1 SAMUEL 7:3 - Ombibeli Iyapuki

³ Ndelenee Samuel okwa popya neumbo alishe laIsrael ndele ta ti: “Nye ngeenge tamu alukile kOmwene nomutima weni aushe, efeni hano oikalunga yokoilongo nooAstarot mokati keni, nomitima deni di kanyatelifeni kOmwene, ndele Oye aeke mu longeleni. Opo nee Ye ote ke mu xupifa momake Ovafilisti.”

1 SAMUEL 7:3 ပူးပေါင်းရင်းမြစ်များ

GENESIS 35:2

Jakob okwa lombwela eumbo laye naaveshe ava va li pamwe naye ndele ta ti: “Ekeleishi oihongwakalunga yokoilongo, ei mu kwete mokati keni, lifeteni nye mu djale oikutu imwe.

1 EEHAMBA 11:33

osheshi ova efa nge, ndele ve linyongamena koshipala shaAstarte, kalungakadona kOvasidoni nomoipafi yaKemosh, oshikalunga shOvamoab nomoipafi yaMilkom, oshikalunga shovana vaAmmoni, ndelenee inava enda neendjila dange ndele inava wanifa eenghedimhango dange nomalombwelo ange ngaashi David, xe yaSalomo.

1 EEHAMBA 8:48

Hano, ngeenge tava aluka kwoove nomutima aushe nomwenyo aushe moshilongo shoukwatwa wavo, ndele vo otava ilikana nokutaalela koshilongo osho we shi pa ooxe nokoshilando osho we shi hoolola nokotembeli ei nde ku tungila,

2 EEHAMBA 17:39

Ndelenee Omwene Kalunga keni mu nokutila, ndele Ye ote mu xupifa mo momake ovatondadi veni.”

2 EEHAMBA 23:15

Nosho yo ya ngumauna po oaltari ya li muBetel, oshikulundu sha tungwa kuJerobeam yaNebat, ou a hongaulila Israel mokunyona, oaltari osho yo oshikulundu e shi hanauna po, ndele e shi ndongola nolupwelele laAsera e li xwika po.

1 OMAFIMBO 22:19

Hano paife, omitima deni neemwenyo deni di yukifeni okukonga Omwene Kalunga keni, ndele fikameni mu tunge otembeli yOmwene Kalunga, opo mu ete oshikefa shehangano lOmwene noinima iyapuki yaKalunga mongulu oyo tai ka tungilwa edina lOmwene.”

1 OMAFIMBO 28:9

Ndele ove, omumwange Salomo, Kalunga kooxo, kala u mu shii, noku mu longela nomutima aushe nomwenyo u nehalo liwa, osheshi Omwene ta panapana omitima adishe nediladilo keshe lomomwenyo ye e li shii. Ove ngeenge to mu kongo, oto ke mu mona. Ndelenee ngeenge to mu liteeka, Ye ote ku ekeleshi fiyo alushe.

2 OMAFIMBO 19:3

Ndele mwoove mwa monika oinima iwa, osheshi wa hanauna po omiti domalupwelele moshilongo ndele wa ameka omutima woye okukonga Kalunga.”

2 OMAFIMBO 20:33

Noikulundu yokuyambela ye ine i hanauna po. Ovanhu inava ameka natango omitima davo kuKalunga kooxe.

2 OMAFIMBO 30:19

keshe umwe a yukifa omutima waye okukonga Kalunga, Omwene Kalunga kooxe, nande ehe neyapulo lopatembeli.”

OMAYELETUMBULO 16:1

Eemhangela domutima odomunhu, ndelenee enyamukulo lelaka tali di kOmwene.

JESAJA 55:7

Omudinikalunga na efe ondjila yaye nomukolokoshi omadiladilo aye, ye a alukile Omwene, opo nee Ye ote mu file onghenda; ye na ehene kuKalunga ketu, osheshi puye ope nedimepo lomatimba mahapu.

JEREMIA 24:7

Ndele ohandi va pe omutima wokushiiva nge nokutya, Aame Omwene, ndele vo otava ka ninga oshiwana shange, naame ohandi ka kala Kalunga kavo, osheshi vo otava ka alukila kwaame nomutima wavo aushe.

JEREMIA 36:3

Kashiimba epata laJuda tali ka uda omupya oo aushe nde u li diladilila notali lialuluka keshe umwe kondjila yaye ii, opo ndi va dimine po oilonga yavo ii nomatimba avo.

