1 SAMUEL 7:14 - Ombibeli Iyapuki

¹⁴ Noilando yOvafilisti ve i kufa kOvaisraeli ya aluka kuIsrael okudja kuEkron fiyo okuGat nomikunda dayo Ovaisraeli va kufa momake Ovafilisti. Nombili ya kala pokati kOvaisraeli nOvaamori.

1 SAMUEL 7:14 ပူးပေါင်းရင်းမြစ်များ

1 OMAFIMBO 18:1

Ndelenee konima yoinima ei, David okwa ta Ovafilisti ndele e va tula koshi yepangelo laye. Osho ngaha okwa kufa Gat nomikunda dasho momake Ovafilisti.

OMAPSALOME 106:34

Oiwana yoilongo inave i hanauna po, ngaashi va lombwelwa kOmwene.

NUMERI 13:29

Ovaamaleki hava kala moshilongo shokoumbuwanhu, ndelenee Ovaheti, Ovajebusi, nOvaamori hava kala keemhunda, Ovakaanan hava kala pEfuta Lopokati nolanghele lwokuJordan.”

DEUTERONOMION 7:16

Ndele ove oto ka mana po oiwana aishe oyo Omwene Kalunga koye ta yandje momake oye. Eisho loye itali ke i fila onghenda, ndele ino longela oikalunga yayo, osheshi otashi ka ninga omwiyo woye.

DEUTERONOMION 7:2

nOmwene Kalunga koye ngeenge te i ku pe ndele ove to i taataa, opo nee ove u noku i hanauna po aishe shekesheke. Inamu ninga ehangano nayo, ndele inamu i fila onghenda.

JOSUA 10:5

Osho ngaha hano eehamba nhano dOvaamori oda ongala ndele da fikama: ohamba yaJerusalem, ohamba yaHebron, ohamba yaJarmut, ohamba yaLakis, ohamba yaEglon, odo pamwe nomatanga ado ovakwaita aveshe. Do oda fitikinina Gibeon ndele de shi lwifa.

JOSUA 15:11

Opo nee omufinda tau ende koumbangalanhu wefina lomhunda yaEkron, opo omufinda tau ngolyokele kuSikron ndele tau londo komhunda yaBaala, tau i kuJabneel, fiyo omufinda tau xulile mEfuta Lopokati.

OVATOKOLIPANGELI 4:17

Opo nee Sisera okwa ya onhapo kolupadi ketwali laJael, omwalikadi waEber, Omukeni. Osheshi opa li ombili pokati kaJabin, ohamba yaHasor neumbo laEber, Omukeni.