1 TIMOTEUS 4:3 - Ombibeli Iyapuki

³ ovo tava kelele okuhombola nokulya oikulya ya shitwa kuKalunga, i liwe nokupandula kovaitaveli nokwaava va shiiva oshili.

1 TIMOTEUS 4:3 ပူးပေါင်းရင်းမြစ်များ

1 TIMOTEUS 4:4

Osheshi keshe tuu eshi sha shitwa kuKalunga, osho oshiwa, kashi shii okweekelwashi, ngeenge tashi tambulwa nepandulo.

OVAHEBERI 13:4

Ohombo nai fimanekwe kwaaveshe, nomutala wohombo nau kale uhe noshipo; osheshi ovaholi voipala novateihombo Kalunga te va tokola.

OVAROMA 14:6

Oye ou ta tongola omafiku, ohe a tongolele Omwene, naau ta li, ota lile Omwene, osheshi ta pandula Kalunga; ndele ou iha li, ote shi ningile Omwene, ndele ta pandula Kalunga.

OVAKOLOSSI 2:16

Inamu itavela mu tokolwe hano nande okomunhu omolwokulya nokunwa, ile omolwoshivilo ile omolwohani ipe ile omolwEshabata,

1 OVAKORINTO 8:8

Ndelenee oikulya itai tu ehenifa kuKalunga; ngeenge itatu li, ihatu kanifa sha, ngeenge hatu li, ihatu likola sha.

GENESIS 9:3

Aishe ei tai linyenge i na omwenyo nai ninge eendja deni. Nosho yo oimeno aishe italala Ame ohandi i yandje aishe kunye.

OVAKOLOSSI 3:17

Nakeshe eshi tamu shi ningi neendjovo ile noilonga, shi longeni ashishe medina lOmwene Jesus nokupandula Kalunga Xe molwaye.

1 OVAKORINTO 7:28

Ndele ngeenge to hombola, ito nyono; nokakadona ngeenge taka ka hombolwa, itaka nyono, ndelenee ava tave shi ningi ovo tave ke lietela oudjuu wopalutu, ndele nda hala ndi mu xupife muwo.

OVAROMA 14:3

Ou ha li, ina dina ou iha li, naau iha li, ina tokola ou ha li, osheshi Kalunga okwe mu tambula.

OVAHEBERI 13:9

Inamu twalwatwalwa komalongo e lili naku lili muhe a shii; osheshi onawa omwenyo ngeenge tau pamekwa kefilonghenda, hakeendja inadi kwafa ava va kala mudo.

1 TIMOTEUS 2:4

ou a hala ovanhu aveshe va xupifwe nova fike meshiivo loshili.

1 OVAKORINTO 6:13

“Oikulya oi li po omolwedimo, nedimo omolwoikulya;” ndele Kalunga ota ka xulifa po eshi ashishe. Ndelenee olutu inali yandjelwa oluhaelo, ndelenee okulongela Omwene. Omwene oye mwene wolutu.

OVAROMA 14:17

Osheshi ouhamba waKalunga kau fi okulya nokunwa, ndelenee ouyuki, ombili nehafo mOmhepo Iyapuki.

MATEUS 15:36

Ndele okwa kufa omingome edi heyali neeshi, ndele ta pandula, ndele okwe di pambula ndele te di pe ovalongwa vaye, novalongwa ve di yandja kovanhu.

OMUUDIFI 5:18

Tala, eshi yo nde shi mona osha wapala noshiwa: Okulya nokunwa nokushambukilwa ouwa moupyakadi aushe omunhu he u lipyakidile koshi yetango omafiku aye aeshe maxupi, Kalunga e mu pa. Osheshi osho oshipewa shaye.

MATEUS 14:19

Ndele okwa lombwela eengudu dovanhu di kale omutumba komwiidi, ndele okwa kufa ko omingome edi nhano neeshi mbali, okwa lyaamena keulu, e di nangeka noupuna, ndele te di pambula, okwa pa ovalongwa vaye omingome, novalongwa ve di tukulila ovanhu.

OILONGA YOVAYAPOSTOLI 27:35

Hano eshi e di tya, okwa kufa omungome, a pandula Kalunga moipafi yavo aveshe, ndele ta pambula ko, ndele ta hovele okulya.

JOHANNES 6:23

Ndele ope uya eewato dimwe da dja kuTiberias, de uya popepi nonhele ei, apa va lilile omingome, Omwene eshi a tonga epandulo.

LUKAS 24:30

Ndele eshi a kala omutumba poshililo pamwe navo, Ye okwa kufa omungome ndele okwa pandula, e u pambula ndele okwe u va pa.

DANIEL 11:37

Ndele yo kai na ko nasha noikalunga yooxe noshikalunga sha holike kovalikadi, noshikalunga keshe kai na nasho, osheshi yo otai litula kombada yaava aveshe.

1 SAMUEL 9:13

Ngeenge tamu uya koshilando, otamu mu hange fimbo ina ya koshikulundu a ka lye. Osheshi ovanhu itava li fimbo ye ine uya, shaashi oye ta nangeke eyambo noupuna. Opo nee ovaifanwa va lye. Indeni ko hano paife, osheshi tamu ke mu hanga paife eshi.”

MATEUS 15:11

Hasheshi hashi i mokanya tashi nyateke omunhu, ndelenee osheshi hashi di mokanya tashi nyateke omunhu.”

1 TIMOTEUS 5:14

Onghee ame onda hala ovafiyekadi ava ovanyasha va hombolwe vo va dale ounona nova lele omaumbo avo, ndele vaha pe omunandubo omhito yokusheka.