1 SAMUEL 8:8 - Ombibeli Iyapuki

⁸ Ngaashi oilonga aishe ve i longa okudja kefiku linya nde va pitifa muEgipiti fiyo onena eli, vo eshi va efa nge nokulongela oikalunga imwe, osho have ku ningile yo.

1 SAMUEL 8:8 ပူးပေါင်းရင်းမြစ်များ

OMAPSALOME 78:8

vo vaha kale ngaashi ooxe, ava va li va lundakana, nova xuma, oludi li nomutima u neteke, nomhepo yalo ihe kwete okutekuka kuKalunga.

EXODUS 16:3

NOvaisraeli ve va lombwela tava ti: “Ngeno twa file muEgipiti keke lOmwene, fimbo twa kala omutumba peembiya dombelela ndele twa lile omingome da wana! Ndelenee onye mwe tu eta kombuwa tuu ei, opo eongalo alishe eli linene li fye kondjala.”

EXODUS 17:2

Opo nee ovanhu va twa naMoses eemhata ndele tava ti: “Tu pa omeva okunwa.” Ndelenee Moses okwe va nyamukula ta ti: “Oshike tamu twifa nge eemhata? Omolwashike tamu shindi Omwene?”

EXODUS 32:1

Ovanhu eshi va mona nokutya Moses okwa kala ko, ina dja ko komhunda, ovanhu va ongala puAron ndele tava ti kuye: “Fikama u tu ningile oikalunga ei tai tu kwatele komesho, osheshi inatu shiiva oshike sha hanga Moses, omulumenhu tuu ou e tu pitifa mo medu laEgipiti.”

JEREMIA 34:14

‘Pexulilo lomudo omutiheyali, keshe umwe womunye u nokumangulula Omuheberi omukweni, ou a landifwa kwoove, ndele e ku longela omido hamano, mu efa a manguluke.’ Ndelenee ooxokulu ova li inava hala okuuda nge nokupwilikina eendjovo dange.

HESEKIEL 2:3

Opo nee Ye ta ti kwaame: “Kaana komunhu, Ame ohandi ku tumu kovana vaIsrael, kovapaani va efa nge, ve nondubo naame. Vo nooxe ova efa nge fiyo onena eli.

NUMERI 16:41

Ndelenee efiku lomongula eongalo alishe laIsrael la ngongotela Moses naAron, ndee tali ti: “Nye mwa dipaa ovanhu vOmwene.”

DEUTERONOMION 9:24

Mwa li omhinge nOmwene okefiku tuu linya ame ndi mu shii.

OVATOKOLIPANGELI 13:1

Novana vaIsrael eshi va ninga vali eshi inashi wapala momesho Omwene, Omwene e va yandja momake Ovafilisti omido omilongo nhee.

OVATOKOLIPANGELI 2:20

Onghee hano ehandu lOmwene la xwamena Israel ndele Ye ta ti: “Oshiwana eshi eshi sha teya ehangano lange nde li lombwela ooxe ndele itashi pwilikine ondaka yange,

OVATOKOLIPANGELI 4:1

Ndelenee konima yefyo laEhud ovana vaIsrael va ninga eshi shii momesho Omwene.

OVATOKOLIPANGELI 6:1

Ndelenee ovana vaIsrael eshi va ninga osho shii momesho Omwene, Omwene e va yandja momake Ovamidian omido heyali.

1 SAMUEL 8:7

Opo nee Omwene ta ti kuSamuel: Pwilikina ovanhu mwaashishe tave shi ku lombwele, osheshi vo inave ku ekelashi, ndelenee va ekela nge shi ndiha kale ohamba yavo.

1 SAMUEL 8:9

Va uda hano: va londwela shili noku va shiivifila eenghedimhango dohamba oyo tai ke va pangela.