1 SAMUEL 9:3 - Ombibeli Iyapuki

³ Eendongi eedidi daKis, xe yaSaul, eshi da kana, Kis okwa lombwela omona waye Saul: “Kufa umwe womovapiya pamwe naave ndele lilongekida u ye u ka konge eendongi.”

1 SAMUEL 9:3 ပူးပေါင်းရင်းမြစ်များ

OVATOKOLIPANGELI 10:4

Ndele ye okwa li e novana ovalumenhu omilongo nhatu, ava va londa eendongi omilongo nhatu deenyasha, ndele va li ve noilando omilongo nhatu. Yo otai ifanwa fiyo onena eli omikunda daJair, do di li medu laGilead.

OVATOKOLIPANGELI 5:10

“Nye ava hamu londo keendongi eenghadi ditoka, nye ava tamu hokololifwa, nye ava hamu ende pominghulo deendjila, popyeni!

1 SAMUEL 10:14

Ndele xekulu yaSaul okwe va pula nomupiya waye: “Omwa ile peni?” Opo nee ye ta ti: “Otwa ka kongele eendongi. Ndele eshi inatu di mona ko kwinya, twa ya kuSamuel.”

1 SAMUEL 10:2

Nena, eshi to di po pwaame, oto ka shakena novalumenhu vavali pombila yaRakel pongaba yaBenjamin muSelsah, ovo tave ku lombwele: ‘Eendongi edi wa ka kongele, oda monika.’ Ndele tala, xo ita diladila vali eendongi, ndelenee e noshisho sheni ndele ta pula: ‘Omumwange ohandi mu ningi ngahelipi?’

1 SAMUEL 9:2

Ndele ye okwa li e nomona omumati, edina laye Saul, omulumenhu omunyasha, muwa kolutu, heeno, mokati kovana vaIsrael inamu monika nande umwe e mu dule mouwa. Oule waye okudja komapepe aye, wa li u dule ovanhu aveshe.

1 SAMUEL 9:20

Ndele ino kala noshisho sheendongi, odo da li de ku kana omafiku atatu, shaashi do oda monika. Noinima aishe oyo i holike muIsrael oyalyelye? Ndishi oyoye noyeumbo leni?

1 SAMUEL 9:4

Ye okwa taulula keemhunda daEfraim noshikandjo shaSalisa, ndelenee ine di mona. Ndele va taulula moshikandjo shaSaalim, ndelenee naakwinya kada li ko. Ndele okwa taulula medu laBenjamin, ndelenee ine di mona.