwe mu pa embo lomhango youhamba. Ndele ve mu ninga ohamba. Ndele Jehoiada novana vaye ovalumenhu ve i vaeka ndele tava ti: “Ohamba nai kale nomwenyo!”

ESTER 2:17

Nohamba ya li i hole Ester komesho yovakainhu aveshe noye mu hokwa ndele ye mu fila onghenda komesho youkadona aveshe. Ndele yo oye mu dika komutwe waye oshishani shohamba ndele ye mu ninga omumbada ponhele yaVasti.

ESTER 6:8

ye na djalekwe oshikutu shohamba ya li ye shi djala, nonghambe oyo hai londwa kohamba, komutwe wayo kwa tulwa oshishani shohamba;

OMAPSALOME 132:18

Ovatondi veni ohandi va dike odino, ndelenee oshishani shokomutwe waye, nashi kale tashi vilima.”

OMAPSALOME 21:3

Ove wa shakena nayo u nomanangeko noupuna ouwa, nowe i dika oshishani shoshingoldo komutwe wayo.

OMAPSALOME 21:4

Oyo ye ku indila okukalamwenyo; Ove nowe i pa omido dihapu, itadi xulu po fiyo alushe.

OMAPSALOME 47:1

Oiwana yoilongo nye amushe, panduleni nomake! Nyakukilweni Kalunga nondaka inene.

OMAPSALOME 78:5

Osheshi muJakob okwa dika mo ehepaululo, nomuIsrael okwa yandja mo omhango, e i lombwela ootate, vo ve i udifile ounona vavo,

OMAPSALOME 89:39

owa teyaula po ehangano leni nomupiya woye, oshishani shaye shokomutwe we shi kufa etumbalo, nowe shi kupaulashi mondwi yedu.

OMAPSALOME 98:8

Omilonga nadi pandule nomake, neemhunda adishe kumwe nadi nyakukwe

EXODUS 25:16

Opo nee ove to tula mo moshikefa omhango ei Ame ohandi ke i ku pa.

EXODUS 31:18

Ndele Ye eshi a mana okupopya naMoses komhunda yaSinai, okwe mu pa oipelende ivali youndobwedi, oipelende yomamanya ya shangwa nomunwe waKalunga.

JESAJA 55:12

Osheshi otamu ka tembuka nehafo, ndele tamu findikilwa nombili, eemhunda noikulundudu otai mu danene nokukuwilila pombada, nomiti adishe domomufitu otadi kala nokupandula.

JESAJA 8:16

Manga oundobwedi u u diinine, omhango i pamekela noshididilikifo momitima dovalongwa vange.

JESAJA 8:20

Dameni komhango nokondobwedi! Ngeenge itava tongo ngaho, eluwa itali va tendele vali.

OMAIMBILOKEMO 4:20

Oye omufudo womayulu etu, omuvaekwa wOmwene, okwa yulwa momakelo avo, Oye ou twa li tu shii: “Omomudile waye hatu ka kala mo mokati kovapaani.”

DANIEL 3:9

Ovo va lombwela ohamba Nebukadnesar, tava ti: “Tatekulu ohamba nai kale alushe nomwenyo!

DANIEL 6:21

Opo nee Daniel okwa nyamukula ohamba ta ti: “Tatekulu ohamba, kala alushe u nomwenyo!

MATEUS 21:9

Ndele eengudu dovanhu, ovo va kwatela komesho naavo ve mu shikula, ova ingida mokule tava ti: “Hosianna Omona waDavid! Na nangekwe noupuna, ou te uya medina lOmwene. Hosianna omokombada!”

MATEUS 27:29

ndele ova tunga oshidingo shomakiya, ndele ve shi mu djaleka komutwe, ndele ove mu pa oshihati meke laye lokolulyo, ovo nove mu twila eengolo, ndele ve mu sheka, tava ti: “Kundwa Oove, ohamba yOvajuda!”

OILONGA YOVAYAPOSTOLI 4:27

Osheshi moshilando eshi omwa ongalela mo shili, Herodes naPontius Pilatus pamwe novapaani, novanhu vaIsrael ova twa ondubo nomumwoye omuyapuki Jesus, ou we mu vaeka,

2 OVAKORINTO 1:21

Ndelenee ou te tu pamekele pamwe nanye muKristus nokwe tu vaeka, Oye Kalunga,

OVAHEBERI 1:9

Ove owa kala u hole ouyuki ndele wa tonda oumbudi; Onghee hano Kalunga, Kalunga koye, e ku vaeka nomaadi ehafo u dule vakweni.”

OVAHEBERI 2:9

Ndelenee ou a ninipikilwa okafimbo kanini e dulike kovaengeli, Jesus, otu mu wete a dikwa oshinge nefimano omolwouyehame wokufya, opo a lole efyo ponhele yaaveshe okefilonghenda laKalunga.

EHOLOLO 19:12

Nomesho aye e li ngaashi omitemo domundilo, nokomutwe waye oikoloni ihapu; Oye oku nedina la shangwa, itali shiivika nande okuumwe, okuye mwene aeke.

1 SAMUEL 10:1

Ndele Samuel okwa kufa oshanga yomaadi nokwe a tila komutwe waye nokwe mu fipa komilungu ndele ta ti: “Omwene e ku vaeka u ninge ohamba yovanhu vaye Ovaisraeli.

1 SAMUEL 10:24

Ndele Samuel ta lombwele ovanhu aveshe ta ti: “Taleni ou a hoololwa kOmwene! Osheshi movanhu aveshe muhe na nande umwe e fike puye.” Opo nee ovanhu aveshe va hafa ndele tava ti: “Ohamba nai kale nomwenyo!”

1 SAMUEL 16:13

Opo nee Samuel a kufa oshanga yomaadi nokwe mu vaeka mokati kovamwaina, nOmhepo yOmwene ye uya muDavid kefiku tuu olo ndele ya kala muye. Ndele Samuel okwa fikama ndee ta i kuRama.