1 SAMUEL 9:16 - Ombibeli Iyapuki

¹⁶ “Mefimbo tuu eli mongula Ame ohandi ke ku tumina omulumenhu umwe womoshilongo shaBenjamin, ou u noku mu vaeka a ninge ohamba yovanhu vange Ovaisraeli. Ndele ye ota ka xupifa ovanhu vange momake Ovafilisti. Osheshi Ame nda dimbulukwa ovanhu vange, shaashi onghuwo yavo ya fika kwaame.”

1 SAMUEL 9:16 ပူးပေါင်းရင်းမြစ်များ

2 SAMUEL 3:18

Shi wanifeni hano, osheshi mokutonga David Omwene a tile: ‘Neke lomupiya wange David, Ame ohandi ka xupififa oshiwana shange Israel momake Ovafilisti nomomake ovatondadi vavo aveshe.’ ”

2 EEHAMBA 20:5

“Piluka, u lombwele Hiskia, ohamba yoshiwana shange: ‘Omwene Kalunga kaxo David, ta ti ngaha: Ame nda uda eindilo loye. Ame nda mona omahodi oye. Tala, Ame ohandi ke ku velula. Mefiku etitatu ove oto ka ya mongulu yOmwene.

OMAPSALOME 102:1

Omwene, uda eindilo lange, nonghuwo yange nai fike kwoove!

OMAPSALOME 106:44

Ndelenee Ye okwe va yavelela moudjuu wavo, alushe ngeenge a uda ekemo lavo,

OMAPSALOME 25:18

Tala omupya wange, noshiponga shange, u dimine nge po omatimba ange aeshe.

OMAYELETUMBULO 16:9

Omutima womunhu tau diladila ondjila yaye, ndelenee Omwene ta endifa eenghatu daye.

JEREMIA 32:8

Ndele omutekulu wange, Hanamel, okwe uya kwaame ngaashi Omwene a tonga, momukala wongulu yodolongo, ndele ta ti: Lilandela epya lange olo lokuAnatot, li li momukunda wepata laBenjamin, osheshi oove omunepata wavo nopamhango yoshilongo wa itavelelwa oku li landa, hano, li landa. Opo nee ame nda dimbulukwa ondjovo ei oyOmwene.

1 SAMUEL 10:1

Ndele Samuel okwa kufa oshanga yomaadi nokwe a tila komutwe waye nokwe mu fipa komilungu ndele ta ti: “Omwene e ku vaeka u ninge ohamba yovanhu vaye Ovaisraeli.

1 SAMUEL 14:20

Saul novakwaita aveshe ava va li puye va ifanwa, ndele ve uya molwoodi. Ndee tala, eongamukonda laumwe tali tu omukwao, edongakano ola lunda pombada.

1 SAMUEL 14:23

NOmwene okwa xupifa Ovaisraeli mefiku tuu olo olwoodi eshi la koya Bet-Aven.

1 SAMUEL 15:1

Opo nee Samuel ta ti kuSaul: “Omwene okwa tuma nge ndi ku vaeke u ninge ohamba yoshiwana shaye shOvaisraeli. Pwilikina hano paife eendjovo dOmwene.

1 SAMUEL 16:1

Opo nee Omwene ta ti kuSamuel: “Fiyo onaini to nyika oluhodi omolwaSaul? Ame nde mu ekelashi aha kale vali ohamba Ovaisraeli. Yadifa oshanga yoye omaadi u ye. Ame ohandi ku tumu kuIsai Omubetlehem, osheshi movana vaye ovamati, Ame nde lihoololela ohamba.”

1 SAMUEL 16:3

Ifana Isai e uye koshitelekela sheyambo, ndele Ame ohandi ke ku shiivifila osho u noku shi ninga, ndele u nokuvaekela nge umwe, ou handi ke ku ulikila.”