1 SAMUEL 6:17 - Ombibeli Iyapuki

¹⁷ Noidinda yoshingoldo ei ya tuminwa Omwene kOvafilisti, ngaashi ehandukulukifo oyei: shimwe oshaAsdod, shimwe oshaGasa, shimwe oshaAskelon, shimwe oshaGat, nashimwe oshaEkron.

1 SAMUEL 6:17 ပူးပေါင်းရင်းမြစ်များ

2 SAMUEL 1:20

Inamu shi hepaulula muGat, inamu shi vilikila momapandavanda aAskelon, ovana oukadona vOvafilisti vaha hafe, ovana oukadona vaava inava pita etanda vaha kuwilile!

2 SAMUEL 21:22

Ava vane va li vomoludalo lOvarefai vomuGat, ndele va dipawa keke laDavid nokomake ovapiya vaye.

2 EEHAMBA 1:2

Ndele Ahasia okwa wa mombululu yekende lomondjuwo yaye yopombada muSamaria ndele ta vele. Opo nee ta tumu ovatumwa ndele ta ti kuvo: “Indeni mu ka pule Baal-Sebub, oshikalunga shaEkron, ngeenge handi ka veluka tuu koudu tuu ou?”

2 OMAFIMBO 26:6

Nokwa fikama ndele ta lwifa Ovafilisti nokwa ngumauna po ohotekuma yaGat nohotekuma yaJabne nohotekuma yaAsdod, ndele a tunga oilando moushiinda waAsdod nomokati kOvafilisti.

JEREMIA 25:20

noonakukalamo aveshe vomoludi keshe, eehamba adishe dokoshilongo shaUs; neehamba adishe dokoshilongo shOvafilisti moilando Askelon naGasa naEkron noixupe yomuAsdod;

LEVITIKUS 5:7

“Ndelenee ye ngeenge ohepele, ta nyengwa okweeta odi, ye e nokweetela Omwene ofuto yokunyona kwaye omalyamono avali ile eenghutyona mbali, imwe etimbayambo, ikwao exwikiloyambo.

AMOS 1:6

Omwene ota ti ngaha: “Omolwomatauluko atatu, naane aGasa, ihandi ka alula ehandukilo. Osheshi vo ova twala oonakukalamo aveshe moukwatwa nove va yandjela Edom.

AMOS 6:2

Indeni muKalne, nye mu tale, djeni ko mu ye kuHamat, oshilando shinene, ndele indeni kuGat shOvafilisti! Oyo iwa i dule tuu oilongo ei? Ile oshitukulwanhele shavo shi dule ngeno oshitukulwanhele sheni?

DEUTERONOMION 28:27

“NOmwene ote ku tumine omaxwambwa okuEgipiti noidinda nonghana nomavangwa, ndele ito dulu okuveluka kuyo.

OVATOKOLIPANGELI 1:18

Ndele Juda okwa nangala Gasa nomikunda dasho naAskelon nomikunda dasho naEkron nomikunda dasho.

OVATOKOLIPANGELI 14:19

NOmhepo yOmwene ye uya muye nokwa ya kuAskelon, ndele ta dipaa ovalumenhu omilongo nhatu vomuvo nokwa kufa oikutu yavo ndele ta pe ava va fatulula otumbutumbu oikutu yoshivilo. Ndele ye okwa handuka ndele ta i keumbo laxe.

OVATOKOLIPANGELI 16:1

Ndele Simson okwa ya kuGasa ndele oko a mona ombwada nokwa ya mo kuye.

OVATOKOLIPANGELI 16:21

Opo nee Ovafilisti ve mu kwata ndele ve mu twiyula omesho aye, ndele ve mu twala kuGasa ndele tave mu mange nelyenge loshikushu; ndele ye e nokutwa moshini modolongo.

1 SAMUEL 5:1

NOvafilisti va kufa oshikefa shaKalunga muEben-Eser, ndele ve shi twala kuAsdod.

1 SAMUEL 5:10

Opo nee va tuma oshikefa shaKalunga kuEkron. Ndelenee oshikefa shaKalunga eshi she uya muEkron, ovanhu vomuEkron va ingida ndele tava ti: “Vo ova tuma oku kwaame oshikefa shaKalunga kaIsraeli, ame novanhu vange va hangike kefyo.”

1 SAMUEL 5:8

Onghee va ifana ovakulunhu aveshe vOvafilisti va ongale puvo ndele tava pula: “Fye ohatu ka ninga ngahelipi noshikefa shaKalunga kaIsrael?” Ndele venya va tya: “Oshikefa shaKalunga kaIsrael nashi twalwe kuGat.” Ndele oko va twala oshikefa shaKalunga kaIsrael.

1 SAMUEL 6:4

Opo nee tava pula: “Ehandukulukifo lashike tu noku mu alulila?” Ndele tava ti: “Pamuvalo wovakulunhu vOvafilisti: oidinda itano yoshingoldo neemhuku nhano doshingoldo, osheshi eshi oshiponga kombada yavo aveshe nokombada yovakulunhu veni.