2 EEHAMBA 1:8 - Ombibeli Iyapuki

⁸ Ndele vo ve mu nyamukula: “Omulumenhu e nelwakani lolududi nomwiya moshiya shaye.” Opo nee ye ta ti: “Oye Elia, Omutisbi.”

2 EEHAMBA 1:8 ပူးပေါင်းရင်းမြစ်များ

1 EEHAMBA 18:46

Ndelenee eke lOmwene la li kombada yaElia, onghee ye e limanga moshiya ndele ta tondoka, a pita komesho aAhab fiyo okuJisreel.

2 EEHAMBA 1:7

Opo nee ta ti kuvo: “Olupe lomulumenhu winya e uya oku mu shakeneka nokwa popya eendjovo edi, ola li la tya ngahelipi?”

JESAJA 20:2

mefimbo tuu olo Omwene okwa popifa Jesaja yaAmos, ndele ta ti: Inda ko, u ke lidule oshako moshiya shoye, neenghaku doye u di xukule ko keemhadi doye. Ndele ye okwe shi ninga: “Ta ende hamunghele, ehe na ohema neenghaku.”

SAKARIA 13:4

Mefiku tuu olo keshe omuxunganeki ngeenge ta xunganeke ota fi ohoni molwemoniko laye. Vo itava ka djala vali oshikutu sholududi va fufye ovanhu.

MATEUS 11:8

Ile omwa ka talele ko shike hano? Okumona omunhu a djala oikutu iwa ipu? Tala, ovo hava djala oikutu iwa ipu, ohava kala meengulu deehamba.

MATEUS 3:4

Ndele Johannes okwa li ha djala oshikutu sholududi longamelo, nekwamo loshipa moshiya shaye; eendja daye odo oshipaxu nomaadi eenyiki.

MARKUS 1:6

Ndele Johannes okwa li a djala oshikutu sholududi longamelo nekwamo loshipa moshiya shaye, ndele okwa li ha li oshipaxu nomaadi eenyiki.

LUKAS 1:17

Ndelenee ye ote mu tetekelele momhepo nomeenghono daElia, nomitima dooxe ote di alulile kovana, novahaduliki keendunge dovayuki, opo a longekidile Omwene oshiwana sha pwa.”

EHOLOLO 11:3

Ndele ame ohandi pe eendobwedi dange mbali okuxunganeka omafiku eyovi limwe nomafele avali nomilongo hamano, va djala eeshako.”