1 SAMUEL 8:7 - Ombibeli Iyapuki

⁷ Opo nee Omwene ta ti kuSamuel: Pwilikina ovanhu mwaashishe tave shi ku lombwele, osheshi vo inave ku ekelashi, ndelenee va ekela nge shi ndiha kale ohamba yavo.

1 SAMUEL 8:7 ပူးပေါင်းရင်းမြစ်များ

EXODUS 16:8

Opo nee Moses okwa tya: “Hano opo tuu opo Omwene ngeenge te mu pe onguloshi ombelela yokulya nongula omingome da wana, osheshi Omwene a uda ko eenhangu deni, mwe mu tangunina. Osheshi fye ovashike mbela? Hafye mwa tangunina, ndelenee mwa tangunina Omwene.”

JESAJA 66:4

hano osho ngaha naame yo ohandi ke va hoololela omupya, ndele handi va efele eshi tave shi tila, osheshi Ame nda ifana, ndele inapa itavela nande umwe, Ame nda popya, ndele vo inava uda ko, ndelenee vo va longa eshi inashi yuka momesho ange; nove lihoololela eshi inashi wapalela nge.

JEREMIA 34:14

‘Pexulilo lomudo omutiheyali, keshe umwe womunye u nokumangulula Omuheberi omukweni, ou a landifwa kwoove, ndele e ku longela omido hamano, mu efa a manguluke.’ Ndelenee ooxokulu ova li inava hala okuuda nge nokupwilikina eendjovo dange.

HESEKIEL 2:3

Opo nee Ye ta ti kwaame: “Kaana komunhu, Ame ohandi ku tumu kovana vaIsrael, kovapaani va efa nge, ve nondubo naame. Vo nooxe ova efa nge fiyo onena eli.

HESEKIEL 3:7

Ndelenee eumbo laIsrael itali ka hala oku ku uda, osheshi vo inava hala okuuda nge. Osheshi epata alishe laIsrael li noshipala shi nombaba ikukutu nomutima wa kukuta.

NUMERI 22:20

Ndele Kalunga e uya kuBileam oufiku ndee ta ti kuye: “Ovalumenhu eshi ve uya oku ku ifana, fikama hano, inda navo. Ndelenee u nokuninga ashike eshi Ame handi ku lombwele.”

MATEUS 10:40

“Ndele ou te mu tambula, oye ta tambula nge, naau ta tambula nge, oye ta tambula ou a tuma nge.

LUKAS 10:16

“Ou te mu udu, ota udu nge, naau te mu dini, ota dini nge, naau ta dini nge, ye ota dini ou a tuma nge.”

LUKAS 19:14

Ndelenee ovanhu vomoshilongo ove mu tonda ndele ove mu shikulifa ovatumwa ve mu lombwele: ‘Ou inatu mu hala e tu pangele.’

LUKAS 19:27

Ndelenee ovatondi vange ovo inava hala ndi va pangele va eteni oku, mu va dipaele apa moipafi yange.’ ”

JOHANNES 13:16

Oshilishili ohandi mu lombwele: Omupiya ke dule omwene waye, nomutumwa ke dule omutumi waye.

OVATOKOLIPANGELI 8:23

Ndelenee Gideon e va nyamukula ta ti: “Ame inandi hala oku mu pangela, nomona wange yo ite ke mu pangela. Omwene ote ke mu pangela.”

1 SAMUEL 10:19

Ndelenee nena eli tamu ekeleshi Kalunga keni, ou e mu xupifa mo moiponga yeni aishe nomomahepeko, ndele tamu ti: Ahowe, ove u noku tu pa ohamba, oyo tai tu pangele. Kaleni hano ofika koshipala shOmwene pamapata eni nopamaludi eni.

1 SAMUEL 12:1

Opo nee Samuel ta ti kOvaisraeli aveshe: “Taleni, ame nde mu uda mwaashishe mwe shi lombwela nge, ndele nde mu pa ohamba tai mu pangele.

1 SAMUEL 12:12

Ndelenee nye eshi mwa mona nokutya Nahas, ohamba yovana vaAmmoni, tai mu homona, nye mwa lombwela nge: ‘Ahowe, ohamba nai tu pangele, nande Omwene Kalunga keni, Ye ohamba yeni.’

1 SAMUEL 8:22

Opo nee Omwene ta ti kuSamuel: “Va uda u va pe ohamba i va pangele.” Ndele Samuel okwa lombwela ovalumenhu Ovaisraeli ndele ta ti: “Indeni, keshe umwe koshilando shavo.”

1 SAMUEL 8:8

Ngaashi oilonga aishe ve i longa okudja kefiku linya nde va pitifa muEgipiti fiyo onena eli, vo eshi va efa nge nokulongela oikalunga imwe, osho have ku ningile yo.