1 SAMUEL 9:7 - Ombibeli Iyapuki

⁷ Opo nee Saul ta pula komupiya waye: “Heeno, ngeenge hatu i ko, omulumenhu ohatu mu twalele shike? Osheshi omungome wa pwa mo momakutu etu ndele katu na omulongelo tu u twale komulumenhu waKalunga. Otu na shike?”

1 SAMUEL 9:7 ပူးပေါင်းရင်းမြစ်များ

1 EEHAMBA 13:7

Opo nee ohamba ya lombwela omulumenhu waKalunga, tai ti: “Ila, tu ye keumbo, ove u lipameke nondi ku pe oshali.”

1 EEHAMBA 14:3

Ndele kufa ko omingome omulongo noikuki noshiyuma shomaadi eenyiki, u ye nayo kuye. Ye ote ku lombwele, okaana nhumbi taka ka kala.”

2 EEHAMBA 4:42

Nomulumenhu umwe womuBaal-Salisa e uya ndele ta etele omulumenhu waKalunga omingome doilya ipe; omingome omilongo mbali domufimbaxwa, noilya ya fengwa moshimbaba, ndele Elisa ta ti: “Yandja kovanhu va lye!”

2 EEHAMBA 5:15

Opo nee ye naaveshe ava ve mu shikula, ova piluka va ya komulumenhu waKalunga, nokwa ya mo ndele ta kala ofika koshipala shaye ndele ta ti: “Tala, paife ndi shi shii nokutya, kombada yedu alishe kape na Kalunga kamwe, omuIsrael amuke. Tambula hano oshali komupiya woye.”

2 EEHAMBA 5:5

Nohamba yaAram tai ti: “Inda hano, ame nda hala okutumina ohamba yaIsrael onhumwafo.” Nokwa ya noitalenti omulongo yoisiliveli neesekeli 6000 doshingoldo noikutu omulongo.

2 EEHAMBA 8:8

Opo nee ohamba tai lombwele Hasael: “Kufa omulongelo meke loye, inda u ka shakeneke omulumenhu waKalunga u mu indile a pulile nge kOmwene, to ti: ‘Ame ohandi ka veluka tuu koudu?’ ”

2 EEHAMBA 8:9

Opo nee Hasael a ya e mu shakeneke nokwa kufa omulongelo meke laye nokutya, oinima i lili nai lili iwa yokuDamaskus oihumbatwa keengamelo omilongo nhee. Nokwe uya ndele ta kala ofika koshipala shaye ndele ta ti: “Omumwoye Benhadad, ohamba yaAram, a tuma nge kwoove ndi pule: ‘Ame ohandi ka veluka tuu koudu ou?’ ”

HESEKIEL 13:19

Ndele nye otamu dinifa nge mokati kovanhu omolwouyadi wokushambekela omahangu nomolwoupambu vavali vomungome mu dipae eemwenyo, odo da li di nokukala nomwenyo, fimbo mwa diinina eemwenyo da li di nokufya, eshi mwa pukifa oshiwana shange osho tashi pwilikine oipupulu.”

OVATOKOLIPANGELI 6:18

Ino dja po apa, fimbo inandi aluka kwoove ndele handi ku etele oshali ndele handi i tula pomesho yoye.” Ye ta ti: “Ame ohandi kala fiyo to aluka.”