2 EEHAMBA 10:18 - Ombibeli Iyapuki

¹⁸ Ndele Jehu okwa shiva ovanhu aveshe va ongale ndele ta ti kuvo: “Ahab okwa longela Baal kanini, Jehu ote mu longele neenghono.

2 EEHAMBA 10:18 ပူးပေါင်းရင်းမြစ်များ

1 EEHAMBA 18:19

Tuma hano paife u shive Ovaisraeli aveshe va ongale komhunda yaKarmel, nosho yo ovaxunganeki omafele ane nomilongo nhano vaBaal novaxunganeki omafele ane vaAsera, ava hava li poshililo shaIsabel.”

1 EEHAMBA 18:22

Opo nee Elia ta ti kovanhu: “Ame andike nda xupa po movaxunganeki vOmwene, fimbo ovaxunganeki vaBaal ve li omafele ane nomilongo nhano.

1 EEHAMBA 18:40

Ndelenee Elia ta ti kuvo: “Kwateni ovaxunganeki vaBaal. Nande umwe muvo ina ya onhapo.” Ndele Elia okwe va twala kokamulonga kaKison ndele te va dipaele ko.

2 EEHAMBA 17:16

Ndele va efa oipango aishe yOmwene Kalunga kavo, ndele ve li ningila omafano a telekwa, eenhana mbali doshivela, heeno, nolupwelele laAsera ve li ningila, ndele ve linyongamena keengudu adishe dokeulu nokulongela Baal.

2 EEHAMBA 3:2

Ye okwa ninga osho shii momesho Omwene, ndelenee hangaashi xe naina, osheshi okwa kufa po ongudi yaBaal, yo ya ningwa kuxe.

JOB 13:7

Mwa hala tuu okupopila Kalunga neendjovo inadi yuka, nokupopya oipupulu mu mu wapeke?

OVAROMA 3:8

Omolwashike inatu ningeni ngaashi vamwe moku tu lundila tava ti, ohatu ti vati: “Tu ningeni owii, omo mu dje ouwa?” Etokolo lavo ola yuka.

OVAFILIPPI 4:8

Ndele natango, ovamwatate, ashishe osho shoshili, naasho sha fimana, naasho sha yuka, naasho sha koshoka, naasho shi holike, naasho shi netumbalo liwa, ongee onghedi iwa ile epandulo, ei aishe i diladileni.