JEREMIA 4:1

Israel ngeenge to aluka, Omwene ta ti, aluka u uye kwaame. Nongeenge to kombo po oixuna yoye koshipala shange, opo nee ito pumbwa okweelaela vali.

HESEKIEL 14:6

Onghee hano lombwela eumbo laIsrael: Omwene Kalunga ota ti ngaha: Lidilululeni nokulialuluka koikalunga yeni ndele oipala yeni inamu i taalelifa koixuna yeni aishe.

HESEKIEL 18:31

Ekeleishi omatauluko eni aeshe aa mwa tauluka, ndele liningileni omutima mupe nomhepo ipe. Osheshi omolwashike mwa hala okufya, onye eumbo laIsrael?

HOSEA 14:1

Israel, alukila kOmwene Kalunga koye, osheshi wa pundukifwa komanyonauno oye.

MATEUS 15:8

‘Ovanhu ava ohava fimaneke nge nomilungu, ndele omitima davo odi li kokule naame;

MATEUS 4:10

Jesus okwa tya kuye: “Dja po, Satana, osheshi opa shangwa: ‘Omwene Kalunga koye u noku mu twila eengolo, noye aeke u noku mu kalela.’ ”

MATEUS 6:24

“Kaku na ou ta dulu okukalela oovene vavali; osheshi ota tondo umwe, ye e hole omukwao, ile a hokwa ou ndele ta dini winya. Kamu dulu okukalela Kalunga nemona.

LUKAS 4:8

Opo Jesus e mu nyamukula ndele ta ti: “Pa shangwa: ‘Omwene Kalunga koye u noku mu twila eengolo noye aeke u noku mu kalela.’ ”

JOHANNES 4:24

Kalunga Oye Omhepo, naava tave mu ilikanene ovo ve nokwiilikana momhepo nomoshili.”

DEUTERONOMION 10:20

U nokutila Omwene Kalunga koye, u noku mu longela, muye u nokukanyatela, ndele medina laye u nokwaana.

DEUTERONOMION 13:4

Nye mu nokushikula Omwene Kalunga keni noku mu tila nokudiinina oipango yaye, nokupwilikina ondaka yaye noku mu longela nokukanyatela muye.

DEUTERONOMION 4:29

Opo nee nye otamu ka konga Omwene Kalunga keni noku mu mona ngeenge tamu mu kongo nomutima aushe, nomwenyo aushe.

DEUTERONOMION 6:13

Ove u nokutila Omwene Kalunga koye noku mu kalela. U nokwaana medina laye.

JOSUA 13:31

Netata laGilead naAstarot naEdrei, oilando yomoshilongo shaOg muBasan kovana vaMakir yaManasse ketata lovana vaMakir pamaludi avo.

JOSUA 24:14

“Tileni hano paife Omwene noku mu longela mouyuki nomoshili ndele ekeleishi oikalunga ei ooxo va longela kombada yaEufrat nomuEgipiti, ndele longeleni Omwene.

JOSUA 24:23

Okwa ti: “Ekeleishi hano paife oikalunga imwe ei mu i kwete, omitima deni di amekeni kOmwene Kalunga kaIsrael.”

OVATOKOLIPANGELI 10:16

Ndele vo ova kandula po oikalunga yokoilongo mokati kavo, ndele va longela Omwene. Opo nee Ye ine shi lididimikila vali Israel shi hepekwe.

OVATOKOLIPANGELI 10:6

Ndele ovana vaIsrael ova ninga vali eshi shii momesho Omwene. Ndele va longela ooBaal nooAstarot noikalunga yOvaarami noikalunga yOvasidoni noikalunga yOvamoab noikalunga yovana vaAmmoni noikalunga yOvafilisti, ndele va efa Omwene, ndele itave mu longele.

OVATOKOLIPANGELI 2:11

Novana vaIsrael va ninga eshi inashi wapala momesho Omwene, vo ova longela ooBaal,

OVATOKOLIPANGELI 2:13

Ndele vo eshi va efa Omwene ndele va longela ooBaal nooAstarot,

1 SAMUEL 31:10

Opo nee va tula oiti yaye motembeli yaAstarot, ndelenee oshimhu shaye ve shi tula mohotekuma yaBet-San.