1 SAMUEL 9:24 - Ombibeli Iyapuki

²⁴ Nomuteleki okwa eta oshilama naasho sha endjelela ko, ndele te shi tula pomesho yaSaul. Ndele Samuel ta ti: “Oshoye, eshi sha xupa po, osho sha tulwa pomesho yoye. Lya, osheshi sho she ku tuvikililwa okafimbo tuu aka, ka ufwa, opo u shi lye novanhu nde va ifana.” Osho ngaha hano Saul okwa lya pamwe naSamuel.

1 SAMUEL 9:24 ပူးပေါင်းရင်းမြစ်များ

EXODUS 29:22

Ndele kufa omakaadi odi, nomakaadi okomushila nosho yo omakaadi e li komandjadja nokaxulixuli neefiyo mbali nomakaadi aa e li kudo noshilama shokolulyo, osheshi oyo odi yeyapulo,

EXODUS 29:27

“Ndele ove u nokuyapula ombadja yedungadungifwayambo noshilama sheyelulwayambo shovapristeli nokutya, osho shomodi yeyapulo laAron nolovana vaye ovamati sha dungadungifwa nosha yelulwa.

HESEKIEL 24:4

Oikambi aishe yombelela i paka mo, oikambi aishe iwa, oshilama nombeyo. I yadifa omakipa mawa.

NUMERI 18:18

Nombelela yayo tai ningi yoye, ngaashi ombadja yedungadungifwayambo noshilama shokolulyo nai ninge yoye.

1 SAMUEL 9:23

Ndelenee Samuel okwa li a lombwela omuteleki: “Eta onhumba inya nde i ku pele, ndele nde ku lombwelele: ‘I tuvikila.’ ”