1 SAMUEL 4:10 - Ombibeli Iyapuki

¹⁰ Opo nee Ovafilisti va lwa, nOvaisraeli va tewa fiyo va ya onhapo, keshe umwe kofaila yaye. Nolwoodi la li linene shili. Ovakwaita voposhi Ovaisraeli omayovi omilongo nhatu va dipawa.

1 SAMUEL 4:10 ပူးပေါင်းရင်းမြစ်များ

2 SAMUEL 18:17

Opo nee va kufa Absalom ndele ve mu ekela mekololo linene lomomuulu, ndele va ndubila onduba inene yomamanya kombada yaye, fimbo Ovaisraeli aveshe, keshe umwe, a ya onhapo ketwali laye.

2 SAMUEL 18:7

Novakwaita vaIsrael va tewa kovapiya vaDavid, netewatewo lavo la li linene efiku tuu olo, ovalumenhu omayovi omilongo mbali.

2 SAMUEL 19:8

Nohamba ya penduka ndele tai kala omutumba poshivelo. Ovanhu aveshe va shiivifilwa nokutya: Taleni, ohamba oi li omutumba poshivelo. Opo nee ovanhu aveshe ve uya moipafi yohamba. Ndele Israel sha ya onhapo, keshe umwe, ketwali lavo.

2 SAMUEL 20:1

Ndele omukolokoshi umwe a holokela ko, edina laye Sheba yaBikri, Omukwabenjamin. Ye okwa shika enghuma loluvinga lodi yomhedi ndele ta ti: “Fye katu noshitukulwa muDavid, ndele katu noshitukulwafyuululwa momona waIsai; akutu Israel, keshe umwe na ye ketwali laye!”

1 EEHAMBA 12:16

Ovaisraeli aveshe eshi va mona nokutya, ohamba inai va pwilikina, ovanhu va nyamukula ohamba ndele tava ti: “Fye otu noshitukulwa shilipipo muDavid? Katu noshitukulwafyuululwa momona waIsai. Israel, inda komatwali oye! David, tala hano paife eumbo loye mwene!” Opo nee Ovaisraeli va ya komatwali avo.

1 EEHAMBA 22:36

Ndele etango eshi la ningina momatemba aeshe ovakwaita mwa udika eingido: “Omulumenhu keshe na ye koshilongo shaye!”

2 EEHAMBA 14:12

Ndelenee Ovajuda va tewa kOvaisraeli, ndele va ya onhapo, keshe umwe keumbo laye.

2 OMAFIMBO 13:17

Ndele Abia novakwaita vaye, va lwa olwoodi linene navo, onghee hano mOvaisraeli mwa dipawa ovalumenhu ovanyasha omayovi omafele atano.

2 OMAFIMBO 25:22

Ndele Ovajuda va tewa kOvaisraeli, ndele va ya onhapo, keshe umwe keumbo laye.

OMAPSALOME 78:9

Ovana vaEfraim, ava va li ovakwataiti mokushiiva okuyasha, efiku loita eshi le uya, ova ya onhapo.

JEREMIA 7:12

Indeni konhele yange ei ya li muSilo oko nda nangekele pehovelo edina lange, nye mu tale nhumbi nde i ninga omolwowii wovanhu vange Ovaisraeli.

LEVITIKUS 26:17

Ndele oshipala shange Ame ohandi ke shi mu taalelifila nehandu, opo nye mu tewatewe kovatondadi veni. Novatondadi veni tave ke mu pangela, ndele nye otamu ke litwala onhapo nande pehe na ou te mu taataa.

DEUTERONOMION 28:15

“Ndelenee ove ngeenge ito pwilikine ondaka yOmwene Kalunga koye, opo u diinine shili oipango aishe ei yaye neenghedimhango daye, ame ohandi ku lombwele nena eli, opo nee omatulomutima aeshe aa tae uya kombada yoye ndele tae ku hange.

DEUTERONOMION 28:25

“Omwene te shi ningi nokutya, ove to tewa kovatondadi voye. Nondjila imwe to i u ke va shakeneke, ndelenee neendjila heyali ove to ke va ya onhapo; ndele ove to ka ninga oixuna koilongo aishe kombada yedu.

1 SAMUEL 3:11

Opo nee Omwene okwa tya kuSamuel: “Tala, Ame ohandi ka ninga oshinima shimwe muIsrael, keshe ou te shi udu, omatwi aye avali otaa ka uma.

1 SAMUEL 4:2

Ovafilisti eshi va tanda ombinga ve ke lidenge nOvaisraeli, nolwoodi la li linene, Ovaisraeli va tewa kOvafilisti. Ndele va dipaa monhele yolwoodi ovalumenhu ve fike ngeno pomayovi ane.