1 SAMUEL 4:3 - Ombibeli Iyapuki

³ Ovakwaita fimbo tave uya monhanda, ovakulunhu vOvaisraeli tava ti: Omolwashike Omwene e tu taataifa nena kOvafilisti? Natu ka taleni oshikefa shehangano shOmwene muSilo shi kale mokati ketu ndele tashi tu xupifa momake ovatondadi vetu.

1 SAMUEL 4:3 ပူးပေါင်းရင်းမြစ်များ

2 SAMUEL 15:25

Opo nee ohamba tai ti kuSadok: “Shunifa oshikefa shaKalunga moshilando. Ame ngeenge handi filwa onghenda momesho Omwene, Ye ota ka alula nge ndele ta itavele nge ndi mu mone neumbo laye yo.

1 OMAFIMBO 17:1

Ndele David eshi a kala mongulu yaye, David ta ti komuxunganeki Natan: “Tala, ame ohandi kala mongulu yomiti domisederi, ndelenee oshikefa shehangano lOmwene oshi li koshi yeefaila.”

OMAPSALOME 74:1

Akutu Kalunga, oshike we tu ekelelashi fiyo alushe, needi doufita woye, oshike we di fulila onya?

OMAPSALOME 74:11

Molwashike mbela to alula eke loye? Ahowe, nana olulyo loye monghwapa, u va nyonaune po.

JESAJA 50:1

Omwene ota ti ngaha: “Omushangwa wehengo wanyoko ou li peni, ou nde mu hengifa po? Ile olyelye ou nde mu lila oikolo nonde mu landifa po? Tala, nye omwa landifwa po omolwomanyonauno eni, nomolwomatauluko eni nyoko okwa hengwa po.

JESAJA 58:3

Otava pula tava ti: “Ohatu lidilikile shike, Ove ito shi tale, hatu lihepeke, Ove ino shi didilika?” Tala, mefiku lelidiliko leni, nye otamu diinine oinima yeni vene, novapiya veni otamu va fininike kokulonga.

JESAJA 59:1

Tala, eke lOmwene inali xupipala okukwafa, nomatwi aye inaa fita okuuda ko,

JESAJA 59:2

ndelenee omanyonauno eni e mu tukula muKalunga keni, nomatimba eni okwa tuvika oshipala shaye aha ude ko.

JEREMIA 3:16

Ndele otapa ningwa, nge mwa hapupala notamu kala mu noludalo moshilongo opomafiku enya, Omwene ta ti, opo nee itapa tiwa vali: “Oshikefa shehangano lOmwene.” Nokape na ou te shi diladila vali momutima waye, nongaashi itamu shi dimbulukwa vali noitamu shi pula vali noitashi hongululwa vali.

JEREMIA 7:4

Inamu lineekela eendjovo doipupulu, eshi tava ti: Otembeli yOmwene, otembeli yOmwene, otembeli yOmwene oyo ei.

NUMERI 10:33

Ndele vo ova enda omafiku atatu va dja komhunda yOmwene. Ndele oshikefa shehangano lOmwene oshe va kwatela komesho omafiku atatu oku va kongela onhele yetulumuko.

NUMERI 10:35

Ndele oshikefa eshi sha ya mondjila Moses okwa tya: “Omwene fikama! Ovatondadi voye opo va halakanifwe novanandubo naave opo va ye onhapo oshipala shoye.”

NUMERI 31:6

Ndele Moses okwe va tuma koita, eyovi limwe lomepata keshe, vo pamwe naPinehas, omona womupristeli Eliaser, koita pamwe noinima iyapuki nomanghuma onghuwo.

DEUTERONOMION 29:24

Noiwana aishe tai ka tya: ‘Omolwashike Omwene a ningila ngaha oshilongo eshi? Ehanyo lehandu linene li fike opo, olashike?’

DEUTERONOMION 31:26

“Tambuleni embo eli lomhango mu li tulike pomunghulo woshikefa shehangano lOmwene Kalunga keni, opo li kale ko ondobwedi oku mu pa oushima.

2 TIMOTEUS 3:5

ovo ve nemoniko longaho letilokalunga, ndelenee tava shilike eenghono dalo. Naava ve li ngaha, va kukuma.

OVAHEBERI 9:4

omo mwa li mu noaltari yoshingoldo yokutwimina, noshikefa shehangano sha vaekwa noshingoldo keembinga adishe, musho omwa li oshimbudju shoshingoldo omo mwa kala omanna, onhaili yaAron ya tutuma omafo noipelendemanya yehangano,

JOSUA 4:7

Nye mu noku va lombwela: Osheshi omeva aJordan a tukuka komesho yoshikefa shehangano lOmwene mokutauluka kwasho Jordan, omeva aJordan a tukuka. Onghee hano omamanya aa a ninga edidiliko kovana vaIsrael fiyo alushe.”

JOSUA 6:6

Opo nee Josua yaNun okwa ifana ovapristeli ndele okwe va lombwela ta ti: “Kufeni oshikefa shehangano, novapristeli vaheyali nava humbate omanghuma aheyali eembinga deedi deemhedi komesho yoshikefa shOmwene.”

JOSUA 7:7

Ndele Josua okwa tya: “Akutu Omwene, Kalunga, omolwashike wa taulukifa ovanhu ava Jordan, ove u tu yandje momake Ovaamori, opo va shiive oku tu mana po sheke? Ngeno twa tokolele tu kale langhele kombinga inya yaJordan!

JOSUA 7:8

Akutu Omwene, ame ohandi ti shike, Ovaisraeli eshi va pa ovatondadi vavo ombuda?

1 PETRUS 3:21

Pafaneko eli paife nanye yo otamu xupifwa komeva, okeshasho, lo kali fi ekufepo lonyata yombelela, ndelenee okwiindila kuKalunga eliudo liwa omolwenyumuko laJesus Kristus.

JUDAS 1:5

Nande aishe omwe i shiivifilwa nale, onda hala oku mu dimbulukifa vali nokutya, Omwene ou a xupifa tete oshiwana medu laEgipiti, konima okwa nyona po aveshe venya va anya oku mu itavela.

1 SAMUEL 1:24

Ndelenee ye eshi e ka tovifa, okwa ya pamwe nako neengobe nhatu deemhedi noufila u fike peekilograma omulongo nomaviinyu oshitoo shimwe, nokwe ka twala kongulu yOmwene mu Silo. Nokaana okamati ka li kanini natango.

1 SAMUEL 14:18

Opo nee Saul ta ti kuAhia: “Eta oku oshikefa shaKalunga, osheshi mefimbo linya oshikefa shaKalunga sha li povana vaIsrael.”

1 SAMUEL 4:2

Ovafilisti eshi va tanda ombinga ve ke lidenge nOvaisraeli, nolwoodi la li linene, Ovaisraeli va tewa kOvafilisti. Ndele va dipaa monhele yolwoodi ovalumenhu ve fike ngeno pomayovi ane.