1 SAMUEL 7:10 - Ombibeli Iyapuki

¹⁰ Osheshi fimbo Samuel ta yambe exwikiloyambo nOvafilisti va ehena popepi va lwife Israel, mefiku tuu olo Omwene okwa ndundumifa ondaka inene kombada yOvafilisti, ndele Ye e va dongakanifa fiyo va tewa kOvaisraeli.

1 SAMUEL 7:10 ပူးပေါင်းရင်းမြစ်များ

OMAPSALOME 18:15

Noukukutu woposhi womefuta wa monika, omakanghameno ounyuni a holoka poluhaela omolwomahanyeno Omwene,

OMAPSALOME 29:3

Ondaka yOmwene oi li kombada yomeva; Kalunga kefimano ota pwalakata; Omwene e li kombada yomeva manene.

OMAPSALOME 29:4

Ondaka yOmwene tai ende neenghono; ondaka yOmwene i yadi oshingepangelo.

OMAPSALOME 78:66

Ovakondjifi vaye okwe va denga noku va taataa, nokwe va tula melengwa laalushe.

SAKARIA 4:6

Opo nee ye okwa nyamukula ndele ta ti kwaame: “Ondjovo yOmwene kuSerubbabel oyei, nokutya: Hakeenghono ile kefininiko, ndelenee okOmhepo yange, Omwene womatanga ovakwaita ota ti.

DEUTERONOMION 28:7

“Omwene te ke ku taataela ovatondadi voye tave ku homona. Tave ku homona nondjila imwe, ndelenee tava ka ya onhapo neendjila heyali.

JOSUA 10:10

NOmwene okwe va dongakanifa moipafi yaIsrael ndele vo ve va lwifa olwoodi linene muGibeon, ndele ve va shikula nondjila oyo tai twala keemhunda daBet-Horon, ndele e va ta fiyo okuAseka nofiyo okuMakkeda.

OVATOKOLIPANGELI 4:15

NOmwene okwa dongakanifa Sisera nomatemba aye aeshe nomatanga aeshe ovakwaita keongamukonda komesho yaBarak, ndele Sisera okwa londoloka kokatemba kaye nokwa ya onhapo.

OVATOKOLIPANGELI 5:20

Eenyofi dokeulu da lwifa, meendjila dado da lwifa Sisera.

OVATOKOLIPANGELI 5:8

Vo eshi va hoolola oikalunga ipe, oita ye uya peenhu davo. Mwa monika tuu oshikelelifo neonga mokati komayovi omilongo nhee muIsrael?

1 SAMUEL 12:17

Paife ndishi efimbo leteyo? Ame ohandi ka indila kOmwene, a ngungumife ndele a lokife odula, opo mu shiive mu mone hano ounene wowii weni ou fike peni momesho Omwene, nye eshi mwe lihalela ohamba.”

1 SAMUEL 14:15

Opo nee ehaluko la kwata onhanda yovakwaita naava va li pondje yonhanda nomomatanga aeshe ovakwaita. Etanga lenangelo nongudu yovakwati voinima nayo yo ya haluka, heeno, edu la kakama, ehalukifo la dja muKalunga.

1 SAMUEL 2:10

Ava hava twifa Omwene eemhata tava ka teyaulwa po. Vo ote va ndundumine meulu. Omwene ta tokola omaxulilo ongonga yedu, ndele Ye ta yandje eenghono kohamba yaye ndele ta yelula oluvinga lomuvaekwa waye.”

1 SAMUEL 7:11

Nomatanga ovakwaita vaIsrael a dja muMispa ndele va shikula Ovafilisti ndele ve va taataela langhele kombinga yaBet-Kar.