1 SAMUEL 8:6 - Ombibeli Iyapuki

⁶ Ndelenee eendjovo odo inadi wapalela Samuel, vo eshi va tya: “Tu pa ohamba, yo i tu pangele.” Ndele Samuel okwa indila kOmwene.

1 SAMUEL 8:6 ပူးပေါင်းရင်းမြစ်များ

OMAPSALOME 109:4

ohole yange otave i alulile nge ondubo, fimbo ame ndi li po, handi va indilile.

EXODUS 32:21

Ndelenee Moses okwa lombwela Aron ndele ta ti: “Ovanhu ava ove ku ninga shike, eshi we va etela etimba linene li fike opo?”

EXODUS 32:32

Onghee hano paife ngeno Ove u va dimine po etimba lavo! Ngeenge hasho, dima mo yo edina lange membo loye we li shanga.”

HOSEA 13:10

Hano ohamba yoye oi li peni, opo i ku kwafe moilando yoye aishe? Novatokoli voye ovo va tongwa kwoove: Pe nge ohamba nomalenga, ove li peni?

NUMERI 16:15

“Opo nee Moses okwa handuka unene, ndele okwa lombwela Omwene: ‘Ino taalela eyambo lavo. Ame inandi va kufa nande ondongi imwe ndele inandi ningila nande umwe wavo owii.’

NUMERI 16:22

Ndelenee vo ove litwa oipala yavo poshi ndee tava ti: “Akutu Kalunga, Kalunga keemhepo dombelela aishe! Omulumenhu umwe ngeenge ta nyono, Ove to handukile tuu eongalo alishe?”

NUMERI 16:46

Ndele Moses okwa lombwela Aron: “Kufa oshikwatelwa shomakala u teme ko omundilo woaltari, tula ko oitwiminifo, ndele endelela u shi twale keongalo u li kwatakanife, osheshi ehandu la dja kOmwene, oshiponga osha hovela nokuli.”

OVAFILIPPI 4:6

Kaleni muhe na nande oshisho shasha, ndelenee oufyoona weni u shiivifileni Kalunga momailikano nomomaindilo pamwe nomapandulo,

JAKOB 1:5

Ndele ngeenge umwe womunye okwa hepa ounongo, ne u indile kuKalunga ou e hole okuyandjela aveshe nokuhe nokungongota, opo nee ote u pewa.

1 SAMUEL 10:19

Ndelenee nena eli tamu ekeleshi Kalunga keni, ou e mu xupifa mo moiponga yeni aishe nomomahepeko, ndele tamu ti: Ahowe, ove u noku tu pa ohamba, oyo tai tu pangele. Kaleni hano ofika koshipala shOmwene pamapata eni nopamaludi eni.

1 SAMUEL 12:12

Ndelenee nye eshi mwa mona nokutya Nahas, ohamba yovana vaAmmoni, tai mu homona, nye mwa lombwela nge: ‘Ahowe, ohamba nai tu pangele, nande Omwene Kalunga keni, Ye ohamba yeni.’

1 SAMUEL 12:17

Paife ndishi efimbo leteyo? Ame ohandi ka indila kOmwene, a ngungumife ndele a lokife odula, opo mu shiive mu mone hano ounene wowii weni ou fike peni momesho Omwene, nye eshi mwe lihalela ohamba.”

1 SAMUEL 12:19

Onghee hano ovanhu aveshe va lombwela Samuel: Indila kOmwene Kalunga koye molwovapiya voye tuha fye, shaashi komanyonauno aeshe etu twa weda ko vali owii ou eshi twe lihalela ohamba.

1 SAMUEL 12:23

Naame yo nashi kale nge kokule ndi nyone kOmwene ndi efe ngeno oku mu ilikanena. Ndelenee ame ohandi ke mu longa ouwa nondjila ya yuka.

1 SAMUEL 15:11

“Ame nda nyika oluhodi, eshi nda ninga Saul ohamba, osheshi okwe liteeka nge ndele ina wanifa eendjovo dange.” Opo nee Samuel a ninga omwenyo mwii nokwa kuwa kOmwene oufiku aushe.

1 SAMUEL 7:5

Samuel ta ti vali: “Shivileni Ovaisraeli aveshe kuMispa, opo nee ame ohandi ke mu indilila kOmwene.”