1 SAMUEL 8:11 - Ombibeli Iyapuki

¹¹ Ndele ye okwa tya: “Eenghedimhango dohamba oyo tai ke mu pangela odedi: Ovana veni ovamati, otai ke va kufa ndele tai va pe oilonga yopetemba layo nopeenghambe dayo, va tondoke komesho yetemba layo.

1 SAMUEL 8:11 ပူးပေါင်းရင်းမြစ်များ

2 SAMUEL 15:1

Ndele konima yoinima ei Absalom e likongela etemba neenghambe novalumenhu omilongo nhano ve mu pitile komesho.

1 EEHAMBA 1:5

Ndelenee Adonia yaHaggit okwe litumba ndele ta ti: “Onda hala okuninga ohamba!” Ndele okwe likongela omatemba oita novalondi veenghambe novalumenhu omilongo nhano oonaku mu kwatela komesho.

1 EEHAMBA 10:26

Salomo okwa ongela omatemba oita novalondi veenghambe, onghee okwa li e nomatemba eyovi nomafele ane oita novalondi omayovi omulongo naavali veenghambe. Okwe va nangeka muJerusalem nomoilando ikwao.

1 EEHAMBA 12:10

Novamati ava va kula pamwe naye, ve mu nyamukula tava ti: “Ovanhu ovo ve ku lombwela tava ti: ‘Xo okwe tu twika omutengi mudjuu, ndelenee ove u tu pupalekele,’ u noku va nyamukula ngaha: ‘Okamunwe kange kanini ke dule omatundji atate.

1 EEHAMBA 12:4

“Xo okwe tu hepeka noku tu twika omutengi mudjuu, ndelenee ove pupaleka hano oudjuu nonghalamwenyo yetu, opo tu ninge ovapiya voye ovaduliki.”

1 EEHAMBA 14:27

Ponhele yayo, ohamba Rehabeam ya ningifa oikelelifo yoshikushu nokwe i yandja momake omukulunhu wovanangeli ava va nangela poshivelo shouhamba.

1 EEHAMBA 18:46

Ndelenee eke lOmwene la li kombada yaElia, onghee ye e limanga moshiya ndele ta tondoka, a pita komesho aAhab fiyo okuJisreel.

1 SAMUEL 10:25

Opo Samuel okwa shiivifila ovanhu eenghedimhango dohamba nokwe di shangela membo, ndele e li tula koshipala shOmwene. Ndele Samuel okwa lekela ovanhu aveshe, keshe umwe a ye keumbo lavo.

1 SAMUEL 14:52

Omalwoodi okulwifa Ovafilisti okwa li a handuka fimbo Saul kwa li e nomwenyo. Ndele keshe apa Saul a hanga po ependa ile omulumenhu omuladi, ye e mu kufa a kale puye.

1 SAMUEL 22:7

Saul okwa lombwela ovapiya vaye ava va kala ofika puye ta ti: “Pwilikineni nye, Ovabenjamin! Omumati omona waIsai ote ke mu pa yo tuu amushe omapya noikokola yomiviinyu, noku mu lenga nye amushe mu ninge ovaneyovi novanefele?

1 SAMUEL 8:9

Va uda hano: va londwela shili noku va shiivifila eenghedimhango dohamba oyo tai ke va pangela.