2 EEHAMBA 1:9 - Ombibeli Iyapuki

⁹ Okwa tuma ko kuye omukulunhu womilongo nhano pamwe novalumenhu vaye omilongo nhano va ka tale Elia. Ndele ye eshi ta londo a ye kuye fimbo ye a li omutumba koxulo yomhunda, ye ta ti kuElia: “Omulumenhu waKalunga, ohamba tai ti: ‘Ila, dja ko!’ ”

2 EEHAMBA 1:9 ပူးပေါင်းရင်းမြစ်များ

1 EEHAMBA 17:18

Opo nee ye ta ti kuElia: “Ondi na shike naave, oove omulumenhu waKalunga! Ove we uya kwaame, opo oulunde wange u dimbulukuwe nomumwange opo a fye!”

1 EEHAMBA 18:10

Oshili ngaashi Omwene Kalunga koye e nomwenyo, kape na nande oshiwana ile oshilongo oko omwene wange ina tuma ko oku ku konga. Ndele eshi pa nyamukulwa: ‘Ke po apa,’ opo nee ye a anifa oshilongo ile oshiwana nokutya, ove ino monika.

1 EEHAMBA 18:4

Osheshi Isabel, eshi a dipaa ovaxunganeki vOmwene, Obadja okwa kufa ovaxunganeki efele limwe nokwe va holeka mo, ovalumenhu omilongo nhano mekololo limwe, novakwao omilongo nhano mekololo li lili, nokwe va xupififa omungome nomeva.

1 EEHAMBA 18:42

Opo nee Ahab a fikama a lye ndele a nwe. Ndelenee Elia okwa londa koxulo yaKarmel ndele te linyongamene nokwa twa oshipala shaye pokati keengolo daye.

1 EEHAMBA 19:2

Opo nee Isabel ta tumu omutumwa kuElia okwe mu lombwela: “Oikalunga nai ninge nge keshe osho ya hala paife nokomesho, ngeenge itandi ku ningile mongula mefimbo tuu olo ngaashi keshe umwe womuvo a ningilwa.”

1 EEHAMBA 22:8

Ahab okwa nyamukula, ta ti: “Oku na vali umwe, Mikaia yaJimla, ndelenee ame ohandi mu tondo, osheshi ye ita xunganekele nge nande ouwa, ndelenee alushe owii.” Josafat okwa nyamukula: “Ino popya ngaho!”

2 EEHAMBA 2:25

Nokwa dja ko oko, ndele ta i komhunda yaKarmel nokwa shuna kuSamaria.

2 EEHAMBA 4:25

Ye okwa ya ndele te uya komulumenhu waKalunga komhunda yaKarmel. Omulumenhu waKalunga eshi e mu monena kokule, ta ti komupiya waye Gehasi: “Tala, omwalikadi Omushunemi ota di kwinya.”

JEREMIA 35:4

ndele ame onde va twala kotembeli yOmwene omedimo lovana vaHanan yaJigdalja, omulumenhu waKalunga, edimo la shaama nedimo lovakulunhu, kombada yedimo laMaasea yaSallum, omukeleli woposhivelo.

AMOS 7:12

Opo nee Amasia ta ti kuAmos: “Inda, omumonikokule, inda onhapo medu laJuda, oko lya omungome, oko u ka xunganekela!

MATEUS 14:3

Osheshi Herodes okwa kwatifa Johannes ndele okwe mu manga, ndele okwe mu idilila modolongo omolwaHerodias, omukainhu waFilippus, ondenge yaye.

MATEUS 26:68

ndele va tya: “Kristus, tu xunganekela, olyelye ou e ku denga.”

MATEUS 27:29

ndele ova tunga oshidingo shomakiya, ndele ve shi mu djaleka komutwe, ndele ove mu pa oshihati meke laye lokolulyo, ovo nove mu twila eengolo, ndele ve mu sheka, tava ti: “Kundwa Oove, ohamba yOvajuda!”

MARKUS 15:29

Ndele ava va pita po, ove mu sheka, tava pukapuka komitwe, tava ti: “Hamba ove, oove tuu ou to ngumauna po otembeli, ndele to i tungulula momafiku atatu,

MARKUS 15:32

Kristus, Ohamba yaIsrael, na dje ko komushiyakano paife eshi, tu shi mone, fye tu itavele.” Naavo yo va valelwa komushiyakano pamwe naye, ove mu sheka.

LUKAS 9:54

Ndele ovalongwa vaye Jakob naJohannes eshi ve shi mona ova tya: “Omwene, owa hala tu ifane omundilo meulu u va lungwinife po, Elia ngaashi a ningile?”

OVAHEBERI 11:36

Vamwe vali va dengwa nova shekwa, ndele va mangwa nomalyenge nova idililwa modolongo,

1 SAMUEL 19:21

Saul eshi e shi hepaululilwa, ye okwa tuma ko ovatumwa vamwe, ndelenee navo yo va xunganeka. Ndele Saul okwa tuma ko lutitatu ovatumwa, ndelenee navo yo va xunganeka.