1 SAMUEL 4:18 - Ombibeli Iyapuki

¹⁸ Naanaa winya eshi ta hepaulula ta tongo oshikefa shaKalunga, Eli okwa wa ongali konima kolukalwa poshivelo, ta teka ofingo ndele ta fi, osheshi ye okwa li omulumenhu munene nomudjuu. Ndele ye a pangela Israel omido omilongo nhee.

1 SAMUEL 4:18 ပူးပေါင်းရင်းမြစ်များ

OMAPSALOME 26:8

Omwene, ame ondi hole onhele yongulu yoye, naapa tapa kala onhele yoshinge shoye.

OMAPSALOME 42:10

Onda fa nda tukwa momakipa ange, eshi ovanandubo naame va sheka nge, alushe tava ti kwaame: “Kalunga koye oku li peni paife?”

OMAPSALOME 42:3

Omahodi ange okwa ninga eendja dange omutenya noufiku, osheshi efiku keshe otava pulapula nge tava ti: “Kalunga koye oku li peni paife?”

OMAPSALOME 69:9

Osheshi ouladi wokukondjela ongulu yoye, oo wa mana nge eenghono; nomasheko aava have ku sheke, a wila nge.

LEVITIKUS 10:3

Opo nee Moses ta ti kuAron: “Eshi osho tuu osho Omwene e shi tile, eshi ta ti: ‘Mwaava ve li popepi naame, Ame nda hala okushiivifa ouyapuki wange nomoipafi yovanhu aveshe nda hala okulifimanekifa.’ ” Ndelenee Aron okwa mwena.

OVATOKOLIPANGELI 15:20

Ndele ye okwa pangela Israel mefimbo lOvafilisti omido omilongo mbali.

1 SAMUEL 4:13

Fimbo ye te uya, Eli okwa li omutumba kolukalwa pondjila ndele ta tale, osheshi okwa li e noshisho shoshikefa shaKalunga. Nomulumenhu e uya ndele ta hepaulula moshilando osho sha ningwa, noshilando ashishe sha weelela.

1 SAMUEL 4:17

Nomutumwa okwa nyamukula ta ti: “Ovaisraeli va tewatewa kOvafilisti, ndele ovakwaita vahapu va dipawa, novana voye vavali, Hofni naPinehas, va dipawa yo, noshikefa shaKalunga sha iwa nasho.”

1 SAMUEL 4:19

Ndele oshitenya shaye, omwalikadi waPinehas, okwa li popepi nokudala. Ye eshi a uda eenghundana nokutya, oshikefa shaKalunga osha iwa nasho naxemweno nomulumenhu waye va fya, ye okwa wila poshi ndele ta dala, osheshi efeto ledimo le mu hanga.