2 EEHAMBA 1:11 - Ombibeli Iyapuki

¹¹ Ndele ye okwa tuma ko kuye vali omukulunhu umwe womilongo nhano pamwe novaye omilongo nhano. Ndele ou a hovela okupopya ndele te mu lombwele: “Omulumenhu waKalunga, ohamba tai ti ngaha: ‘Ila, dja ko diva!’ ”

2 EEHAMBA 1:11 ပူးပေါင်းရင်းမြစ်များ

2 EEHAMBA 1:10

Opo nee Elia ta nyamukula ndele ta ti komukulunhu womilongo nhano: “Ame ngeenge omulumenhu waKalunga, omundilo nau dje keulu, nau ku lungwinife po pamwe navoye omilongo nhano!” Nomundilo wa kuluka wa dja keulu ndele tau mu lungwinifa pamwe novaye omilongo nhano.

2 EEHAMBA 1:12

Opo nee Elia ta nyamukula ndele ta ti kuvo: “Ame ngeenge omulumenhu waKalunga, omundilo nau kuluke poshi nau dje keulu, ndele nau ku lungwinifa po pamwe navoye omilongo nhano.” Nomundilo waKalunga wa kuluka poshi, wa dja keulu, ndele tau mu lungwinifa po pamwe navaye omilongo nhano.

OMAYELETUMBULO 29:12

Omupangeli ou ta pwilikine eendjovo doipupulu, ota mono ovapiya ovahenakalunga aveke.

JESAJA 26:11

Omwene, eke loye ola yeluka, vo kave li wete. Ndelenee ouladi woye molwoshiwana nave ke u mone nokufifwa ohoni, nomundilo wa xwamena ovatondi voye nau ke va lafe po yo.

JESAJA 32:7

Ndele oilongifo yoshimhulu oii, ndele ta diladila oilonga youkolokoshi yokunyona po ovafininikwa noku va lundila, nande omufyoona ne mu tomhe, ta popi doshili.

JEREMIA 5:3

Omwene, omesho oye inaa tala tuu oudiinini? Ove owe va denga ndele vo ova kala kave udite ouyehame. Ove owe va teya po, ndelenee vo ova anya okudulika. Oshipala shavo ove shi kukutika shi dule emanya, ndelenee inava tambula ehandupukululo.

NUMERI 16:41

Ndelenee efiku lomongula eongalo alishe laIsrael la ngongotela Moses naAron, ndee tali ti: “Nye mwa dipaa ovanhu vOmwene.”

MATEUS 2:16

Opo nee Herodes eshi a mona ovanongo ve mu henuka, okwa handuka a handukilila, ta tumu kuBetlehem nokomikunda dasho adishe, ndele ta dipaifa ounona aveshe ava ve nomido mbali naava vehe di kwete, ngaashi a yeleka omafiku enya e a pula kovanongo.

1 SAMUEL 6:9

Ndele taleni, sho ngeenge tashi i langhele koshilongo shasho kuBet-Semes, opo nee Ye e tu ningila omupya ou munene. Ndelenee ngeenge hasho, opo nee twa shiiva hake laye le tu hangele, ndelenee we uya kombada yetu ashike.”