1 SAMUEL 7:9 - Ombibeli Iyapuki

⁹ Opo nee Samuel okwa kufa okadjona taka nyamu ndele e ka yambela Omwene ngaashi exwikiloyambo inaka tukaulwa. Ndele Samuel okwa indilila Ovaisraeli kOmwene. NOmwene e mu uda.

1 SAMUEL 7:9 ပူးပေါင်းရင်းမြစ်များ

OMAPSALOME 50:15

nomefiku loudjuu woye ifane nge, nonda hala oku ku kwafa, ndele ove oto ka fimaneka nge.”

OMAPSALOME 99:6

Moses naAron va kala mokati kovapristeli vaye, naSamuel mokati kaava va ifana edina laye. Vo ova kuwila Omwene naye okwe va uda.

JEREMIA 15:1

Ndele Omwene okwa lombwela nge: Nande Moses naSamuel va kale ofika koshipala shange, omwenyo wange itau liameke vali koshiwana eshi. Va ta po koshipala shange. Nava ye!

LEVITIKUS 22:27

“Okatana okandume ile okadjona ile okakombwena ngeenge ka dalwa, naka kale omafiku aheyali pu ina, ndelenee okefiku etihetatu nokomesho ko otaka wapalele okuningila Omwene exwikiloyambo.

DEUTERONOMION 9:26

Ndele ame nda indila kOmwene ndele handi ti: Omwene Kalunga, ino hanauna po ovanhu voye nefyuululo loye, olo we li kulilifa eenghono doye, nowe li pitifa muEgipiti neke li neenghono.

JAKOB 5:16

Hepaululilafaneni omatimba eni, nye mu ilikanenafane, opo mu velulwe; eilikano lashili lomuyuki otali dulu shihapu.

OVATOKOLIPANGELI 6:26

ndele tungila Omwene Kalunga koye, oaltari koxulo yoshikulundu eshi nokulondekafana omamanya, ndele kufa ongobe yomhedi onhivali ndele i yamba omundiloyambo pamwe noikuni yokolupwelele tai di komuti waAsera, olo u noku li ka po.”

OVATOKOLIPANGELI 6:28

Novalumenhu vomoshilando eshi va penduka ongula inene, oaltari yaBaal oya ngumaunwa po nolupwelele laAsera olo la li momunghulo wayo la kewa po nongobe onhivali ya yambwa koaltari, oyo ya tungwa ko.

1 SAMUEL 10:8

Ndele ove u nokutetekela nge mokuya kuGilgal, ndele tala, ame ohandi ke uya kwoove ndi yambe omaxwikiloyambo nokutoma omapanduloyambo. U nokuteelela omafiku aheyali fiyo ame handi uya kwoove, ndele ame ohandi ku shiivifile osho u noku shi ninga.”

1 SAMUEL 12:17

Paife ndishi efimbo leteyo? Ame ohandi ka indila kOmwene, a ngungumife ndele a lokife odula, opo mu shiive mu mone hano ounene wowii weni ou fike peni momesho Omwene, nye eshi mwe lihalela ohamba.”

1 SAMUEL 16:2

Ndelenee Samuel ta pula: “Ame ohandi dulu okuya ko ngahelipi? Saul ngeenge te shi udu, ota dipaa nge.” Opo nee Omwene ta ti: “Oto i ko u nondema ndee to ti: ‘Onde uya okuyambela Omwene.’

1 SAMUEL 2:35

Ndele Ame ohandi ke lipendulila omupristeli omudiinini, ou ta ka longa pamutima wange nopamwenyo wange; ndele Ame ohandi ke mu tungila ongulu tai kala po, ndele ye ota ka kala nokweenda alushe koshipala shOmuvaekwa wange.’

1 SAMUEL 7:17

Opo nee ye okwa shuna kuRama. Osheshi oko kwa kala eumbo laye. Oko a tokola eendjovo daIsrael noko a tungila Omwene oaltari.

1 SAMUEL 9:12

Ndele ve va nyamukula tava ti: “Oko e li komesho yeni. Endeleleni paife, osheshi ye e uya nena moshilando, shaashi ovanhu ve neyambo nena koshikulundu.