1 SAMUEL 5:8 - Ombibeli Iyapuki

⁸ Onghee va ifana ovakulunhu aveshe vOvafilisti va ongale puvo ndele tava pula: “Fye ohatu ka ninga ngahelipi noshikefa shaKalunga kaIsrael?” Ndele venya va tya: “Oshikefa shaKalunga kaIsrael nashi twalwe kuGat.” Ndele oko va twala oshikefa shaKalunga kaIsrael.

1 SAMUEL 5:8 ပူးပေါင်းရင်းမြစ်များ

1 OMAFIMBO 7:21

nomona waye Sabad, nomona waye Sutelah naEser naElead. Novalumenhu vaGat, ava va dalelwa moshilongo osho, ve va dipaa, osheshi ve uya va ka kufe po oimuna yavo.

AMOS 6:2

Indeni muKalne, nye mu tale, djeni ko mu ye kuHamat, oshilando shinene, ndele indeni kuGat shOvafilisti! Oyo iwa i dule tuu oilongo ei? Ile oshitukulwanhele shavo shi dule ngeno oshitukulwanhele sheni?

SAKARIA 12:3

Ndele mefiku tuu olo Jerusalem ohandi shi ningi emanya lidjuu lokuyeleka koiwana aishe. Keshe shimwe tashi li tumbu po, otashi toshoka. Noiwana aishe yokombada yedu otai ongala i shi lwife.

JOSUA 13:3

nedu alishe laAvvim koumbuwanhu. (Edu alishe okudja kuSihor i li koushilo waEgipiti fiyo okongaba yaEkron langhele koumbangalanhu, olo tali valelwa kedu lOvakaanan nokutya, eehamba nhano dOvafilisti: oyo yaGasa naayo yaAsdod, oyo yaAskelon, oyo yaGat naayo yaEkron) nosho yo Ovaavvim

JOSUA 15:11

Opo nee omufinda tau ende koumbangalanhu wefina lomhunda yaEkron, opo omufinda tau ngolyokele kuSikron ndele tau londo komhunda yaBaala, tau i kuJabneel, fiyo omufinda tau xulile mEfuta Lopokati.

1 SAMUEL 17:4

Opo nee meenhanda dOvafilisti omwa dja umwe, a deuka, ofule yokulwa, edina laye Goliat womuGat. Oule waye wa li omaludimbo ahamano noule weke.

1 SAMUEL 17:52

Opo nee ovalumenhu Ovaisraeli nOvajuda va fikama tava kaluka ndele va shikula Ovafilisti fiyo okoshivelo shaGat nofiyo okoivelo yaEkron, Ovafilisti ova dipawa va nangala mondjila okudja kuSaaraim fiyo okuGat naEkron.

1 SAMUEL 29:6

Opo nee Akis a ifana David ndele ta ti kuye: “Oshili, ngaashi Omwene e nomwenyo, oshili, oove omuyuki, ndele okuya mo kwoye nokudja mo kwoye pamwe naame momatanga ovakwaita oshiwa momesho ange. Osheshi inandi mona owii washa mwoove okudja kefiku linya we uya kwaame fiyo onena eli. Ndelenee ove ku fi muwa momesho ovakulunhu.

1 SAMUEL 5:11

Onghee hano va ongaleka ovakulunhu aveshe vOvafilisti ndele tava ti: Oshikefa shaKalunga kaIsrael nashi shunifwe monhele yasho, shiha etele nge novanhu vange efyo. Osheshi oumbada wefyo wa kwata oshilando ashishe. Eke laKalunga la li lidjuu shili.

1 SAMUEL 5:7

Ovalumenhu vomuAsdod, eshi va dimbulukwa oyo tuu ei, vo va tya: Oshikefa shaKalunga kaIsrael inashi kala vali pufye, osheshi eke laye oli li po lidjuu kombada yetu nokombada yakalunga ketu Dagon.

1 SAMUEL 6:2

Ovafilisti va ifana ovapristeli novamonikokule ndele tava ti: “Fye otu nokuninga ngahelipi noshikefa shOmwene? Tu shiivifileni nhumbi hatu dulu oku shi shunifa konhele yasho.”